A gratuidade das escolas infantís, os requisitos que deben cumprir os pais, como a puntualidade e a asistencia, as obrigas do centro e as novidades na reserva de prazas de cara ao vindeiro curso son temas que hoxe abordamos con Ángela Martínez e David Carballo, da Escola Infantil Ohana.

Mañá martes ás 20.30 h o Cineclub Tui proxecta no espazo sociocultural da rúa Camilo José Cela o filme "Un tipo xenial", de Bill Forsyth. Unha película que destaca pola súa banda sonora, composta por Mark Knopfler e Guy Fletcher. Deu os detalles Noemí Guisande, do Cineclub Tui.

As entradas teñen un prezo de 2€ para persoas socias e de 4,5€ para público xeral.

Porta da Pía Artesanía forma parte este ano da campaña "Parte de ti" que presenta Xeodestino Galicia Suroeste. Unha iniciativa que se basea nas historias das persoas que están detrás dos produtos e servizos do rural.

Hoxe falamos con Susana Cabo, de Porta da Pía Artesanía, sobre os 13 anos da súa presenza en Tui.

A Eurocidade Tui-Valença acollerá o sábado 2 de agosto o IV Encontro Ibérico Audi organizado por PRC Vigo Audisport - Club Audi Galicia.

O evento reunirá afeccionados e entusiastas da marca Audi tanto de España como de Portugal, para compartir a paixón por estes vehículos, intercambiar experiencias e gozar dun ambiente festivo do que Omar Cambeiro, presidente da Asociación PRC Vigo Audi Sport, deu todos os detalles.

A praza da Inmaculada, en Tui, acollerá mañá sábado, ás 11 h, unha concentración convocada pola plataforma Parar La Guerra para pedir o fin do xenocidio en Gaza.

Pedro Souto, membro da plataforma, explicou hoxe que esta concentración estará dedicada ao persoal sanitario, tanto do propio territorio coma aos voluntarios que se achegan a axudar.

O IKFEM Festival Tui-Valença celebrará a súa décimo terceira edición a vindeira semana, do mércores 16 ao domingo 20. O festival brindará espectáculos irrepetibles con artistas referentes da música na península ibérica na Alameda de San Domingos, en Tui, e nas Cortinas de San Francisco, na Fortaleza de Valença. Hoxe Andrea González, directora do Ikfem repasou a programación prevista para estes cinco días.

Os abonos e as entradas para os concertos están disponibles en www.ikfem.com.

O tudense Israel Rovira e o salcedense afincado en Tui Ángel Alonso organizan, xunto a Sara, un festival itinerante, o En Obras Fest. Esta iniciativa, que busca impulsar o talento emerxente e novo, non só concentra música urbana, senón tamén deseño.

Hoxe Israel Rovira e Ángel Alonso, artistas e organizadores explicaron en que consiste o seu proxecto.

Estas semanas estase a celebrar en Tui o IX Campus de Fúbol Sala Toñin Martín, no que este ano participan preto de 100 nenos e nenas.

Hoxe conversamos con Toñin Martín e Xacobe Morais sobre os valores que ven necesarios no deporte e sobre o crecemento deste campus ao longo dos anos.

Cinco visitas guiadas e unha conferencia conforman a programación da terceira edición das visitas guiadas “Coñece o noso patrimonio”, organizadas polo Instituto de Estudos Tudenses en colaboración co Concello de Tui.

O programa abrirase o próximo luns, 14 de xullo, ás 20 h cunha ruta literaria pola cidade histórica de Tui a cargo da escritora Marga do Val, que comezará no miradoiro da Alameda tudense.

Rafael Sánchez Bargiela, secretario do Instituto de Estudos Tudenses deu hoxe os detalles.

O trompetista tudense Manuel Madarnás comeza este domingo a súa xira La MMarca. Farao en Ponteareas, ás 20.30 horas, no auditorio Reveriano Soutullo. O prezo das entradas é de 10 euros e poden retirarse na taquilla a partir das 19.00 horas o domingo ou a través da web beacons.ai/manuelmadarnas_oficial.

Deste primeiro concerto da xira falamos hoxe con Manuel Madarnás.