Teatro do Noroeste estrea esta finde “As damas de Ferrol” no Teatro Jofre ferrolán. Trátase dunha nova versión dirixida por Clara Gayo a partir do texto orixinal de Eduardo Alonso.

Afonso Becerra tráenos unha recomendación exótica con danza, teatro e música en directo! ‘Blues de Medianoite’, un espectáculo de Laboratorio Escénico e Alba Fernández Cotelo.

O Museo de Belas Artes da Coruña acolle a exposición “Viaxar para pintar” ata o 10 de marzo de 2024. Trátase dunha mostra que reflicte a estadía do artista en Galicia, complementada con obras de artistas galegos cos que estableceu unha relación próxima. A súa comisaria é Sonia Martínez Requena.

Como cada xoves Moncho Lemos tráenos dúas estreas: ‘Oito apelidos marroquís’, de Álvaro Fernández Armero; e ‘Sobre todo de noite’, de Víctor Iriarte.

O laberinto de emocións que nos trae ‘O tempo dos lagartos’. Falamos co escritor Carlos Negro sobre a súa última obra, elaborada xunto a Raquel Senra para Xerais.

Con Luís Miguel Crespo rescatamos a figura de Antonio Iglesias Vilarelle. Vén de publicarse unha revisión de partituras do artista: ‘Zeltia’. Todo da man de Jose Antonio Cantal Mariño e o Consello da Cultura Galega.

Deixounos ós 47 anos Miguel López, escritor de libros infantís, profesor e tuiteiro baixo o alcume de ‘O Hematocrítico’. Repasamos a súa figura con Fran Alonso, director de Xerais; Pablo Cruz, o seu editor de Anaya; e Javier Pedreira, creador de Microsiervos.

Con Dolores Vilavedra lembramos a figura d’O Hematocrítico e falamos de teatro: ‘Síbaris’, obra póstuma de Domingo Villar para Galaxia.

Unha exposición arredor da figura de Olga Gallego. Foi a primeira muller que entrou na Real Academia Galega como numeraria e protagoniza unha exposición no Arquivo de Galicia do Gaiás.

Emilio Españadero tráenos as novidades de varios grupos: Barahúnda e o seu novo disco 'Fremosas'; Ailá, cos seus traballos 'Sansolimón' e 'Ailá de Nadal'; e Leilía e a súa despedida dos escenarios con "Anque me vou non me vou".

O Palacio da Ópera da Coruña acolle hoxe un concerto conmemorativo polo 40º aniversario do Consello da Cultura Galega (CCG). A Orquestra Sinfónica de Galicia (OSG), dirixida por Víctor Pablo Pérez, interpretará un programa no que destaca a estrea da cantata 'Terra', do compositor Juan Durán.

Afonso Becerra tráenos un espazo de encontro entre propostas escénicas galegas e portuguesas en fase embrionaria. Trátase do VI Festival Pezas dun Teatro do Porvir, celebrado o pasado 18 de novembro coa organización da AELG.

A Orquesta Clásica de Vigo organiza a terceira edición do Festival de órgano “8 pés”. Tres días nos que se pode gozar do impresionante órgano Alberdi da Colexiata de Santa María. Isabel Freire cóntanos os detalles.

Esta semana Moncho Lemos tráenos dúas estreas: ‘Napoleón’, de Ridley Scott; e ‘El amor de Andrea’, de Manuel Martín Cuenca.

A Asociación Cultural Cántigas e Frores celebra a gala do seu 75 aniversario este sábado en Lugo. Falamos co seu director artístico, Bruno Villamor, e co presentador da gala, Paco Nieto.

Luz Castro avánzanos un pouco do Culturgal 2023. Haberá unha exposición interactiva e unha mostra e competición de videoxogos galegos. Entre eles: Super Woden GP (Vijuda), Avoo (Iseltec) e Grelo (Colectivo Arume).

A Casa do Cabildo de Compostela acolle ata o próximo febreiro a mostra “Santiago proxectado, arquitecturas non construídas”, que recolle proxectos non executados na historia compostelá. Falamos co historiador e xornalista Fernando Franjo e coa historiadora da arte Ana Paula Castro.

Dolores Vilavedra tráenos a obra gañadora dos XL Premios Xerais de Novela. Trátase de ‘Ninguén contará a verdade’, escrita por Pedro Feijoo para Xerais.

El Muelle 1931 é unha nova tenda de vinilos, cassettes e publicacións en papel que podemos atopar no número 57 da Rúa de San Pedro en Compostela. Pablo Iglesias e Lorena Durán son os responsables desta tenda que aposta pola cultura, pola arte, o underground, a ilustración e os fanzines e tamén por converter o espazo nun lugar de encontro e intercambio cultural que presta atención especial á produción local e a contemporaneidade. Vituco achegouse ata a a tenda a falar con Pablo e con Lorena e isto foi o que lle contaron.

Emilio Españadero tráenos un evento que nos leva ata Vigo. O Festifolc 2023 organizado pola Sociedade Cultural Deportiva Atlántida de Matamá celébrase esta fin de semana cunha programación na que aparecen grupos como Sete Cuncas, Noitarega ou Os Escaravellos.