Verónica Codesal presenta en directo o seu último proxecto musical, ‘100 voltas’ na xira ‘Igualdade’, que a leva nestes días por Cedeira, Carballo, Outeiro de Rei, Vedra, Santiago, Oleiros e Arzúa. O álbum incorpora letras das poetas Yolanda Castaño, Lucía Aldao e Rosalía Fernández Rial que falan de sororidade, maternidade, vínculos tóxicos e liberdade persoal. A compoñente de Ialma acompáñase aquí do acordeonista Dider Laloy e o violinista Damien Chierici, cos que transforma musicalmente pezas inspiradas na tradición galega.

Nas propostas de lectura de Eva Mejuto hai hoxe unha clásico e unha novidade. Recuperamos Konrad ou o neno que saíu dun bote de conserva, publicado en 1975 pola escritora austríaca Christine Nöstlinger e traducido ao galego por Eva Almazán e publicado por Sushi Books. E acaba de chegar ás librarías o cómic infantil ‘Ula e Vinca’, escrito e ilustrado por María Bren e publicado por Antela Editorial.

Centrámonos en 'Irmás na Fala', a serie web que produce a RAG -co apoio económico do Concello da Coruña- para contribuír ao coñecemento e recoñecemento de mulleres que abriron camiños de futuro para todas.

Tito Lesende tráenos o novo de Terbutalina e The Rapants e o regreso de 'Rock & Ríos'.

Hugin e Munin e Irmás Cartoné traen ao galego neste ano dúas obras da escritora estadounidense Edith Wharton. Trátase de 'Expiación e outros relatos, traducida por Celia Recarey; e 'As irmás Bunner', traducida por Alejandro Tobar.

No seu terceiro disco '30', Miguel Lamas fusiona a música tradicional con afro jazz e un concepto pop. Charlamos con el sobre as súas claves.

Mónica Maneiro tráenos a exposición 'Un nuevo día' de Juan Fernández Álava, na galería Trinta.

‘O pobo canta: o pensamento político de Pier Paolo Pasolini’ é o título da xornada que organiza o Consello da Cultura o martes 7 de novembro no Centro Cultural Marcos Valcárcel de Ourense. Conversamos cun dos coordinadores do encontro, o cineasta italiano Simone Saibene, que intervirá tamén para falar do cine de Pasolini. Escoitamos outra das participantes, a xestora e creadora cultural Cristina Consuegra, que confrontará o pensamento pasoliniano coas grandes cuestións do noso presente.

Tempo para a ciencia con Estíbaliz Espinosa, que vén charlar e reflexionar con nós sobre o feito da extinción.

Escoitamos o novo álbum do grupo de Muros co seu cantante, Miguel Cernadas. Oito temas nos que regresan ao son directo, máis cru, e que presentarán en directo o 8 de decembro na sala Malatesta de Santiago.

Segunda entrega da historias terroríficas que escolmou para nós Eva Mejuto. Hoxe, A casa enmeigada, o clásico de Jan Pienkovski, que trouxo ao galego hai uns anos a editorial Patas de Peixe. Tamén lemos a última entrega dos Minimortos de Ledicia Costas, Criando malvas, outra historia divertida que rompe co tabú da morte coa axuda das ilustracións de Mar Villar. Poñemos o ramo cunha historia de bruxas, Clorinda Marween: unha bruxa inventora, con texto de María Márquez e ilustracións de Pupé, editado por Cumio.

Unha vez máis, e grazas a Alvarellos editora, podemos segui-las pegadas da memoria histórica de Galicia. Novo libro da investigadora Aurora Marco coa que falou Isabel Freire.

É 'Now and Then' a derradeira canción de The Beatles?Debatémolo con Tito Lesende na estrea mundial da peza, que une a voz de John Lennon nunha maqueta de 1977 cos instrumentos de Paul McCartney, Ringo Starr e George Harrison.

Proposta de lectura para Samaín: ‘Corpos. As outras vidas do cadáver’, de Erica Couto-Ferreira, publicado por Kalandraka, ensaio erudito e divertido sobre as maneiras nas que lidamos co que queda de nós trala morte.

Mónica Maneiro comenta 'Eros y Tánatos', outra dobre mostra na galería compostelá Dupla. Yolanda Dorda e Roberto González Fernández retratan a pulsión erótica e a pulsión de morte.

Hórreos e paneiras camiño de seren Patrimonio Cultural: o Ministerio dálle impulso á reivindicación. O Consello Nacional de Patrimonio Histórico iniciará os trámites para o recoñecemento oficial.

Mario César Vila fálanos dos traballos para tentar recuperar os restos de Anuncia Casado, a 'Pasionaria galega', asasinada no 36.

O Womex celebra en Coruña a súa segunda xornada. Ali acudimos para falar con varios asistentes e protagonistas desta festa da música.

Eva Mejuto vén falarnos de dous contos para ler neste Samaín: 'Valentina Nunca Calas e o Monstruo da Media Cara', de Charo Pita, e 'Sete monstruos e un gato', de Rafa Ordóñez.