Edicións Xerais de Galicia publica un novo poemario de Lupe Gómez, que gañou o premio Manuel Lueiro Rey. Trátase de "Salón de Té". Isabel Freire conversou con ela.

Afonso Becerra tráenos ‘Manuela is in da house’. Coa dirección de Fran Núñez, estreouse o pasado 10 de novembro no Teatro Sá de Miranda de Viana do Castelo (Portugal).

Unha das chegadas a cines máis esperadas. 'O soño de sultanas', tras estrearse oficialmente en San Sebastián, chega á gran pantalla e Isabel Herguera e Paula Valiño veñen comentala.

Moncho Lemos tráenos dúas estreas: ‘Que nadie duerma’, de Antonio Méndez Esparza; e ‘La ermita’, de Carlota Pereda.

“Vigo no Tempo” é unha mostra que busca reivindidar a identidade e a cultura urbana da cidade. É a quinta entrega do proxecto “Cidades no Tempo”. Falamos co seu comisario, Manuel Gago, e co coordinador local da mostra, Manuel Bragado.

Como é habitual dentro da programación de Cineuropa, a Real Filharmonía de Galicia participará tocando música de compositores de cine e poñendo tamén música a unha composicion en directo. Cóntanolo Luís Miguel Crespo.

Gozar do Jazz e doar comida para o banco de alimentos local. Esa é a proposta do ciclo Butaca de Jazz, que cada venres deste mes de novembro na Coruña encherá de música a sala de concertos de Afundación cun fin solidario. Falamos coa produtora Inés Portela.

Dolores Vilavedra tráenos a recomendación literaria da semana: 'A inmoral doutora Cons', escrita por Roberto Fernández Álvarez e editada por Aira. Gañadora do Premio Blanco Amor de Novela 2022.

A Asociación Cultural Senunpeso, artífice de, entre outros, o Laboratorio Audiovisual de Vedra, resultou gañadora do XII Premio José Sellier. Falamos con Moisés Álvarez, membro da última directiva da asociación, xa disolta.

Emilio Españadero vén con varias propostas de música en directo: A Festa do Trece, en Narón; ciclo Músicas para recrear, no Campus de Pontevedra da Uvigo; e o Festival Folk Canarias, no que estará Ailá.

Durante este mes celébrase na Coruña o Festival de Teatro Valacar. Organizado pola ONCE, ten como obxectivo cambiar a forma na que se percibe a arte e a integración na cidade. Falamos co director do grupo e varios actores.

Hoxe Afonso Becerra tráenos ópera: 'Don Pasquale' da Asociación Amigos da Ópera de Vigo, pertencente ó seu "Outono Lírico".

Como cada outono, o Cineuropa de Compostela enche a cidade de citas de película. Non só se trata da proxección de 115 filmes, senón de numerosas actividades paralelas, concertos, mesas redondas e obradoiros arredor do cinema. Ademais, Cineuropa premia este ano as traxectorias de Luis Zahera, Ana Torrent e Joâo Canijo. Falamos co director do festival , José Luis Sosa.

Moncho Lemos tráenos dous filmes : ‘O mestre que prometeu o mar’, de Patricia Font; e ‘Un amor’, de Isabel Coixet.

O Museo do Gravado de Artes, no concello de Ribeira (A Coruña), ven de ser distinguiudo este ano cun dos Premios da Cultura Galega 2023. Ata alí achegouse o comañeiro Vituco Neira para conversar co seu director, Xoán Pastor Rodríguez Santamaría.

Luz Castro tráenos hoxe un xogo de estratexia: 'Canción de Nunu', creado por Tequila Works. Desenvolve a historia de dúas personaxes do coñecido League Of Legends.

Falamos coa gañadora do Premio Merlín de Literatura Infantil 2023 concedido por Xerais. Trátase de Leticia Barbadillo e da súa obra 'A botella de lentellas'.

Dolores Vilavedra tráenos hoxe un texto teatral. Trátase da obra 'A nunca vista', escrita por Ana Abad de Larriva para a editorial Difusora e gañadora do Premio Abrente de Textos Teatrais 2022.

As Miudiño Sessions, impulsadas pola plataforma A Regueifa 2.0, son unha serie de micronconcertos de grupos e solistas galegos en formato mínimo gravados en localizacións singulares. Noel Feáns, o seu promotor, fálanos destas sesións, feitas de xeito artesnal e sen fins comerciais.

Emilio Españadero fálanos da homenaxe que se lle vai facer a Pancho Álvarez en Fene e dos novos traballos discográficos de Fernando Barroso e Ker Cuez.