‘Hai quen escolle os camiños máis longos’ é a última montaxe escénica da compañía Berrobambán. Un espectáculo inspirado no poemario do mesmo título, de Paula Carballeira, e coproducido pola compañía portuguesa Ponto de Fuga. A peza é o primeiro capítulo dunha ‘Triloxía do Bosque’ dedicada a explorar a rica simboloxía que agocha este espazo e cales son as súas implicacións no presente. Conversamos con Paula Carballeira, que codirixe a montaxe con Chiqui Pereira, e forma parte do elenco coas actrices portuguesas Bárbara Soares e Joana Saraiva.

A selección musical de Tito Lesende ábrese esta semana co último tema de Bala, ‘Prisas’, unha auténtica canción protesta que dispara contra a precariedade, as dificultades para acceder á vivenda ou o ritmo frenético da nosa vida. Outra cara da vida pona o ‘Meu amore’, de Sen Senra, unha declaración de amor a distancia. Completan a escolma ‘Un futuro sen ti’, o samba que comparten Lontreira e Berto e mais Nikki Hill, unha das participantes desta edición do Outono Codax.

Conversamos con María Reimóndez a propósito do seu último libro, ‘Furia’, premio Jules de Verne de literatura xuvenil. Unha novela sobre a adolescencia, a perda, os afectos e o boxeo como vía de reconexión individual e colectiva. Escoitamos tamén as impresións lectoras de Adela Dios, unha das integrantes do xurado do premio. Bárbara G. Vilariño, do club de lectura Queeruña, comparte as súas achegas sobre a triloxía de ciencia ficción feminista que Reimóndez comezou coa novela ‘Cobiza’ e que culminará en 2024.

Entre 1960 e 1974 uns 240.000 galegos e galegas emigraron ao Reino Unido. A exposición ‘As xeracións do Montserrat’ recolle testemuños e obxectos daquela emigración, co fío condutor do transatlántico Montserrat, un dos barcos que realizaba a viaxe entre o porto da Coruña e as illas británicas. O escritor e xornalista Xesús Fraga é o comisario da mostra, promovida polo Consello da Cultura Galega, que pode visitarse no Kiosko Alfonso da Coruña ata o 14 de xaneiro.

Mónica Maneiro comenta a mostra da galería compostelá Patio de Luz, na que participan os artistas Iago Eireos, Manuel de la Rosa, Montse Rego, Ruth Vidal e Tuset.

A cuarta edición das Xornadas Artesanía no Prato quere consolidar a alianza entre os artesáns galegos e a alta gastronomía. 31 obradoiros de madeira, cerámica, forxa, cestería ou téxtil están presentes no encontro, no que tamén participan cociñeiros como Lucía Freitas.

A ciencia pode ser unha sinfonía que se constrúe entre moitos e ao longo do tempo seguindo o método científico. O café cósmico de Estíbaliz Espinosa une hoxe música e ciencia, para falar de Kepler, científicos disonantes e o libro La lira desafinada de Pitágoras, de Almudena Martín Castro, gañador dun dos premios Prismas Casa das Ciencias á divulgación científica.

As mulleres usan e transmiten o galego un 4% menos cós homes, unha diferenza pequena pero significativa e á que ata o de agora non se lle prestara moita atención. O Seminario de Sociolingüística da Real Academia Galega publica 'Lingua e xénero en Galicia: un estado da cuestión', unha das primeiras aproximacións específicas á intersección entre o xénero e os usos e prácticas lingüísticas. Conversamos con María López-Sández e Gabino Vázquez-Grandío, autores deste estudo canda Xaquín Loredo.

Eva Mejuto proponnos hoxe tres lecturas relacionadas con Federico García Lorca. Para os máis novos, o álbum ilustrado ‘Federico’, con texto de Jesús Castro Yáñez e ilustracións de Iván R, un conto no que o neno Federico espera a chegada dunha compañía de teatro á súa vila. ‘Medio pan e un libro’, editado por Kalandraka, recolle o discurso que publicou o poeta granadino na inauguración da biblioteca da súa vila natal, Fuentevaqueros, traducido por Henrique Alvarellos. Por último, Eva recoméndanos a edición crítica dos ‘Seis poemas galegos’ publicada na colección Batiscafo da editora Chan da Pólvora.

As mulleres usan e transmiten o galego un 4% menos cós homes, unha diferenza pequena pero significativa e á que ata o de agora non se lle prestara moita atención. O Seminario de Sociolingüística da Real Academia Galega publica Lingua e xénero en Galicia: un estado da cuestión, unha das primeiras aproximacións específicas á intersección entre o xénero e os usos e prácticas lingüísticas. Conversamos con María López-Sández e Gabino Vázquez-Grandío, autores deste estudo canda Xaquín Loredo.

Eva Mejuto proponnos hoxe tres lecturas relacionadas con Federico García Lorca. Para os máis novos, o álbum ilustrado ‘Federico’, con texto de Jesús Castro Yáñez e ilustracións de Iván R, un conto no que o neno Federico espera a chegada dunha compañía de teatro á súa vila. ‘Medio pan e un libro’, editado por Kalandraka, recolle o discurso que publicou o poeta granadino na inauguración da biblioteca da súa vila natal, Fuentevaqueros, traducido por Henrique Alvarellos. Por último, Eva recoméndanos a edición crítica dos ‘Seis poemas galegos’ publicada na colección Batiscafo da editora Chan da Pólvora.

O Teatro Ensalle celebra este mes en Vigo o seu xa tradicional Festival Catropezas de danza contemporánea. Comentamos as súas claves coa programadora do Teatro Ensalle, Raquel Hernández.

Tito Lesende pica hoxe a nova canción de Triángulo de Amor Bizarro, a ‘autoversión’ “La carretera nocturna’ que nos presenta unha das integrantes do grupo, Isa Cea. Escoitamos tamén o último tema das Tanxugueiras, “As que teñen que estar”, unha colaboración co rapeiro Juancho Marqués. Descubrimos a Zuaraz, un grupo mexicano-galego-madrileño relacionado cos Blanco Palamera e poñemos o ramo con Green Day, que serán cabeza de cartel d´O Son do Camiño 2024.

Emma foi á última novela que publicou en vida Jane Austen, clásica da literatura inglesa cuxa obra mantén gran vitalidade no século XXI. A través dos enredos e equívocos amorosos provocados pola súa protagonista, Emma retrata o clasismo da sociedade inglesa da época e as condicións de vida das mulleres, obrigadas a matrimonios vantaxosos para garantiren a supervivencia económica.

Sushi Books publica unha edición de Emma traducida por Moisés Barcia e anotada e prologada para público xuvenil. Conversamos con Ana Bulnes, Raquel C. Pico e María Ramos, as tres responsables das notas desta edición.

Repasamos algunhas das opcións que ofrecen as Universidades galegas para formarse no ámbito cultural. Desde o grao en Xestión Cultural da USC no campus de Lugo, co seu mestrado en Servizos Culturais, ata títulos de posgrao propios como a nova titulación de especialista universitario na industria musical que ofrece a Universidade de Vigo.

Con Mónica Maneiro facemos un percorrido arredor da exposición 'Xeometría Mundi', adicada á traxectoria profesional do coruñés Luis Caruncho.

A historiadora Aldara Cidrás reparou noutro deses encantos da cidade de Santiago de Compostela que resulta respectouso co entorno medieval: os letreiros en forxa.

Con Mario César Vila falamos da inauguracion da exposición 'Olladas #INSITU' este xoves, no Día do Patrimonio.