O grupo dominicano Extra realizará este sábado en Ribadelouro a única actuación en Galicia este verán. Será dentro do programa das Festas na honra a María Magdalena que comezan hoxe. Esta tardiña terán sardinada e porco ao espeto, e a primeira verbena será amenizada polo grupo 3.com. Dos festexos faláronnos hoxe Gerardo de Lino e Cristina Oya, da Comisión de Festas Santa María da Magdalena.

O músico Germán Díaz presenta mañá xoves, ás 21.30 h, na igrexa de San Bartolomeu o concerto ilustrado “A zanfona e o Camiño de Santiago”. Este evento forma parte programa “Tui capital do Camiño Portugués – cultura no camiño portugués”,

Interpretará músicas históricas baseadas na tradición sonora dos Camiños a Santiago, ilustrado a partir das diversas representacións da zanfona nas igrexas e monumentos que debuxan os camiños que os peregrinos utilizaron para chegar a Compostela. Así nolo contou hoxe Germán Díaz.

O artista tudense Carlos Fer participa na Bienal de Arte de Pontevedra coas obras que realizou nas residencias artístícas na Fundación Nicole & Walter Leblanc, en Bruselas, e no Matadero, en Madrid dentro do programal Novos Valores.

Hoxe falounos desta experiencia, da súa obra, e dos novos proxectos nos que traballa.

O Camiño de Santiago marca as actividades previstas esta semana en Tui, coincidindo coa festividade de Santiago Apóstolo.

Mañá mércores comezarán ás 20.30 horas na Igrexa de San Domingos coa conferencia “700 anos da peregrinación da Rainha Santa”, a cargo do historiador Rafael Sánchez Bargiela.

Con el coñecemos hoxe os detalles desta actividade e da camiñada comentada polo Camiño Portugués que vai ter lugar este venres 25 ás 9 h.

Este xoves comezan as Noites baixo as estrelas que organiza Altitude. Será en horario de 22.00 a 00.00 cunha ruta de aproximación no Monte Aloia para desfrutar do manto de estrelas.

As persoas interesadas en participar poden inscribirse a través do WhatsApp 613 23 93 09, no correo [email protected] ou a través das súas redes sociais.

O prezo é de 14 euros e de balde para menores de 12 anos. Claudia Montes, de Altitude, deu os detalles desta actividade, que se celebrará tamén en agosto, os días 1, 14, 23 e 30.

No tempo do Espazo Comercio que realizamos en colaboración con ACITUI conversamos hoxe con Cristina Rodríguez, do Fuchique, sobre o podcast que vén de lanzar: "Así no hay marca que aguante". Tamén profundamos con ela sobre todo o que hai detrás das campañas de redes sociais.

A parroquia de Malvas celebra este xoves e venres as súas Festas na honra a Santiago Apóstolo. O xoves coa verbena a cargo das orquestras Gran Parada e Saudade e o venres con pasarrúas, misa solmne, procesión, tradicionais poxas e fin de festa coas formacións Takicardia e Paradanta.

María Rodríguez, da Comisión de Festas de Malvas, deu hoxe os detalles da programación.

O boxeador de orixe tudense Juanca Alonso debuta este venres ás 19.00 h na categoría profesional. Será nun combate nas instalacións do Rebouras Team, en Vigo. Hoxe conversamos con el sobre a súa estrea nesta categoría e repasamos a súa traxectoria como amateur, na que coroouse como campión de España, de Galicia e Portugal.

As entradas para a velada teñen un prezo de 20 euros e pódense adquirir nas propias instalacións do Rebouras Team.

“A extraordinaria viaxe de T.S Spivet”, de Jean-Pierre Jeunet é o filme que mañá ás 20.30 horas vai proxectar o Cineclub Tui no espazo sociocultural da rúa Camilo José Cela. Non será a única película que se poderá ver esta semana xa que o xoves, ás 22.00 horas vaise reproducir "The Beatles: Eight Days a Week", de Ron Howard.

Pablo Romero, do Cineclub Tui deu conta dos argumentos de ambos filmes.

As entradas teñen un prezo de 2 euros para socios e menores de 18 anos e de 4.50 para o público xeral.

Máis de 2.000 persoas gozaron xa dos dous primeiros concertos da décimo terceira edición do IKFEM Festival Tui - Valença. Hoxe James Rhodes actuará na Alameda de San Domingos e Perico Sambeat e a orquestra de Jazz de Matosinhos o domingo no Teatro Municipal de Tui.

Esta mañá a directora do festival, Andrea González, valoraba as dúas primeiras xornadas e se refería ás citas que quedan por disfrutar.