O Festival Música no Claustro inclúe na súa programación, dentro do Foro Resonancias do mércores 6 de agosto, unha intervención de Eduardo Rodríguez, xefe do servizo de Arquivo e biblioteca da Oficina Española de Patentes e Marcas.

El dará información sobre esta oficina e sobre o amplo número de arquivos cos que conta. Eduardo Rodríguez deu hoxe os detalles.

Dentro da programación do Festival Música no Claustro é o Foro Resonancias o próximo mércores 6 de agosto, un punto de encontro do tecido profesional e artesán, en diálogo con outras disciplinas.

Coñecemos os detalles desta actividade con Beatriz Fontán, produtora creativa do festival; e Aitor, artesán, artista e autor.

Hoxe martes continúa o ciclo "Coñece o noso patrimonio" organizado polo Instituto de Estudos Tudenses cunha visita ás 20 h ao mosteiro de Sanfins de Friestas, na Unión de Freguesías de Gondomil (Valença).

Coñecemos hoxe os detalles co historiador Narciso Serra, quen guiará a visita.

A Asociación de Comerciantes e Industriais de Tui, ACITUI, plasmou nunha moción, que levará ao próximo pleno ordinario, a defensa do seu papel coma comerciantes, e apuntando ao que consideran é o problema real do comercio.

Así o explicaba na nosa sintonía o presidente de ACITUI, Pepe Míguez, no tempo de Espazo Comercio.

Este venres 1 de agosto ás 21 h comeza o XIX Música no Claustro, abrindo sete días con sete concertos gratuítos, unha residencia artística, unha conversa e unha nova edición do Foro Resonancias. Todo conformará o programa deste ano baixo o fío condutor das “identidades” que ten cada persoa.

Hoxe conversamos sobre a programación e o fío condutor desta edición con Samuel Diz, director, e Mar Font, da organización.

O Ballet Calden Gaucho de Arxentina, o Centro Cultural Vila Batalhão de Brasil, a Compañía Artistica Mien-Moh de Costa de Brasil e Ensemble Nikola Vapcarov de Macedonia serán hoxe martes, ás 21.30 h os protagonistas da Noite Internacional do Miño. A cita será no Parque do Laxal en Rebordáns.

Hoxe Katia Rocha e Vanesa Alonso da Escola de Baile e Música San Fins, organizadores do evento, contaron os obxectivos da Noite e tamén nos falaron de cada grupo.

Pexegueiro celebra este sábado as súas festas na honra a Santa Ana. A programación dará comezo ás 12 h coa misa solemne acompañada do grupo de gaitas o Mosteiro de Pexegueiro. Logo, polbo e churrasco a prezos populares.

Xa pola tarde, ás 16 h a festa continúa coa charanga Cantos Somos e ás 22 h o Trío Sensación e Murga Airiños do Cereixo. Mónica Martínez, da comisión de festas, deu conta da programación.

A programación “Tui capital do Camiño Portugués – cultura no camiño portugués” rematará mañá, venres, ás 21.00 horas na igrexa de San Domingos coa actuación da compañía Furia Sotelo, que vai presentar o espectáculo de música e danza “Camiños que parten”. O mesmo enlaza cunha intervención musical de Mounqup e o seu último disco Aquelarre.

Así nolo contou hoxe a bailarina e membro da agrupación, Nuria Sotelo.

O grupo de Discamino está realizando o seu 16º Camiño de Santiago deste ano e hoxe levan a cabo a terceira e última etapa polo Baixo Miño. Saíron esta mañá dende Tui co obxectivo de chegar a Vigo.

Conversamos con Javier Pitillas, responsable de Discamino sobre este Camiño de Santiago, que xa realizaron en 145 ocasións dende o seu comezo en 2009 e no que participan moitas persoas con e sen discapacidade.

A Axencia de Doazón de Órganos e Sangue de Galicia fai un chamamento este verán á doazón de sangue das persoas dos grupos A+, 0+, e 0-. Unha das unidades móbiles está hoxe xoves e o sábado, na rúa Casal Aboy, a carón do centro de saúde en Tui. As doazóns pódense realizarse ata ás 14.15 h e de 16 a 21 h, hoxe e de 10 a 15 h o sábado.

José María Vázquez, responsable da xestión de colectas de ADOS animaba á veciñanza para que se achegue a doar e salientaba os bos datos de doazóns en Tui, que sobrepasan a media autonómica con 54 doantes por cada 1.000 habitantes.