Día a Día

Día a Día

By Radio Municipal de TuiNewsEntertainment News
Download on the App Store

Día a Día episodes

  • Ent. Sonsoles Vicente, concelleira de Cultura, e Javier Oliveira da Librería Nobel | XXVII Feira do Libro Galego
    Tui vístese este domingo de libros coa celebración da XXVII Feira do Libro Galego organizada polo Concello de Tui co gallo do Día das Letras Galegas.
    Haberá dez postos da libraría Nóbel na praza da Inmaculada nunha aposta polas nosas letras e pola nosa literatura.
    A concelleira de Cultura, Sonsoles Vicente, destacaba esta mañá a longa traxectora deste evento, e o amplo programa de actividades ao longo de toda a xornada.
    Javier Oliveira, da Libraría Nóbel, explicou que a primeira hora comezarán coa montaxe dos dez postos da feira non que amosarán a ampla oferta de libro en galego. Hai un libro para cada persoa, tal e coma explicaba.
    12 min
  • Ent. Noelia Estévez do Estudo Desoños, e Beatriz Losada de MA Axencia | Xornada Ruralmente
    Dentro dunha semana, o próximo xoves 21, Tui acollerá a xornada formativa “Comercialización e marketing para os produtos do rural”. Será no Espazo Sociocultural de Tui e estará centrada nas novas ferramentas dixitais e estratexias de promoción e venda para proxectos vinculados ao medio rural.
    A actividade, organizada por Galicia Suroeste co apoio do Concello de Tui, contará cunha parte teórica e outra práctica, coa visita ás instalacións de Ideas Peregrinas da man de Mónica e Silvana Crisóstomo, promotoras desta iniciativa de emprendemento local.
    Hoxe déronnos toda a información Noelia Estévez do Estudo Desoños, e Beatriz Losada de MA Axencia.
    7 min
  • Ent. Bieito Alonso, historiador | Doazón ao Concello de Tui de cartas de Francisco Rodríguez
    O historiador Bieito Alonso fixo entrega ao Concello de Tui dun conxunto de cartas escritas por Francisco Rodríguez Otero dirixidas á súa familia. Esta colección epistolar de "Paquiño de Figueiró", dirixente político no Baixo Miño e paseado en outubro de 1936, dende a prisión no Seminario de Tui, será depositada no Arquivo Municipal tudense.
    Hoxe coñecemos que hai nas cartas e a historia de Francisco Rodríguez, da man do historiador Bieito Alonso.
    10 min
  • Ent. Sonsoles Vicente, concelleira de Cultura | Tui Le
    Na semana das Letras Galegas as bibliotecas escolares de Tui e a Biblioteca Municipal promoven a celebración de Tui Le. Trátase dunha xornada de actividades arredor do libro e a lectura que esta mañá se celebrou no Teatro Municipal.
    Participaron mais de 650 alumnos e alumnas do IES San Paio, IES Indalecio Pérez Tizón, CEIP nº 1, CEIP nº 2, CEIP de Pazos de Reis, CEIP de Guillarei, CEIP de Rebordáns, CEIP de Randufe, CEIP de Caldelas, CRA Mestra Clara Torres, e Colexio Santa María – Maristas.
    A concelleira de Cultura, Sonsoles Vicente, destacaba esta celebración na que alumnado participa activamente.
    6 min
  • Ent. Ana Núñez, concelleira; Mar.jewelrin; Manos Creadoras 21; Shirga; Paula Siddell; Quiñons da Insua | II Mercarte
    Cinco proxectos creativos participarán na segunda edición de Mercarte que este venres abre as súas portas na sala anexa da Oficina Municipal de Turismo de Tui. Son Mar.jewelrin; Manos Creadoras 21; Shirga; Paula Siddell; e Quiñons da Insua, que ofrecerán diversidade de produtos, como xoias en prata, ouro, resina natural, flores, tamén pintura con diferentes técnicas e viño.
    Mercarte abrirá até o 15 de xuño en horario de 10.30 h a 13.30 h e de 17.00 h a 20.00 h, ampliando os venres e sábados o seu horario até as 21 h.
    Hoxe coñecemos esta iniciativa coas cinco mulleres emprendedoras e a concelleira de Comercio e Igualdade, Ana Núñez.
    12 min
  • Ent. Esperanza Martínez, presidenta de Fibromiño | Día Mundial da Fibromialxia e do Síndrome de Fatiga Crónica
    Hoxe 12 de maio conmemórase o Día Mundial da Fibromialxia e do Síndrome de Fatiga Crónica. Con este motivo conversamos con Esperanza Martínez, presidenta de Fibromiño, asociación presente en Tui, Tomiño, A Guarda, O Rosal e Oia.
    Ela explicou que é a fibromialxia, cales son os seus síntomas e tamén deu conta dunha investigación que se está a levar a cabo na Universidade de Santiago de Compostela sobre a evolución da dor e a fibromialxia. Un estudo no que ela mesma participa.
    12 min
  • Espazo Comercio | Sorteo da Campaña do Día da Nai
    Balance moi positivo o que realiza ACITUI da campaña promocional do comercio local co gallo do Día da Nai. Pasaron de 39 locais participantes a 58 nesta edición e de repartir case mil papeletas ao ano pasado ás 2.700 deste ano. Está mañá na nosa sintonía sorteáronse os 5 vales de compra de 30€ no comercio local participante.
    Así o explicaba hoxe o presidente de ACITUI, Pepe Míguez, no Espazo Comercio. Tamén avanzou as accións formativas que organizan sobre redes sociais e inglés.
    8 min
  • Ent. Mila González, Manuel Gónzalez e Diego Alonso, de Arume de Malvas | Actuación en Balaídos
    Os compoñentes da banda de gaitas Arume de Malvas pisaran esta tarde o céspede de Balaídos. Será na previa do encontro entre o Celta e o Levante que comezará ás 19 h.
    A banda tudense actuará ás 18.50 h nunha aposta do club pola tradición galega e a nosa música, e a poucos días da celebración do Día das Letras Galegas.
    Desta actuación tan especial falamos hoxe con Mila González, presidenta de Arume, Manuel González, o compoñente de maior idade, e o profesor Diego Alonso Vila.
    10 min
  • Ent. Dámaso Rodríguez, peregrino | Fin de Cruzando Camiños
    1.165 quilómetros despois, o tudense Dámaso Rodríguez completou o seu "camiño de camiños" conectando diferentes percorridos xacobeos dende Alcalá de Henares até Tui. Foron os Camiños de Santiago Complutense, o de Madrid, o Francés e o Portugués.
    Agora está xa na súa casa, en Coslada, e puidemos conversar con el sobre este reto.
    6 min

About Día a Día

From the publisher's feed

Revista radiofónica da Radio Municipal de Tui conducida por Andrea Carrera e Chimo Cabreira. De luns a venres de 10 a 12.30 h recolle a actualidade local e comarcal, información, entretemento,…