Recibimos a visita da cantante, gaiteira e docente Carme López (Carmela), para falarmos de ‘Vinde todas’, o seu proxecto de música de tradición oral que sae hoxe á venda.

Moncho Lemos comenta “+Cuñados ”, que se emite ko domingo na TVG. E ademais, dúas estreas para esta fin de semana: ‘Polvo serán’ e ‘GladiatorII’

Amazon Prime estrea o día 22 unha docuserie sobre a Ciudad de los Muchachos de Benposta, en Ourense. A preestrea este sábado no festival compostelán Cineuropa.

E Raquel C. Pico fálanos hoxe da moda dos maratóns de baile nos anos vinte

A partir das sete da tarde, na sala Inn da Coruña terá lugar un concerto solidario coas vítimas da Dina. As entradas para ver a  Bala, Boyanka Kostova, Grande Amore, Maragrep, Mondra, Ortiga, Sabela, The Rapants e Triángulo de Amor Bizarroa, están esgotadas. A recadación íntegra destinarase á Fundación Horta Sud, con sede en Torrent. 

Dolores Vilavedra comenta “Detective Ferruchi”, de Marta Villar, a novela gañadora do Xerais deste ano

Que se fai coas vellas e vellos?

Teatro de Ningures estrea  ‘As Gardiás‘, un texto do francés Násser Djemaï  que reflexiona sobre a vellez. Dirixido por Cristina Domínguez e interpretado por Casilda Alfaro, Rebeca Montero, Sonia Rúa, Amparo Martínez e Melania Cruz.

 Carlos Crespo tráenos hoxe a Eris Mackenzie, un artista de Castelo (na área metropolitana da Coruña) que, segundo as súas propias palabras, vive obsesionado con experimentar e facer música, a súa razón de ser.

Con Xosé Antonio Touriñán e Carlos Blanco que estrearon hai unha semana o seu novo espectáculo “Somos criminais e punto final".

Artes escénicas con Alfonso Becerra

Pasamos polo HematoFesti, o macrofestival que estes días honra en Vigo a memoria de Miguel Ángel López, o Hematocrítico. Morreu hai agora un ano e deixou tras de si un regueiro de amigos, de fans... nos máis diversos ámbitos. Porque Miguel Ángel foi un multitarefas: escritor, mestre, comunicador e autor de blogs humorísticos.

Xente de todos eses eidos xúntase para renderlle un entusiasta tributo. Lonxe das lamentacións montaron un festival no que mandan a literatura, a música e o humor… sirva de exemplo que a súa mascota é unha Pata con Botas, inspirada nos xogos de palabras que tanto gustaban ó Hematocrítico..

De seguido falamos con dous guionistas e ilustradores ….Alberto Vázquez e Manuel Bartual.

Virá tamén o compañeiro Moncho Lemos coas estreas da semana: Marco e Amanece en Samaná, dous filmes españois desta semana.

Turismo, cultura e arte danse cita na sétima edición de Compostela Ilustrada, que busca descubrir e promocionar unha cidade diferente., a través dos ollos dos debuxantes. Conversamos con Gemma Sesar, organizadora do encontro, e coa ilustradora e tatuadora Aldara Prado, unha das convidadas,

Raquel C. Pico achéganos a figura de María Luz Morales, escritora e pioneira do periodismo cultural, Nada na Coruña no día primeiro do ano 1889, foi a primeira muller en España directora dun diario nacional, La Vanguardia (1936 -1937)

«Anos 80: Movida, Atlantismo, Vangardismo e Underground» é un percorrido por esa década intensa e rupturista que marcou o futuro da música e das artes tamén en Galicia. Conversamos co autor, Fernando Fernández Rego.

Dolores Vilavedra comenta "Manual de padronaxe", de Nerea Brey

Gloria (Todo é obra de artistas), a primeira novela gráfica de Pío Barreiro. Con viñetas da ilustradora e historiadora da arte Lola Garcerá,

Carlos Crespo trae hoxe a Garza, que acaba de sacar o seu segundo LP

'A profundidade esencial da terra. Benjamín Palencia, Manuel Colmeiro e o surrealismo dos anos trinta'.

Exposición no Museo de Arte Contemporánea de Vigo, comisariada por Carlos López Bernárdez.”Coinciden na atracción polas culturas que na época eran denominadas “primitivas”, polo popular e pola fascinación etnográfica” 

Afonso Becerra debulla as sete propostas que concorreron na Coruña ao ‘VII Festival Pezas dun Teatro do Porvir 2024’.