O Club Remo Tui abriu unha campaña de crowdfunding para poder sufragar a participación de 27 dos seus deportistas en tres competicións que marcarán a súa temporada. Trátase dunha iniciativa de doazóns, a través da plataforma gofundme.

Explicaron os detalles María González, presidenta; Aroa Rendo, vicepresidenta; e Lucía Carballido, do Club Remo Tui.

Un libro de memoria é o que se vai presentar este sábado ás 12 h no Espazo Sociocultural de Tui. O título é "Arredor do Ferruxo" e o contido artéllase sobre textos escritos por 28 persoas sobre historias, pasado, guerras en España e no mundo...

Faláronnos deste libro hoxe Manolo 'Ferruxo', Fernando Salgado e Silvia Liliana.

Os dez centros educativos de Tui elaboraron un pacto conxunto para regular o uso do móbil nos institutos e colexios. O principal obxectivo deste pacto é concienciar, informar e avaliar a situación en cada centro, sempre con posta en común e simultáneamente, con charlas, formacións e enquisas. A meta é a adolescencia libre de móbiles.

Coñecemos esta iniciativa con David Gómez-Casasnovas, director; e Javier García, xefe de estudos, do IES San Paio.

A alcaldesa, Ánxela Fernández Callís, reuniuse co conselleiro de Sanidade, Antonio Gómez Caamaño, para abordar a situación do centro de saúde rosaleiro tanto pola falla de persoal coma pola construción dun novo centro. A rexedora rosaleira fixo balance do encontro.

A transformación despois de ter un bebé, as emocións e vivencias internas, a identidade, o posparto, a presión social e o acompañamento son algúns dos elementos da maternidade que hoxe abordamos nunha conversa con Noelia Pérez e Rocío Lozano, psicólogas sanitarias, e Andrea Docampo, psicóloga sanitaria, do Centro Anarela.

Balance moi positivo da ruta Tú-y D'Tapas que no mes de marzo desenvolveu ACITUI. Nos catro venres do mes os establecementos participantes serviron 9.345 pinchos, case o dobre que na primeira edición deste evento o ano paso. Así o explicou Lucía Nogueira, vicepresidenta de ACITUI. Coincidía no positivo do balance Manu Garrido de La de Manu e Terraza do Miño. A concelleira de Comercio, Ana Núñez, felicitou ACITUI e aos establecementos por esta existosa ruta.

Esta mañá no noso locutorio tivo lugar o sorteo dos vales para consumir nos establecementos participantes entre os que completaron os cinco selos da ruta.

802 persoas realizarán a marcha Ultreia este domingo 12. Unha actividade deportiva que partirá ás 9 h da praza de San Fernando, en Tui. Na oitava edición da Ultreia e os 800 anos da consagración da Catedral, a proba acada unha cifra récord de participantes.

Así nolo contou hoxe David Acevedo, da organización.

Durante tres xornadas, sábado, domingo e luns de San Telmo, o barrio de San Bartolomeu acollerá a tradicional Concentración Cabalar, con rutas, exhibicións, concursos e espectáculos.

Miron Bococi é domador e artista ecuestre, e actuará o domingo ás 19 h e o luns ás 13 h. El contaba hoxe que poderemos atopar nos seus espectáculos.

Preto de 700 persoas van participar mañá sábado, dende as 11 h, na Carreira Popular de San Telmo II Memorial Xosé Martínez Tato.

Hoxe Rafael Estévez, concelleiro de Deportes, e Laura Solla, do Club Atletismo Tui, deron detalles sobre o percorrido e destacaron o carácter solidario desta proba popular, en favor de SOS Tomiño Baixo Miño.

Catro días grandes das festas de San Telmo son os que temos por diante en Tui a partir de hoxe venres. Verbenas, gastronomía, concertos, deporte, espectáculos para público familiar, procesión... e moito máis.

Sonsoles Vicente, concelleira de Cultura, explicaba hoxe que o obxectivo das festas é incluír a todas as persoas.