Do 20 ao 28 deste mes desenvólvese en Vigo a oitava edición do Galician Freaky Film Festival na Praza Elíptica. Na sección oficial compiten 60 curtametraxes chegadas de 29 países. Conversamos con Juan de Castro, director do festival, que salienta as producións galegas e as homenaxes aos 40 anos de Terminator e Pesadelo en Elm Street. Tamén as dúas décadas da mítica Toxic Percebe.

Moncho Lemos fálanos de dúas estreas de cine español.

Puntos Suspensivos, dirixida por David Marqués, é un thriller que combina o mundo da literatura cosuspense psicolóxico

Solos en la noche, de  Guillermo Rojas. Un grupo de avogados laboralistas agóchase nunha casa cando se produce o golpe de Estado do 23-F.

Sarabela Teatro preestrea ‘A cincenta que non quería comer perdices’ no Teatro Principal de Ourense cun pase para escolares.

A obra busca desmontar os falsos mitos do amor romántico a partir da historia escrita por Nunila López Salamero con dramaturxia e dirección de Fina Calleja. Falamos con ela e tamén co actor Fernando Calleja da necesidade de rachar cos estereotipos de xénero.

E con Raquel C.Pico achegámonos á memoria olfativa do século pasadp

O gabinete de Ricardo Blanco-Cicerón. Do coleccionismo ao museo Deica o 10 de novembro no Edificio Sarmiento do Museo de Pontevedra. Falamos con Erea Castro Alfonso, a comisaria desta exposición: “Era un adiantado na conservación de patrimonio galego”.

Escoitamos “Pedindo perdón” de Tanxugueiras.

 Dolores Vilavedra comenta “Os mortos que amei”, de Iria Collazo . Unha road trip disparatada a través de estampas da vida e da morte dos seus avós,

Coñecemos en Vigo o Club de Lectura da biblioteca do MARCO en conversa coa súa responsable, Iria Fernández.

Con Isabel Freire afondamos na obra do pintor Chinoski, que estes días expón en Ourense.

E Carlos Crespo preséntanos a Nadie González. Do primeiro disco desta viguesa, que fai hiphop “blandito” , escoitamos Coroa de flores e A Charrasquiña.

Ana Romaní lévanos aos Espazos Sonoros.

Con Afonso Becerra debullamos o inicio da temporada de Ópera

Arranca na Coruña o III ciclo de concertos “Noites na cidade vella”

Os cegos cantores, portadores da esencia das músicas de tradición oral desde a Idade Media, son os protagonistas do IV Celme de Zanfona.

Unha colección de Pregos de cordel do Arquivo Castro Vicente permite ver de preto as calidades formais, editoriais, literarias e relativas á estampa. Inclúe un espectáculo teatralizado de Quico Cadaval que recrea a alianza dos cegos cantores coa arte dos monicreques.

No CENTRAD de Lugo ata este domingo.

Moncho Lemos tráenos hoxe dous thrillers: Justicia artificial, do coruñés Simón Casal e a estadounidense No hables con extraños, de James Watkins

Na sede de Afundación en Vigo ata o 5 de outubro.: "Un mosteiro, un mar de historias” . A mostra pon en valor o patrimonio do Real Mosteiro de Oia, o único da  Orde do Císter ubicado na costa atlántica.

Con Raquel C. Pico percorremos os inicios da radio en Galicia

Unha exposición de fotografías nunha aldea de Muras en 1957 plantexa unha incógnita: Quen é a rapaza do cartel? Polo de agora é a muller misteriosa.

Imos ata o FIC Bueu con Ana Rmaní.

E Dolores Vilavedra tráenos poesía. O debut literario de Breogán Xague “Todos os lonxes”

Coas entradas esgotadas arranca en Compostela a Semana do Patrimonio Invisible. Con Vituco Neira achegámonos a algúns destes espazos agochados, coma os mananciais de Vite ou a Torre do Tesouro da Catedral.

Con Carlos Crespo coñecemos á coruñesa hydn, de nome real Sandra Guedev, creadora no seu momento do  "galenglish" pero que agora só canta engalego.

Falamos da XII edición de Cidade Imaxinaria coa xerente da Cidade da Cultura, Ana Isabel Vázquez, e un dos artistas participantes. A cita, de balde e para toda a familia, é mañá de 16 a 20hno Gaiás.

Con Ana Romaní imos ata o Pazo da Ópera da Coruña, que o domingo arranca temporada con La Bohème.

E Afonso Becerra cóntanos ANÖA, un espetáculo de danza da compañia da coreógrafa Elvi Balboa