Durante esta semana O Rosal está celebrando a quinta edición da Mostra de Cine que organiza a Asociación Ghorghalado. Con máis de 1.000 curtametraxes inscritas este ano, o domingo día 10 entragaranse os sete premios.

Coñecemos os detalles desta mostra cunha das organizadoras, Paula Rodríguez.

Hoxe xoves ás 21 h remata o XIX Música no Claustro cun solo de violoncello a cargo do músico Mon-Puo. Será ás 21 h no claustro da Catedral, con entrada libre e sen reserva previa.

Hoxe coñecemos os segredos desta actuación co violoncellista Mon-Puo e co director do festival, Samuel Diz.

A Guarda vive esta semana as Festas do Monte, intensas xornadas que contan coa participación de 20.000 persoas da comarca e doutros puntos de Galicia, Portugal e España.

O alcalde guardés, Roberto Carrero, convidou hoxe no programa Día a Día a desfrutar das festas e do Monte Santa Trega.

Feminino Plural é un programa integral, multidisciplinar e feminista posto en marcha polo Concello de Tui, a través da concellería de Igualdade. Vaise desenvolver neste mes de agosto e en setembro.

É un programa de promoción da igualdadade e da prevención da violencia de xénero tal e coma explicaba Ana Núñez, concelleira de Igualdade, quen explicaba os obxectivos que ten e facía un chamamento ás mulleres a participar.

Controlada a situación no incendio forestal que afecta dende onte a primeira hora da tarde á parroquia da Picoña en Salceda. A proximidade ás casas obrigou a establecer a situación 2 pola proximidade a vivendas. O concelleiro de Cultura e Seguridade, Alex Rodríguez, explicaba na Radio Municipal de Tui que a situación na zona máis próxima ás casas quedou controlada pasadas as 3 da madrugada. Arestora proseguen tarefas para continuar a zona perimetral do incendio que segundo as primeiras estimacións podería afectar a 80 hectáreas. Numerosos medios traballan no lugar dende onte, tamén a UME.

Despois de cinco xornadas co claustro da Catedral de Tui cheo, hoxe facemos balance da edición deste ano do Festival Música no Claustro.

Facémolo con Mar Font, integrante da organización e estudante de Antropoloxía, quen nos deu máis información sobre as actividades destes días e sobre o "Identidades".

O tudense Saúl Vaz, piloto de karting, está en segunda posición no Campionato CYL en Kotar (Aranda de Duero) e participará na vindeira proba que se celebra o 23 e 24 de agosto.

Hoxe valoramos con el e con Jesús Vaz, o seu pai e manager, a temporada deste ano 2025.

Até o luns 11 se celebran na Guarda as Festas do Monte cunha programación extensa que culminará esta fin de semana co Desfile Folklórico e de Bandas Mariñeiras do sábado e a subida ao Monte Santa Trega o domingo.

Hoxe coñecemos todos os detalles con Manuel Castro, presidente da Comisión de Festas.

Importante vitoria esta fin de semana do piragüista Roi Rodríguez. O deportista tomiñés do Club Kaiak Tudense logrou o ouro en K1 1000 metros sénior no Campionato de España, conseguindo así a praza para o Mundial de Milán.

Hoxe valoramos con el estes éxitos.

Hoxe martes remata a campaña Merca no teu comercio. Tui foi un dos municipios onde se levou a cabo, e o próximo luns día 11 entregaranse 20 bonos de 50 euros.

Deu hoxe os detalles Pepe Míguez, presidente de ACITUI.