“Non hai fotografía que lle faga xustiza”.Os arqueólogos Benito Vilas e Gustavo Pascual falan así do Mosaico de Panxón, que poderá admirarse na casa consistorial de Nigrán a partir do 7 de febreiro logo dun longo periplo polo mundo.

Trátase dunha peza arqueolóxica extraordinaria do século III, única representación do xénero musivario cun tema mariño na contorna metropolitana de Vigo, cun incalculable valor histórico.

Raquel C. Pico dedica o seu espazo semanal a Luisa Cuesta, a primeira bibliotecaria da USC, onde tamén foi profesora e das primeiras alumnas da facultade de Dereito.

Na parroquia de Santa María de Casaio, en Carballeda de Valdeorras, a Asociación Científica Sputnik Labrego deu cunha aldea de época altomedieval, na zona de Penedo Xudío.

O director da escavación, Carlos Tejerizo, cóntanos que grazas ás datacións radiocarbónicas puido datarse entre os séculos VII y IX, o que aproximaría esta ocupación ao momento da existencia de Cassavio, unha ceca de época visigoda da que se sabe por unha moeda de ouro alí acuñada.

E con Carlos Crespo imos de ‘Resaca emocional’, co tema en primicia “Ondas sonoras de Xúpiter”.

Coñecemos a IGMIG, o grupo vigués, que acaba de presenta-lo seu terceiro disco, titulado "Revolución". Ana Romaní fálanos de "As formas do amor", a coprodución de Verdeveras e o CDG e Afonso Becerra devélanos o contido do último número de Erregueté.

Pontevedra acolle o sábado a gala dos Premios Feroz que concede a Asociación de Informadores Cinematográficos de España. Pasarán pola cidade estrelas como Pedro Almodóvar, Eduard Fernández, Candela Peña ou Carmen Machi. Nos falamos con candidatos galegos a premios: a guionista Alba Carballal e o produtor da serie “Rapa”, Alfonso Blanco.

Ademáis, Moncho Lemos, comenta a estrea en cines. de "The Brutalist".

Disque María Luisa de Borbón y Borbón-Parma, filla do rei Carlos IV é a primeira muller que compuxo música orquestral. Entrevistamos a José Luis Temes, o director que acaba de gravar coa Real Filharmonía de Galicia catro sinfonías atribuidas á infanta. A nosa colaboradora Raquel Pico fálanos do comezo do turismo en Galicia.

Tras 15 anos de ausencia volve a Bienal de Arte de Pontevedra. O seu comisario, Antón Castro, fálanos da recuperación deste evento que se desenvolverá durante o verán, terá o seu epicentro no Museo de Pontevedra e estenderase a outros puntos da provincia. A nosa colaboradora Dolores Villavedra lémbranos unha das novelas máis coñecidas de Víctor Freixanes, "O enxoval da noiva"

Rendemos homenaxe a Bernardino Graña, o poeta do mar e do amor, falecido a pasada fin de semana e despedido en Cangas, a súa vila natal, cun acto laico multitudinario. Víctor Freixanes, Cesáreo Sánchez e Helena Villar axúdannos a facer unha semblanza dun escritor con obra poética, narrativa, teatral, ensaística. Ademáis, o noso colaborador Carlos Crespo trae ó grupo ferrolá de pop “Todo el largo verano”.

A compañía Nova Galega de Danza desembarca na Coruña cunha antoloxía que reúne tres das súas pezas máis recentes e celebradas: Leira, Berro e Dique. Os convites esgotáronse en só 4 horas. Falamos co director da compañía Jaime Pablo Díaz.

Fin de semana tamén de teatro: "Guerra”, de Teatro do Noroeste estréase no Principal de Santiago e no Salón Teatro representan ata o 9 de febreiro “Nada se sabe”.

Falamos de "Guerra", a última produción da lonxeva compañía Teatro do Noroeste, que afonda na crueldade das contendas, na miseria e destrucción que deixan ó seu paso. Falamos co director, Eduardo Alonso, e con Xavier Estévez, un dos actores. Presentamos a nova sección de curtametraxes galegas de Agalega.gal e Moncho Lemos fala do filme da semana "Babygirl", con Nicole Kidman como protagonista.

Miguel Rodríguez Monteavaro é un asturiano (filósofo, escritor e músico) que acaba de gañar o premio de poesía Afundación. Converteuse así no primeiro galardoado de fóra de Galicia duns premios que van xa pola edición número 22. O seu poemario titúlase “Cortar pescado en Manila”.

E a nosa colaboradora Raquel C. Pico ilústranos sobre a chamada ‘costa de xaneiro’. Non inventamos nada, xa falaban das penurias económicas deste mes hai máis dun século.