O libro 'Somos hip-hop', publicado pola editorial Galaxia, é unha viaxe a través da historia do hip-hop. A obra presenta os fundamentos do breaking, rap, graffiti, turntablism e beatbox. Os autores son Pablo Castiñeira e David Brey. Na segunda parte do podcast, Mónica Maneiro fálanos da primeira mostra individual da artista Carla Souto, na Galería Vilaseco da Coruña.

Entrevista con Dosi Veiga, responsable da web de divulgación científica ‘Ceos galegos’. Na sección de voces expertas, facemos balance con Eva Mejuto das publicacións de literatura infantil e xuvenil máis destacadas do ano 2023.

Abordamos as claves da exposición 'Intrahistorias. Luz entre as cinzas' co seu autor, Adra Pallón.

Tito Lesende fai balance dun ano 2023 moi musical.

Falece a directora de cine PatricIa Ferreira. Falamos coa produtora cinematográfica e directora membro de CIMA Chelo Loureiro e recuperamos unha entrevista de Ana Romaní a Patricia Ferreira.

Mario César Vila fai un repaso de 2023.

O Festival PequeÁrtiko de Nadal con Rocío Salgado e Laura Sarasola.

Mónica Maneiro trae o mellor de 2023, entre o que destaca o aniversario do CGAC.

Un repaso pola música en vivo que podemos desfrutar nas próximas semanas: do concerto de Nadal da Orquestra Sinfónica de Galicia ao retorno a Vigo dos portugueses Trabalhadores do Comércio, pasando polo fin de xira d´A Banda da Loba, a presentación do último disco de Susana Seivane ou o aniversario de Zënzar.

Eva Mejuto tráenos as primeiras publicacións sobre Luísa Villalta, homenaxeada das Letras de 2024, dirixidas ao público infantil e xuvenil. A primeira proposta é o álbum ilustrado Alma de violino, de Beatriz Maceda e Eli Ríos (Xerais), debuxado por Laura Suárez. Para lectorado a partir de 11 anos, Melodía de palabras (Xerais), escrito por María Canosa, con ilustracións de Laura Romero. Para o lectorado máis pequeno, Tinta de mar (Lela Edicións) de Enrique Mauricio, con ilustracións de Tania Solla.

O mércores 20 de decembro ten ugar a estrea oficial en salas da agardadísima terceira longametraxe de Lois Patiño: 'Samsara'.

Eva Mejuto tráenos hoxe dúas óperas prima do cómic que pode desfrutar o público xuvenil (e non só): ‘Fago o que podo' e ‘Sentinelas da lúa carmesí’.

Conversamos co antropólogo Rafael Quintía Pereira sobre o seu libro A etnomedicina galega. Achegas dende a antropoloxía (Edicións Ab Origine). A obra percorre a clasificación de enfermidades e doenzas que fai a nosa medicina popular, os seus especialistas, os métodos de prevención e os recursos curativos, e fai fincapé no poder da palabra e no poder da relixiosidade neste sistema tradicional de saúde.

Tito Lesende tráenos hoxe música de Ataque Escampe, que comezan este 15 de decembro a súa ‘Xira dos Cabaliños’, na que seguirán presentando en directo o seu disco deste ano, ‘Cabalgata’. Escoitamos a Candela Liste, música coruñesa á que coñecimos a través da banda Crimson & Clover e que agora empeza a publicar cancións co seu proxecto en solitario. A terceira canción da escolma é de Sidonie, que este venres actúan na Sala Capitol de Santiago.

Coñecemos a realidade de Palestina a través da súa literatura traducida ao galego. Rocío Viéitez Ferro preséntanos O azul entre o ceo e a auga, de Susan Abulhawa, publicado este outono por Laiovento dentro da súa colección Candemaia. Participa tamén na conversa Moncho Iglesias, tradutor á nosa lingua da poesía de Mahmoud Darwish (Carné de identidade, en Barbantesa) e das novelas Un mapa do lar, de Randa Jarrar (Hugin e Munin) e Esfumado: a misteriosa desaparición de Mostafa Ouda, de Ahmed Masoud (Urutau), que nos regala en directo a versión en galego dun poema de Mosab Abu Toha.

Conversamos con Carlos Martínez-Peñalver sobre a súa primeira longametraxe, unha ficción con aires documentais rodada na Serra da Estrela, en Portugal. Xoel vai ás montañas para gravar os sons da natureza, alí atopará un modo de vida en transformación e un contorno natural ameazado por unha turistización mal entendida. À procura da estrela’ é a película de apertura’ do festival Novos Cinemas de Pontevedra.

Con Mónica Maneiro viaxamos ata a Galería Nordés en A Coruña coas protagonistas da primeira edición do ciclo 'Carta Branca': Julia Huete, Kiko Pérez e Ánxel Huete.