Nova cita co cinema mañá martes no Espazo Sociocultural da rúa Camilo José Cela co Cineclub Tui. Nesta ocasión será unha película de gánsters “Morte entre as flores”, dos irmáns Cohen.

Haberá dúas sesións ás 18.30 h e ás 20.45 h.

Así nolo contou Noemí Guisande, do Cineclub Tui, quen avanzou que este mércores celebrarán unha asemblea de socios para abordar a programación de verán.

Isaac González decidiu crear unha curtametraxe como traballo para o seu TFG de Comunicación Audiovisual. Así foi como naceu o proxecto "Somos Nómadas", unha peza audiovisual na que participan 40 persoas.

Conversamos con tres dos integrantes desta creación, os tudenses Isaac González e Hugo Carnero, e o tomiñés Pedro Suárez.

O río Miño centrou hoxe a reunión interparlamentaria do BNG que se celebrou ao longo da mañá no Parador de Turismo de Tui. A reunión estivo presidida pola portavoz nacional, Ana Pontón, e contou coa participación de deputados e deputadas no Parlamento galego, así como da eurodeputada Ana Miranda, a senadora Carme da Silva e alcaldesas e alcaldes da organización nacionalista na comarca do Baixo Miño.

Con Ana Pontón conversamos hoxe sobre esta xornada e sobre a proposta de gobernanza conxunta da que deu todos os detalles.

Este domingo, a partir das 10.30 h, celébrase no club hípico Equigalia Concurso de Salto Territorial, no que haberá 70 participantes. Paula López de Equigalia explicaba o programa previsto no que tamén haberá outras actividades.

A freguesía de Verdoejo, en Valença, acolle mañá sábado, ás 21.30 h ES a segunda edición de “Música no Quinteiro ao Pór do Sol”. O cartel desta edición esta formado por Phantom Club e Dan Riverman, artista de Santo Tirso. Rui Esteves, organizador do evento explicaba como se vai desenvolver esta cita musical.

Esta fin de semana a Festa da Empanada celebra a súa XXV Edición en Estás, en Tomiño. Ent. Esteban González, presidente da Comisión de Festas Virxe Peregrina de Estás, daba conta da programación prevista para o domingo, qeu comezará as 11.30 horas coa Festa da Bicicleta.

Esta tarde o Tyde será recibido no Concello de Tui tras acadar o ascenso á Preferente Galicia. A cita comezará ás 19.30 horas coa chegada do equipo á Praza de San Fernando e media hora despois serán recibidos polo alcalde, Enrique Cabaleiro, e outros membros da corporación. David Domínguez, presidente do Tyde, daba conta dos detalles desta xornada de celebración que continuará, coa afección, nas inmediacións do Naútico de San Telmo.

Integrar a perda dunha persoa na nosa vida de xeito saudable e conseguir lembrala dende o amor, e non dende a dor. Sobre o proceso de adaptación que supón o dó conversamos hoxe con Ana Vila, psicóloga sanitaria de Anarela.

Con ela profundamos en como facilitar o proceso de dó, nas fases e síntomas, e damos recomendacións para acompañar a alguén que estea sufríndoo.

A motonáutica volve ser protagonista deportiva da fin de semana en Tui. Este sábado, a partir das 10.30 h, dispútase no río Miño, fronte á rúa Olímpicos Tudenses, a terceira proba do Campionato Galego Inclusivo de Motonáutica. Agardan a participación dunha ducia de equipos coma explicaba Carlos Estévez, tesoureiro da Real Federación Galega de Motonáutica.

Esta fin de semana celébrase na praza Pintor Antonio Fernández de Goián a XX Feira de Cultivos do Baixo Miño, que hai unhas semanas tivo que ser aprazado por motivos meteorolóxicos. Un evento que presenta varias novidades e no que haberá obradoiros, música e actividades para os máis pequenos. Sandra González, alcaldesa de Tomiño, repasou hoxe a ampla programación para esta fin de semana.