A I Mostra de Teatro no Mosteiro quere ofrecerlle a esta comarca coruñesa unha cita anual co teatro. A Mostra nace do grupo amador local, Catro Gatos, que inaugura o evento o venres 27 de setembro coa súa versión de Río Bravo, o clásico que a compañía Chévere estreou en 1990.

Eva Mejuto proponnos dúas lecturas para esta fin de semana de outono: 'Reino Fungi', un álbum divulgativo sobre os fungos e a novela infantoxuvenil 'Quen precisa unha avoa?' coa que Andrea Barreira Freije gañou o premio Agustín Fernández Paz pola igualdade.

Visitamos o festival MARÉ, que ata o 29 de setembro celebra en Santiago a diversidade con artistas de dez países.

Tito Lesende repasa a programación de Noites do Porto e pica novas cancións d´O Portughés e de Mariagrep.

A Real Filharmonía de Galicia comeza a nova temporada, 'Inconformistas', dedicada aos músicos que abriron novas vías sonoras.

Manel Cráneo lévanos á aldea de Astérix, o galo irredutible que protagoniza un dos cómics máis lidos do mundo, que ten o seu propio parque temático.

Conversamos coa escritora Eva Moreda das súas dúas últimas obras: os relatos de 'O raposo na fronde' e a súa mirada sobre a vida británica en 'Pagáns e pragmáticos. A vida no Reino Unido'

Mónica Maneiro comenta a exposición coa que abre a temporada o CGAC, 'O son do mar' da fotógrafa catalá Mayte Vieta.

Coñecemos o proxecto Finis Terrae que pescuda a conquista romana no Noroeste da Península e utiliza novas metodoloxías para a investigación e a divulgación.

Pablo Sánchez Quinteiro ponnos música de Donizetti, Bruckner e John Williams mentres repasa o calendario de concertos de clásica para os próximos días.

Visitamos o Revoltallo, un festival organizado pola parroquia viguesa de Valadares que chega á 31ª edición cun programa pensado para todas as idades.

Eva Mejuto

Conversamos con Chus Pato, Premio Nacional de Poesía polo seu libro 'Sonora', unha obra nacida da conmoción pola morte da nai.

Nove galerías inauguran a temporada expositiva cunha apertura conxunta. ABERTO ofrece este ano mostras de artistas como Ánxel Huete, Lola Goce, Suso Basterrechea ou Iván Prieto.

Escoitamos o primeiro EP de Urko, un trío compostelán de metal que se estrea con 'Capítulo I: Retorno do abisal'.

Manel Cráneo explora a relación entre banda deseñada, cadros e obras pictóricas.

Recuperamos varias novelas contemporáneas publicadas en galego nos últimos meses e que nos chegan de Suíza, País Vasco, Cataluña e Estados Unidos.  

Mónica Maneiro repasa o comezo da temporada de exposicións en galerías e museos.

Conversamos con Bea Lema, que acaba de gañar o Premio Nacional de Cómic pola súa novela gráfica 'El Cuerpo de Cristo'

Patty Castro segue descubríndonos a historia e o presente do metal galego, hoxe cos clásicos Xudef Klas e as contemporáneas Suevia.