Día a Día

Día a Día

By Radio Municipal de TuiNewsEntertainment News
Download on the App Store

Día a Día episodes

  • Ent. Álex Alonso, piloto de SimRacing
    O oiense Álex Alonso é oito veces campión de España en SimRacing, unha modalidade de automobilismo virtual que emprega simuladores de conducción. Co obxectivo claro de competir na "vida real", está agora en busca de patrocinadores.
    Así nolo contaba hoxe no programa Día a día.
    6 min
  • Ent. Felicitas Iglesias, da Asociación Párkinson Baixo Miño, e David Torres, nutricionista do Sergas |"Fame e saciedade"
    O vindeiro xoves 5 de marzo a Asociación Párkinson Baixo Miño organiza a charla-coloquio "Fame e saciedade". Será ás 18 h no Centro Sociocomunitario de Tui, con entrada libre.
    David Torres é nutricionista do Sergas nos centros de saúde do Baixo Miño, e será el quen ofreza esta charla sobre a importancia da alimentación no párkinson. Con el conversamos hoxe, e con Felicitas Iglesias, da Asociación, sobre esta e futuras actividades.
    14 min
  • Ent. Ismael Diz, concelleiro de Medio Ambiente, e Patricia Vázquez, técnica forestal | Charlas informativas
    A partir da próxima semana o Concello de Tui achegará información sobre prevención de incendios e as faixas secundarias á cidadanía. Farao a través de diferentes charlas que se ofrecerán nas casas culturais de todas as parroquias. A primeira parada será Rebordáns, o próximo luns día 2 ás 19 h.
    Déronnos máis información Ismael Diz, concelleiro de Medio Ambiente; e Patricia Vázquez, técnica forestal.
    9 min
  • Ent. Casilda Alfaro, actriz | "As gardiás", de Teatro de Ningures
    Teatro de Ningures volve mañá venres ás 21 h ao Teatro Municipal de Tui. Presentará "As gardiás", unha obra que reflexiona sobre os coidados na vellez, contrastando o mundo das residencias co calor humano da familia e a comunidade.
    Unha obra que recibiu o Premio da Crítica de Galicia 2025 na modalidade de Artes Escénicas.
    Hoxe coñecemos máis sobre esta obra cunha das súas actrices, Casilda Alfaro.
    7 min
  • Ent. Carolina Figueroa, adestradora do RIBEX | Campionato Galego
    O CPA Ribex competirá este domingo no Campionato Galego de Patinaxe no pavillón das Travesas en Vigo. É a gran cita anual, coma explicaba a súa adestradora, Carolina Figueroa, tendo en conta amais que en xogo estarán as praza para acudir ao Campionato de España.
    O equipo, formado por 17 patinadores e patinadoras, preséntase renovado polo cambio xeneraciona producindo, polo que moitos será a primeira vez que compitan a este nivel. Para preparar este campionato levam adestrando intensamente nos últimos meses.
    4 min
  • Ent. José María Vázquez. responsable da xestión de colectas de ADOS | Chamamento especial á doazón. Unidade en Tui
    As reservas de sangue de 0- e A- están arestora en alerta polo que dende a Axencia de Doazón de Órganos e Sangue de Galicia fan un chamamento especial á poboación para que acuda a doar sangue, tanto ás persoas destes grupos coma dos outros.
    O dr. José María Vázquez, responsable da xestión de colectas de ADOS, explicaba a situación que se rexistra neste momentos.
    A unidade móbil de doazón estará mañá pola tarde e o sábado pola mañá en Tui, na rúa Casal Aboy a carón do centro de saúde.
    6 min
  • Noticias 13.30 h | Mércores, 25 de febreiro de 2026
    Neste mércores, 25 de febreiro, estas son as principais novas que recollemos en Noticias 13.30 h:
    - ADOS fai un chamamento á doazón de sangue ante o descenso nas reservas dos distintos grupos sanguíneos, especialmente 0- e A-
    - Nove farmacias do Baixo Miño forman parte dos 62 puntos violeta da provincia de Pontevedra
    - As XVII Leccións Xacobeas Internacionais da USC, que se celebrarán no mes de xullo, contarán cun percorrido guiada á Catedral de Tui
    - Dous novos cursos comezan a próxima semana na Aula da UNED de Tui
    - A poesía de Rosalía e doutros autores galegos protagoniza o concerto que mañá ofrecerán Francisco Castro e Valerio Araújo no Espazo Sociocultural
    - Teatro de Ningures representa o venres no Teatro Municipal "As Gardiás"
    - Este domingo pecha a inscrición para a Eurocidade BTT
    - Clasificado para o Máster Internacional de Series Nacionais de Padel o equipo feminino Seribérica do Club Pádel 8
    33 min

About Día a Día

From the publisher's feed

Revista radiofónica da Radio Municipal de Tui conducida por Andrea Carrera e Chimo Cabreira. De luns a venres de 10 a 12.30 h recolle a actualidade local e comarcal, información, entretemento,…