“A extraordinaria viaxe de T.S Spivet”, de Jean-Pierre Jeunet é o filme que mañá ás 20.30 horas vai proxectar o Cineclub Tui no espazo sociocultural da rúa Camilo José Cela. Non será a única película que se poderá ver esta semana xa que o xoves, ás 22.00 horas vaise reproducir "The Beatles: Eight Days a Week", de Ron Howard.

Pablo Romero, do Cineclub Tui deu conta dos argumentos de ambos filmes.

As entradas teñen un prezo de 2 euros para socios e menores de 18 anos e de 4.50 para o público xeral.

Máis de 2.000 persoas gozaron xa dos dous primeiros concertos da décimo terceira edición do IKFEM Festival Tui - Valença. Hoxe James Rhodes actuará na Alameda de San Domingos e Perico Sambeat e a orquestra de Jazz de Matosinhos o domingo no Teatro Municipal de Tui.

Esta mañá a directora do festival, Andrea González, valoraba as dúas primeiras xornadas e se refería ás citas que quedan por disfrutar.

Salceda de Caselas vive esta fin de semana unha das súas festividades máis destacadas: as Festas do Cristo. A programación comeza hoxe venres e desenvolverase até o próximo luns día 21, festivo local.

Álex Rodríguez, concelleiro de Cultura de Salceda, deu conta da programación prevista para estes días.

Tui recibiu a visita do novo director xerente da Red de Juderías de España – Caminos de Sefarad, Iñaki Echeveste. Até hoxe, venres, está no municipio para coñecer directamente o patrimonio xudeu e criptoxudeu que atesoura a cidade que forma parte dende o ano 2019 deste rede que integra na actualidade a 21 municipios de España.

Hoxe conversamos con Iñaki Echeveste sobre os obxectivos desta visita e dos diferentes aspectos da Red de Juderías de España.

A Semana Cultural de Ribadelouro comeza eás 22 h desta noite de xoves con cine ao aire libre no torreiro da parroquia, onde proxectarán "Monstro del mar". Unha programación que se vai prolongar até o domingo e que mestura teatro, actividades para os máis pequenos, música e deporte.

Hoxe Auri Rodríguez, da Asociación Cultural Santa Columba, deu conta de todas as actividades que se van a levar a cabo estes días.

O IKFEM Festival Tui-Valença 2025 pechará a súa décimo terceira edición este domingo, ás 22.30 horas no Teatro Municipal de Tui co saxofonista Perico Sambeat, unha das figuras máis destacadas do jazz a nivel internacional, que se une á Orquestra Jazz de Matosinhos para presentar o seu disco conxunto “Boreal”.

Hoxe conversamos con Perico Sambeat sobre esta actuación na que desenvolve un triple papel como compositor, director musical e saxofón alto e soprano.

As entradas poden adquirirse en ikfem.com ao prezo de 10 euros

Este sábado día 19 o Aeródromo Militar de Santiago de Compostela ábrese ao público nunha xornada de portas abertas con motivo do 90 aniversario do Aeroporto de Lavacolla. A cita desenvolverase en horario de 10.00 a 15.00 horas, e ofrecerá aos visitantes a oportunidade de coñecer o traballo do Exército do Aire, ademais de desfrutar dunha exhibición de aeronaves militares procedentes de diferentes puntos de España.

Así nolo contou hoxe Juan Pedro Velázquez-Gaztelu Fernández de la Puente, coronel, comandante Militar Aéreo e xefe do Aeródromo Militar de Santiago.

A música pode curar. Sobre esa base naceu o proxecto EUTERPE_ADN, unha rede transfronteiriza para o estudo da música como terapia nas enfermidades neuropsicomotoras e o envellecemento.

Coa súa coordinadora, Laura Navarro, conversamos onte no programa especial IKFEM.

Até o vindeiro luns día 21 está aberto o prazo de inscrición para participar na baixada en kaiak da Festa de Verán e da Cervexa, que organiza a asociación sociocultural e deportiva A Insua de Caldelas e que terá lugar na Ribeira de Caldelas o vindeiro sábado 26 de xullo.

O prezo é de 17 euros para persoas socias e de 22 euros para público xeral e inclúe, ademais da baixada, bocata e bebida. A inscrición pode formalizarse no chamando ao teléfono 607 96 70 94.

José Álvarez, da Insua de Caldelas deu todos os detalles da festa.

"Barco de papel" é o novo libro do escritor guardés Franscisco Álvarez Koki. Unha obra dirixida ao público infantil que narra a aventura de catro nenos guardeses que viaxan cara Nova York. A historia está ilustrada por Emilio Baz e inclúe tres linguas: galego, castelán e inglés.

Así nolo contou hoxe o seu autor, Francisco Álvarez Koki.