Hoxe, martes, inaugurouse o V Congreso Educativo EducODS 2030 no Paseo da Corredoira de Tui. Unha cita na que participan 21 centros educativos de Infantil, Primaria e Secundaria.

O conselleiro de Educación, Román Rodríguez, analizaba a importancia da celebración destas xornadas e salientaba o gran traballo realizado polos centros.

No tempo do Espazo Comercio, que realizamos en colaboración con ACITUI, conversamos con Mónica Rodríguez de ElectroTui Expert, que deu conta das ofertas mensuais e dos distintos servizos que dan, como o transporte e instalación gratuítos.

Río Miño en Barco oferta catro experiencias para este verán: paseos diarios, paseos con degustación, cóctel ou cóctel e concerto, con posibilidade de facelas en grupos de até 20 persoas.

Hoxe coñecemos os detalles con Verónica Gómez, quen tamén informou de que a empresa ten aberto un proceso de selección de persoal.

Do 23 de xuño ao 5 de setembro Ludiland organiza os seus campamentos de verán en Tui, no Liceo Casino, e tamén no seu novo centro en Salceda, para nenos e nenas de entre 3 e 12 anos.

Antonio Díaz, de Ludiland, explicou as actividades que se van a levar a cabo e como se pode realizar a inscrición.

O Cineclub Tui ten esta semana unha programación especial con motivo do V Congreso EDUCODS, promovido polo CEIP nº1 de Tui. Haberá unha dobre proxección gratuita no espazo sociocultural da rúa Camilo José Cela.

Mañá martes poderase ver "Adeus rapaces" e o xoves día 5 "Proxecto Nim". Ambas proxeccións serán as 20.00 horas. Así nolo contou hoxe Noemí Guisande, do Cineclub Tui.

O pavillón do IES San Paio acolle mañá, a partir das 10.00 horas o Campionato Galego sub 15 de Bádminton.

Marisa Giráldez, do Club Bádminton Tui, deunos hoxe oa información desta proba e adiantou outras citas que terán lugar nos meses de xuño e agosto.

A coral Ponte das Febres organiza para este domingo, 1 de xuño, unha guía musicalizada polo conxunto histórico de Tui, co nome Recunchos de Música. Será as 19.00 horas e nesta proposta participarán o coro infantil CEI Pazos de Reis, o grupo folclórico Ac Santa Columba de Ribadelouro e a coral Polifónica Ponte das Febres.

José Manuel Solleiro, Rafael Pérez e Mila González, da Coral Ponte das Febres, deron hoxe todos os detalles.

Xogos deportivos, xincanas, xogos de auga, manualidades ou cociña son algunhas das actividades que se van levar a cabo no campamento Summer Games que do 23 de xullo ao 29 de agosto vaise desenvolver no CEIP nº1 de Tui en horario de 8.00 a 15.00 horas. Vai dirixido a nenos e nenas de 3 a 12 anos.

Hoxe coñecemos todos os detalles con Mariví García, de Divertos.

Do 30 de xuño ao 24 de xullo, Concepto by Persa - A Quinta de Tui Futsal organiza o IX Campus Toñín Martín. Será de luns a venres en horario de 9 h a 14.30 h e vai dirixido a nenos e nenas de entre 6 e 17 anos.

Hoxe coñecemos os detalles con Xacobe Morais.

A empresa tomiñesa Ifega celebra o seu 33 aniversario cunha gran festa, mañá venres, as 22.00 horas na praza do Seixo, en Tomiño. Unha cita que contará coa actuación do grupo América.

Así nolo contou hoxe José Amancio Muíños, xerente da empresa, que tamén fixo balance das máis de tres décadas de historia de Ifega.