A piragüista Uxía Rodríguez Huertas logrou a novena posición no K1 1000 m no Campionato do Mundo de Piragüismo Sprint Júnior e Sub23. Martín Gorriti foi 13º nese mesmo campionato, onde competiu no K1 1000 m representando a Uruguai.

Con ambos piragüistas do Club Kaiak Tudense conversamos onte sobre estes éxitos e sobre a súa participación no Campionato de España esta fin de semana.

Poñer o foco na construcción dos instrumentos musicais é o obxectivo da conferencia inaugural do Foro Resonancias que organiza Música no Claustro o próximo mércores 6 de agosto na Catedral de Tui.

Cristina Bordas, catedrática de Musicoloxía pola Universidade Complutense de Madrid, será a encargada de impartir dita conferencia. Hoxe conversamos con ela e con Samuel Diz, director de Música do Claustro.

Dende este venres 1 de agosto até o 30 do mesmo mes, o Club Bádminton Tui organiza xornadas de adestramentos os luns e os venres en dúas quendas polas mañás.

A inscrición pode realizarse no teléfono 606 96 41 27. Marisa Giráldez contounos hoxe que este campus servirá tamén como adestramentos de cara a setembro.

O Festival Música no Claustro inclúe na súa programación, dentro do Foro Resonancias do mércores 6 de agosto, unha intervención de Eduardo Rodríguez, xefe do servizo de Arquivo e biblioteca da Oficina Española de Patentes e Marcas.

El dará información sobre esta oficina e sobre o amplo número de arquivos cos que conta. Eduardo Rodríguez deu hoxe os detalles.

Dentro da programación do Festival Música no Claustro é o Foro Resonancias o próximo mércores 6 de agosto, un punto de encontro do tecido profesional e artesán, en diálogo con outras disciplinas.

Coñecemos os detalles desta actividade con Beatriz Fontán, produtora creativa do festival; e Aitor, artesán, artista e autor.

Hoxe martes continúa o ciclo "Coñece o noso patrimonio" organizado polo Instituto de Estudos Tudenses cunha visita ás 20 h ao mosteiro de Sanfins de Friestas, na Unión de Freguesías de Gondomil (Valença).

Coñecemos hoxe os detalles co historiador Narciso Serra, quen guiará a visita.

A Asociación de Comerciantes e Industriais de Tui, ACITUI, plasmou nunha moción, que levará ao próximo pleno ordinario, a defensa do seu papel coma comerciantes, e apuntando ao que consideran é o problema real do comercio.

Así o explicaba na nosa sintonía o presidente de ACITUI, Pepe Míguez, no tempo de Espazo Comercio.

Este venres 1 de agosto ás 21 h comeza o XIX Música no Claustro, abrindo sete días con sete concertos gratuítos, unha residencia artística, unha conversa e unha nova edición do Foro Resonancias. Todo conformará o programa deste ano baixo o fío condutor das “identidades” que ten cada persoa.

Hoxe conversamos sobre a programación e o fío condutor desta edición con Samuel Diz, director, e Mar Font, da organización.

O Ballet Calden Gaucho de Arxentina, o Centro Cultural Vila Batalhão de Brasil, a Compañía Artistica Mien-Moh de Costa de Brasil e Ensemble Nikola Vapcarov de Macedonia serán hoxe martes, ás 21.30 h os protagonistas da Noite Internacional do Miño. A cita será no Parque do Laxal en Rebordáns.

Hoxe Katia Rocha e Vanesa Alonso da Escola de Baile e Música San Fins, organizadores do evento, contaron os obxectivos da Noite e tamén nos falaron de cada grupo.

Pexegueiro celebra este sábado as súas festas na honra a Santa Ana. A programación dará comezo ás 12 h coa misa solemne acompañada do grupo de gaitas o Mosteiro de Pexegueiro. Logo, polbo e churrasco a prezos populares.

Xa pola tarde, ás 16 h a festa continúa coa charanga Cantos Somos e ás 22 h o Trío Sensación e Murga Airiños do Cereixo. Mónica Martínez, da comisión de festas, deu conta da programación.