Jane Eyre, Cumes Torboentos ou Agnes Grey son tres novelas clásicas da literatura universal que xa podemos ler en galego.

Escritos respectivamente por Charlotte, Emily e Anne Brontë, tres irmás inglesas da primeira metade do século XIX.

Falamos con Celia Recarey, que traduciu oara Irmás Cartoné Jane Eyre e Agnes Grey.

E escoitamos algunhas reflexións de Luis de la Calle, tradutor para Laiovento de Cumes Torboentos.

Inauguramos a temporada de festivais co Festival do Queixo en Arzúa e A Candeloria en Lugo. Na sección de Arte, Mónica Maneiro recomenda a mostra 'Inda é día', dedicada ao artista de Lalín Antón Lamazares.

A Real Academia Galega ponlle o ramo ao centenario de Manuel Murguía con dúas publicacións, das que falamos coa académica Marilar Aleixandre e o bibliotecario da RAG Fernando Pereira. Na sección de voces expertas, Estíbaliz Espinosa fálanos do Científico Galego de 2024 e da linguaxe das plantas.

A banda Bule presenta en directo o seu primeiro LP 'Agora ou nunca'. Escoitamos punk e power pop en galego desde Pontedeume. Na sección de voces expertas, Eva Mejuto propón as primeiras lecturas para achegarse a obra de Rosalía de Castro.

A compañía Fran Sieira estrea 'CEIBE' no Auditorio de Cangas. É unha peza que racha cos estereotipos sexistas e propón novas formas de entender a identidade de xénero desde o baile tradicional. Na sección de voces expertas, bailamos con Tito Lesende.

A compañía Chévere estrea a montaxe 'Helen Keller, a muller marabilla?', unha obra que parte da figura da primeira persoa xordocega en titularse na Universidade, a estadounidense Helen Keller. O modelo de superación no que foi convertida agachou a súa faceta de activista en favor de causas como o pacifismo, o sufraxismo ou o comunismo. A compañía Chévere volve cuestionar os relatos oficiais neste espectáculo, que combina en pé de igualdade o galego e a lingua de signos e ironiza sobre as ferramentas do teatro documento.

Antón Reixa e Antela Cid recuperan personaxes da mitoloxía grega en 'Míticas pero secundarias', un díptico escénico que pecha a última edición ciclo 'Clásicas desfeitas'. Na sección e voces expertas, Mónica Maneiro comenta a mostra 'Paco Pestana. O curto voo dun paspallás' na Fundación Eugenio Granell.

Unha nova xeración de comunicadoras conquista Youtubeiras: OU Ké!, O Faiado Podcast e Recuncho Gamer, entre os premiados na 7ª edición do certame.

Na sección de voces expertas, Mario César Vila debulla a 17ª edición do foro de divulgación 'Encontro Arqueolóxico do Barbanza'.

A artista peruana Pamela Rodríguez reivindica o pracer e a madurez das mulleres no seu novo disco 'Meigas'. Na sección de voces expertas, Eva Mejuto presenta un novo reto lector.

O artista Vicente Blanco expón 'Os coleccionistas de sombras' na galería Néboa de Lugo. Na sección de voces expertas, Tito Lesende debulla as cifras de venda de discos.