Sabías que 2 de cada 3 topónimos que hai en España están en Galicia? A sexta edición de 'Toponimízate' busca recuperar os topónimos que dan nome ós nosos territorios. Falamos con Vicente Feijóo e Nicanor Palomares, de Galicia Nomeada.

Afonso Becerra fálanos de ‘Berro’. Trátase da peza coa que Nova Galega de Danza celebra o seu 20 aniversario.

Ignacio Vilar e Manolo González divulgan por toda Galicia a figura do cineasta pioneiro José Gil por medio dun cinemóbil. Hoxe están no Grove e ata alí vamos.

Moncho Lemos fálanos de ‘Saben aquell’ (David Trueba), sobre a figura do humorista Eugenio; e ‘Juniper’ (Matthew J. Saville), protagonizada por Charlotte Rampling.

O Outono Códax Festival chega a Compostela do 3 ao 25 de novembro para encher de música a capital galega na súa decimo terceira edición. Falamos con Fran Villasenín, responsable do festival.

Luís Miguel Crespo vén falarnos dos resultados do Certame Galego de Bandas de Música, do último concerto da Real Filharmonía e do Outono Lírico que se celebra en Vigo.

Vámonos ata Coruña con Tono Galán. A expo 'Non finito' de Tono Galán no Quiosco Alfonso da Coruña repasa os 30 anos da súa traxectoria como debuxante, pintor e escultor.

No apartado literario, Dolores Vilavedra fálanos de 'Unha saca de patacas', obra de Francisco Coimbra publicada por Xerais.

Semana de medo en Vilagarcía. Celébrase o Festival do Imaxinario Curtas, centrado no cine fantástico. Serán proxectadas 23 longametraxes e 95 curtas. Falamos co director do festival, Luis Miguel Rosales.

Falamos de varios traballos: ‘Esterco’ de Temible Olivina; ‘Mentres todos os meus libros arden’, de Fanny & Alexander; ‘Hoxe o sol brilla por nós’, de Os Bar Ban Sónicos; e ‘Guayakill’, de The Lelly Kelly’s.

Conmemoramos os 40 anos dos Premios Xerais con dous convidados: Fran Alonso, director de Xerais; e Carlos G. Reigosa, primeiro premiado da historia con Crime en Compostela (1984).

Afonso Becerra preséntanos algo diferente... circo! Nada máis e nada menos que o espectáculo "Isolada" da pallasa Natalia Outeiro 'Pajarito'.

Arranca Womex na Coruña. Está considerado como o encontro musical máis internacional e diverso do mundo. Desprazámonos ata alí para falar con Victor Bello, de Nordesia, e Carlos Seixas, do Festival de Músicas do Mundo de Sines.

No relativo á gran pantalla, Moncho Lemos vén falarnos de dúas películas: 'Alimañas', de Jordi Sánchez e Pep Antón Gómez; e 'A contadora de películas', de Lone Scherfig.

O guionista Óscar Cruz pasouse a falar da serie en galego 'A arte de ser un mal pai', que pode verse en Filmin grazas á selección oficial no Festival Serielizados de Barcelona e Madrid.

A nosa experta en videoxogos, Luz Castro, tráenos dous produtos da empresa Fictiorama: The Fabulous Fear Machine e Do Not Feed the Monkeys.

Este luns arrancou a Semana de Cine Euroárabe Amal 2023 co foco no conflito entre Israel e Hamás. Desenvolverase no Teatro Principal de Compostela. Charlamos das súas claves co seu director, Ghaleb Jaber.

Con Dolores Vilavedra falamos do libro 'Hotel Carioca', de Antón Riveiro Coello. Galardonado co I Premio Álvaro Cunqueiro de Novela 2022, foi editado por Galaxia.

Nunha histórica xuntanza celebrada o 12 de outubro de 1923 en Ortoño acordouse a creación do Seminario de Estudos Galegos no que axiña se integraron moitos dos intelectuais galeguistas que se movían arredor da revista Nós. Agora, entre os actos da celeración do centenario, unha exposición achéganos unha perspectiva diferente daquela institución cultural.

Emilio Españadero fálanos da visita de Yoko Takano a Vigo e preséntanos 'Bolboreta', novo tema do grupo As Lembranzas; e

'Sorrisos no ceo', último traballo discográfico de Airiños da Peneda.