A cousa vai de resvistas culturais. A directora Beatriz López fálanos da súa 'MujerArt' e da visibilización da arte en feminino. mentres que Tamara Novoa celebra con nós os cinco anos de vida de 'A Movida', a axenda cultural e de ocio en Vigo.

O noso experto Luís Miguel Crespo fálanos das claves da nova tempada da Real Filharmonía. Chámase 'Migracións' e será a primeira deseñada polo director titular e artístico Baldur Brönnimann.

Unha historia arredor da intersexualidade. 'Run Baby Run' estréase no Salón Teatro de Compostela os días 6, 7 e 8 de outubro. Trátase dunha historia arredor da intersexualidade da que charlamos con Fátima Delgado, autora do texto, e Jana Pacheco, directora da obra.

Dolores Vilavedra mergúllanos en 'Coímbra', unha novela autorreferencial de Xosé De Cea que aborda a emigración galega en Cataluña vivida por un neno. Publica Galaxia.

O Corno, película dirixida por Jaione Camborda, resultou premiada no Festival Internacional de Cine de Donostia. Supón a primeira victoria dun filme galego (en galego) no circuíto de festivais máis relevantes do panorama internacional. Do seu éxito charlamos coa súa actriz protagonista, Janet Novás.

O Festival Internacional Outono de Teatro de Carballo abrirá o seu Programa de sala coa estrea absoluta de Apaga o candil, espectáculo coproducido polo FIOT e Contraproducións. Cun pé no humor e outro na emoción, Candido Pazó, un dos dramaturgos galegos máis prestixiosos, narrador e admirador de Carlos Díaz O Xestal, achéganos á figura do singular contador de contos.

Emilio Españadero trasládanos ó Festival de Cultura Tradicional que se celebra estes días en Lugo polo San Froilán.

O Centro Galego de Arte Contemporánea convídanos a celebrar os seus primeiros trinta anos de vida en Compostela. E faino con dúas exposicións e diversas actuacións que inclúen un espectáculo de danza vertical. Charlamos do seu aniversario co seu director, Santiago Olmo, e co artista Antón Pulido.

O movemento rápido dun remuíño de auga ou de aire, un vórtice, dá nome a unha nova compañía de teatro: Vórtice Escénico, que se estreou con ‘ASFIXIA’ de José Luis Baños de Cos. É o que nos trae Afonso Becerra nas artes escénicas.

É un dos artistas galegos con maior proxección e máis destacados do ano. Mondra visita o estudo do Diario Cultural para falarnos do seu novo disco: 'Ardén'. Nel incorpora ás voces dalgunhas das artistas máis salientables do panorama galego.

Tempo para o cine: o noso experto Moncho Lemos tráenos dous filmes dirixidos por dous emblemas da arte cinematográfica. Víctor Erice estrea 'Cerrar los ojos' e Woody Allen 'Golpe de Suerte'.

Semana grande para o teatro en Ourense. Celébrase o Festival Internacional Outono de Teatro na cidade e para entender un pouco máis o que podemos ver nesta trixésimo segunda edición, charlamos co seu director, Alberto Sueiro.

Tamén hai tempo para o xogo: a Fundación Carlos Casares organiza a V edición das Xornadas de Videoxogo e Literatura. Dela fálanos a nosa experta Luz Castro.

Quico Cadaval conmemora as súas tres décadas de actividades na narración oral. O Teatro Principal de Santiago acolle esta función na que, para alén do repertorio do narrador, haberá unha importante dose de improvisación, xa que o público poderá deixar preguntas na entrada ao teatro ás que Cadaval responderá durante a súa actuación. Co protagonista falamos no programa.

A experta en literatura Dolores Vilavedra vén falar de 'A Transición en Galiza', un volume no que se presentan, en síntese, catorce investigacións para comprender o país da época.

Os acontecementos lévannos ao Festival de San Sebastián, onde conectamos con Cisco Novo para que nos fale da estrea de "O sono da sultana" e sobre como vén a semana para os galegos. Sobre a exposición "A fráxil pel do mundo" en Pontevedra charlaremos coa súa creadora, Sara Coleman, e sobre a reflexión arredor da transformación da sensibilidade. Na sección de voces expertas, Emilio Españadero pon o punto musical a este programa con Yoko Takano, que dende Xapón crea...música tradicional galega!

'O soño da Sultana' estrea o domingo en San Sebastian. Producida por Abano Films, de Chelo Loureiro, falamos con ela das súas claves. Na sección de voces expertas, Afonso Becerra elixou traernos un pouco de ópera: a 'Aida' de Giuseppe Verdi que levan ós escenarios os Amigos da Ópera da Coruña na súa nova tempada.