De Tui á Filarmónica de Berlín. Así se presenta o concerto que hoxe martes ás 21 h ofrecerá a pianista tudense Raquel Areal en Música no Claustro, coa participación da pianista Karla Martínez.

Tamén participará mañá mércores ás 12.15 h no Foro Resonancias cunha conversa con María Casado, coordinadora do programa MUSAE de música nos museos do Ministerio de Cultura.

Un total de 17 medallas lograron os padeeiros e padeeiras do Club Kaiak Tudense esta fin de semana no Campionato de España de Sprint de Piragüismo, logrando amais o cuarto posto por clubs.

Manuel Pedrares, director técnico do Kaiak Tudense, fixo esta mañá balance da competición. Tamén lle preguntabamos pola cita que en menos de quince días haberá no Miño co descenso popular e o internacional.

Este venres 8 de agosto ás 22.30 h preséntase en Sobrada, Tomiño, o documental “O Estrella Roja, a unión dun pobo”, que conta a historia do equipo de fútbol creado no ano 1978 na parroquia tomiñesa.

Hoxe puidemos conversar coa directora do documental, a investigadora da USC e doutora en Historia, Natalia Jorge, e con dúas das que foran integrantes do equipo feminino: Fátima Barreiro e Cristina Pereira.

"Mestura" é o título do último traballo da frautista María Toro que hoxe, ás 21 h, vai presentar no Claustro da Catedral dentro da programación de Música no Claustro. É o resultado das súas viaxes por distintos lugares do mundo para regresar a Galicia. Así nolo contaba no programa Día a Día.

Xunto a María Toro estarán Toño Miguel (contrabaixo), David Sancho (piano e teclados) e Andrés Litwin (batería).

Guillarei celebra este domingo 3 de agosto a festividade de San Mamede, con música, misa e as tradicionais poxas. Ademais, farase público o programa das Festas das Dores do mes de setembro.

Coñecemos os detalles con José Ferreira, presidente da Comisión de Festas Virxe das Dores.

Este domingo celébrase a Romaría de San Fins en Rebordáns. Comezará xa o sábado con foliada e gastronomía e o domingo a tradiciónal procesión dende o Centro Cultural até a capela, con tractores e chimpís adornados.

Déronnos conta da programación completa Milagros Rodríguez e Vanesa Alonso, pertencentes á directiva da Asociación Cultural San Fins.

Hoxe venres ás 21 h comeza o Festival Música no Claustro cun concerto de Mário Lúcio, músico, escritor e pintor de Cabo Verde, que nos achegará a música e os sentimentos do seu país.

Hoxe conversamos con el e co director do festival, Samuel Diz, sobre as identidades compartidas entre o pobo caboverdiano e o galego.

A piragüista Uxía Rodríguez Huertas logrou a novena posición no K1 1000 m no Campionato do Mundo de Piragüismo Sprint Júnior e Sub23. Martín Gorriti foi 13º nese mesmo campionato, onde competiu no K1 1000 m representando a Uruguai.

Con ambos piragüistas do Club Kaiak Tudense conversamos onte sobre estes éxitos e sobre a súa participación no Campionato de España esta fin de semana.

Poñer o foco na construcción dos instrumentos musicais é o obxectivo da conferencia inaugural do Foro Resonancias que organiza Música no Claustro o próximo mércores 6 de agosto na Catedral de Tui.

Cristina Bordas, catedrática de Musicoloxía pola Universidade Complutense de Madrid, será a encargada de impartir dita conferencia. Hoxe conversamos con ela e con Samuel Diz, director de Música do Claustro.

Dende este venres 1 de agosto até o 30 do mesmo mes, o Club Bádminton Tui organiza xornadas de adestramentos os luns e os venres en dúas quendas polas mañás.

A inscrición pode realizarse no teléfono 606 96 41 27. Marisa Giráldez contounos hoxe que este campus servirá tamén como adestramentos de cara a setembro.