A banda Os da Alba encabezará mañá sábado o Desfile Folklórico e de Bandas Mariñeiras das Festas do Monte, na Guarda. Farao por cumprir 25 anos.

Hoxe coñecemos máis desta agrupación cunha persoa que forma parte dela dende a súa creación, Jorge Alonso.

Despois de sete días de actividades, con concertos diarios, conversas, o Foro Resonancias para profesionais e moita música e identidade, hoxe facemos balance do Festival Música no Claustro, que remataba onte.

Facémolo conversando co director do festival, Samuel Diz, e a produtora creativa, Beatriz Fontán.

Desactivado o nivel 2 de alerta na parroquia de Picoña, en Salceda de Caselas, tras o incendio forestal rexistrado onte mércores á tarde. Numerosos medios continúan traballando no lugar dende onte, tamén a UME, para refrescar a área e seguir facendo cortafogos.

Así nolo explicou hoxe a alcaldesa de Salceda, Loli Castiñeira.

Durante esta semana O Rosal está celebrando a quinta edición da Mostra de Cine que organiza a Asociación Ghorghalado. Con máis de 1.000 curtametraxes inscritas este ano, o domingo día 10 entragaranse os sete premios.

Coñecemos os detalles desta mostra cunha das organizadoras, Paula Rodríguez.

Hoxe xoves ás 21 h remata o XIX Música no Claustro cun solo de violoncello a cargo do músico Mon-Puo. Será ás 21 h no claustro da Catedral, con entrada libre e sen reserva previa.

Hoxe coñecemos os segredos desta actuación co violoncellista Mon-Puo e co director do festival, Samuel Diz.

A Guarda vive esta semana as Festas do Monte, intensas xornadas que contan coa participación de 20.000 persoas da comarca e doutros puntos de Galicia, Portugal e España.

O alcalde guardés, Roberto Carrero, convidou hoxe no programa Día a Día a desfrutar das festas e do Monte Santa Trega.

Feminino Plural é un programa integral, multidisciplinar e feminista posto en marcha polo Concello de Tui, a través da concellería de Igualdade. Vaise desenvolver neste mes de agosto e en setembro.

É un programa de promoción da igualdadade e da prevención da violencia de xénero tal e coma explicaba Ana Núñez, concelleira de Igualdade, quen explicaba os obxectivos que ten e facía un chamamento ás mulleres a participar.

Controlada a situación no incendio forestal que afecta dende onte a primeira hora da tarde á parroquia da Picoña en Salceda. A proximidade ás casas obrigou a establecer a situación 2 pola proximidade a vivendas. O concelleiro de Cultura e Seguridade, Alex Rodríguez, explicaba na Radio Municipal de Tui que a situación na zona máis próxima ás casas quedou controlada pasadas as 3 da madrugada. Arestora proseguen tarefas para continuar a zona perimetral do incendio que segundo as primeiras estimacións podería afectar a 80 hectáreas. Numerosos medios traballan no lugar dende onte, tamén a UME.

Despois de cinco xornadas co claustro da Catedral de Tui cheo, hoxe facemos balance da edición deste ano do Festival Música no Claustro.

Facémolo con Mar Font, integrante da organización e estudante de Antropoloxía, quen nos deu máis información sobre as actividades destes días e sobre o "Identidades".

O tudense Saúl Vaz, piloto de karting, está en segunda posición no Campionato CYL en Kotar (Aranda de Duero) e participará na vindeira proba que se celebra o 23 e 24 de agosto.

Hoxe valoramos con el e con Jesús Vaz, o seu pai e manager, a temporada deste ano 2025.