Música, cultura tradicional, humor, cinema e gastronomía centran a programación cultural para o verán organizada polo Concello de Tui, que comezará esta fin de semana co V Festival da Cultura Tradicional e Folk, e este domingo coa romaría das Angustias e 125 aniversario da cruz do Monte Aloia.

A concelleira de Cultura, Sonsoles Vicente, deu conta da ampla programación que vai ter lugar durante os meses de verán no municipio.

Este sábado ás 22.00 horas a praza de San Fernando acollerá o concerto “Cantares nos camiños”, con María Vidal e Xisco Feijoó. Unha actividade que forma parte da programación do V Festival da Cultura Tradicional e Folk que durante esta fin de semana vai ter lugar en Tui.

Xisco Feijoó explicou hoxe que este concerto relaciona a historia dos seis camiños principais coa música que xurdía nos traxectos.

Dende hoxe e até o 7 de agosto está aberto o prazo de inscrición no Descenso Popular do Miño que se vai celebrar o sábado 16 de agosto. Este ano volverán coincidir en data tanto o descenso Popular coma o Internacional, polo que nesa xornada centos de piraguas encherán o Miño de cor.

A inscrición pode facerse a través da web descensomiñotui.com.

Este domingo 6 de xullo o paseo da Corredoira acollerá unha Concentración de coches clásicos, na que participarán uns 50 vehículos de diferentes décadas. A cita comezará ás 9 h cun almorzo, para ás 11 h iniciar a ruta cara as murallas de Salvaterra de Miño, onde se incluirá unha visita ao museo do viño.

Así nolo contou hoxe Enrique Lago, de Clásicos Tui.

O V Festival da Cultura Tradicional e Folk organizado por la Asociación Cultural San Telmo comeza este venres día 4 e prolongarase ata o domingo día 6. A primeira xornada dará comezo coa apertura da exposición “O traxe da muller aldeá” no espacio sociocultural de la calle Camilo José Cela, ás 19.30 horas.

Hoxe Teresa Astorgano, presidenta do grupo etnográfico Traxandaina deu conta das diferentes pezas que poderanse ver na mostra.

"O malvado raposo feroz", de Benjamin Renner y Patrick Imbert é a pélicula que inaugura a programación de verán do Cineclub Tui. Proxectarase mañá martes, ás 20.30 horas no espazo sociocultural da rúa Camilo José Cela. Noemí Guisande, do Cineclub Tui deu conta das distintas citas que terán lugar tanto os martes coma os xoves do mes de xullo.

A entrada para a proxección de mañá ten un prezo de 2 euros para socios e de 4.5 euros para o público xeral.

O pavillón Gustavo Rodríguez de Tui acolle este domingo, dende ás 10.30 h, o XI Campionato Ibérico de Kung Fu Tradicional e Moderno.

Coñecemos todos os detalles con Eduardo Méndez, organizador do evento, e con Fátima Fonseca, profesional docente de Portugal en kung fu tradicional.

Este domingo é o último día para poder realizar as xornadas de formación do Programa Vacacións en Paz para acoller a nenos e nenas saharauís durante os meses de verán.

Unha iniciativa da que Julio Solleiro, de Soliedaridade Galega co Pobo Saharauí daba todos os detalles e convidaba a participar.

As persoas interesadas en inscribirse poden facelo a través do teléfono 986 26 26 37 ou no Whatsapp 678 72 73 82.

Apenas 15 entradas quedan para o espectáculo cómico "¿Pero estas tías?" que organiza Terracita La Sigrina o próximo venres día 4 ás 21 h. Será un show de humor coa participación de Cata Ukelele, Antía Costas, Carla Mañas e Uxía Hermida.

Con esta última e con Mario Domínguez, de La Sigrina, conversamos hoxe no programa Día a Día.

A vindeira fin de semana celébrase en Tui o V Festival da Cultura Tradicional e Folk. O venres 4 dará comezo coa apertura da exposición “O traxe da muller aldeá” no Espazo Sociocultural da rúa Camilo José Cela, ás 19.30 horas, con posterior concerto. O sábado na praza de San Fernando terá lugar o X Certame de Gaita e Tamboril, e o domingo ás 19.30 h celebrarase na Corredoira o X Día da Muiñera.

Así nolo contaron Conchi Sales e Fernando Carnero da Asociación Cultural San Telmo.