Loita Amada vén de publicar o seu novo disco baixo o título 'Rematou o simulacro'. O novo traballo foi gravado en Garate Estudios da man do produtor vasco Kaki Arkarazo. O disco preséntase o sábado 3 de febreiro en 'O Candil de Silvia', na Estrada. Estarán acompañados polo grupo vasco Rúkula.

Neste Diario Cultural coñecemos o novo do grupo arousán Maraxe. Tamén escoitamos a nova canción de MJ Pérez. A cantautora comeza a xira de celebración dos seus 10 anos na música este xoves 1 de febreiro na Gentalha do Pichén en Compostela.

Neste Diario Cultural facemos unha viaxe ata o lugar de Berres, na Estrada. Na casa de Vilancosta gardouse, ao longo de anos, un tesouro en forma de textos musicais de distintos estilos e procedencias que pertenceron a varios membros da familia Valladares Núñez. Un legado de enorme valor que agora coñecemos nun proxecto firmado por Pablo Bernárdez, publicado pola Editorial Galaxia.

Na sección de arte, Mónica Maneiro recomenda a mostra titulada '¡Bon Hiver! Pinturas estacionais', na Fundación DIDAC de Santiago de Compostela. A exposición é obra do artista santanderino Javier Arce.

O músico Abraham Cupeiro percorrerá o país co seu proxecto 'Mythos', unha viaxe musical para atopar lóxica á orixe do universo a través da música e as historias primixenias creadas polos pobos dende tempos inmemoriais. Na sección de cultura científica, a nosa experta Estíbaliz Espinosa explica conceptos que teñen que ver coas doenzas ou características xenéticas da muller.

O 27 de xaneiro celébrase o Día Internacional do Conservador e do Restaurador. No Diario Cultural visitamos o Museo Granell en Compostela para falar con Lorena Rodríguez, conservadora e restauradora; e con Eduardo López Valiña, conservador xefe da Fundación Granell. Descubrimos con eles os segredos do seu oficio.

Na colaboración de literatura infantil e xuvenil, Eva Mejuto fálanos de seres máxicos e míticos, un fondo de armario dos clásicos contemporáneos reeditados e unha novidade editorial.

Bea Lema e Carlos Portela optan a premio no Festival de Angoulême. Comeza a 51ª edición do Festival de Banda Deseñada da cidade francesa de Angoulême, o certame de cómic máis importante de Europa. A coruñesa Bea Lema opta ao premio á mellor obra coa edición francesa de 'O corpo de Cristo', novela gráfica sobre saúde mental vista polos ollos dunha nena. 'Contrition', do guionista galego Carlos Portela e o debuxante Keko, é un dos finalistas na categoría ao mellor cómic de xénero negro.

A escritora Berta Dávila preséntanos a súa última novela, A ferida imaxinaria, publicada por Edicións Xerais. A historia de dúas parellas de irmás distanciadas que atopan refuxio nas ficcións que elas mesmas constrúen. Un libro que abre unha nova etapa narrativa para a escritora, despois da autoficción dos seus premiados Carrusel, Illa Decepción e Os seres queridos.

O 18 de xaneiro de 1924 estreouse en Madrid 'La leyenda del beso', unha das zarzuelas que o ponteareán Reveriano Soutullo asinou con Juan Vert, e unha das súas obras máis célebres. Co motivo desta efeméride, a orquestra Clásica de Vigo organiza un ciclo de concertos, conferencias e charlas que comeza o 26 de xaneiro. Na sección de voces expertas, Mónica Maneiro comenta a mostra colectiva 'Poder interior', que reúne na galería Luisa Pita obras das galegas Menchu Lamas e Rut Massó e da venezolana Ana Margarita Ramírez.

A Galería Metro de Santiago acolle a mostra 'Criptografías', que reúne a parte visual do poemario do mesmo nome que Baldo Ramos e Pepe Cáccamo publicaron en 2023 coa editorial Alvarellos. Na sección de voces expertas imos de paseo pola Alta Idade Media con Mario César Vila.

Os Premios de Arquitectura 'Gran de Area' entréganse o 20 de xaneiro en Celanova. Na sección de voces expertas, Eva Mejuto recomenda obras de literatura infantil e xuvenil.

A Orquestra de Cámara Galega interpretará varias obras de Rogelio Groba nun concerto homenaxe no Teatro Colón da Coruña. Na sección de voces expertas, temos recomendacións musicais con Tito Lesende.