XVI Xornada de Literatura de Tradición Oral: 'Das regueifas ás músicas actuais, unha travesía polos mares da canción'. Trátase dunha iniciativa da Asociación de Escritoras e Escritores en Lingua Galega. Celébrase este sábado en Lugo e para falar dela trouxemos a Lois Pérez, Marta Veiga e Nuno Pico.

É a décimo sexta edición do certame anual organizado pola Federación Galega de Bandas de Música Populares, que reunirá máis de seiscentos músicos no Pazo da Cultura de Narón. Once bandas, dúas delas chegadas desde fóra de Galicia, competirán nas diferentes categorías. Conversamos con Iván Estévez, trompetista e presidente da Federación, e coa pianista e compositora María Mendoza, que dirixirá a Chikiband da Limia, unha das bandas participantes na sección infantil. A Agrupación Musical da Limia, que competirá na sección segunda, interpretará no seu programa un pasodobre composto por María Mendoza.

Óscar Losada tráenos as actuacións do día no Womex.

Xosé Manuel Soutullo é o novo director xeral da Editorial Galaxia. Traballou na editora máis de 40 anos e asume a nova responsabilidade mirando cara ao 75 aniversario, en 2025. Con el charlamos sobre a súa traxectoria e os obxectivos da editorial.

Auga e moedas do alxibe do castelo de San Antón. Son parte dos materiais que Rubén Santiago emprega na mostra 'Ante a inminencia', que pode visitarse na 'Normal' da Coruña, e da que falamos con Mónica Maneiro.

Slams, micros abertos, impro... Santiago acolle o festival de poesía nova 'Luz Póetica', do que falamos con Yamini Prabhu Barretto e con Lúa Mosquetera.

Con Estíbaliz Espinosa miramos cara ás Oriónidas (se as nubes nos deixan) e escoitamos o poema de Ada Limón que a sonda Europa da NASA levará a unha das lúas de Xúpiter.

'O home e o can' chega a 22 salas de cine galegas. As actrices Paula Chaves e Estíbaliz Veiga preséntannos a película de Ángel de la Cruz, que comparten con Manuel Manquiña. Soidade, coidados, vellez nun filme para poñerse nos zapatos dos outros...

No apartado literario Eva Mejuto preséntanos os 'White Ravens' deste ano que podemos ler en galego: 'A lebre mecánica', de

Ledicia Costas; 'A nota', de Pilar Serrano Burgos; e 'Peixe', de Emilio Urberoaga.

O VIII Seminario de Onomástica da Real Academia Galega aborda este sábado en Pontevedra a presenza dos nomes propios na nosa literatura popular. Conversamos coa lingüista Luz Méndez e coa antropóloga Elena Freire Paz.

Tito Lesende fálanos dos novos discos de Caamaño & Ameixeiras, Lily Kershaw e Rolling Stones; e da celebración dos 20 anos de Dios Ke Te Crew.

Zeltia Irevire preséntannos o seu primeiro álbum, 'Vacaloura', un disco sintonizado coa natureza no que falan o vento e o espírito do bosque.

Nove concertos e unha miríada de residencias artísticas, actividades e conferencias espalladas por Vigo, Pontevedra e Santiago de Compostela. Un outono cargado de músicas de vangarda. Comeza o Vertixe 11!

Arte e física no retorno expositivo a Galicia de Rubén Ramos. Mónica Maneiro fálanos de 'La objeción de Ernst Mach a la línea del horizonte (de sucesos)', na galería Nordés.

Os Premios da Cultura Galega concédeos a Xunta anualmente. Son galardóns sen dotación económica que distinguen a excelencia creativa. Falamos con Belén Brandido, produtora e distribuidora de Pistacatro (galardonada nas Artes Escénicas); e con Alfonso Blanco, director da produtora Portocabo (premio na categoría de Audiovisual).

A partir dun Obradoiro de escrita impartido en 2021 e 2022 por Eli Ríos naceu o colectivo literario Comadres das Letras, que xa publicou un volume colectivo de relatos 'Contármonos'. No día das escritoras falamos do papel da escrita na vida das mulleres, publiquen ou non.

O noso experto Mario César Vila fálanos dos descubrimentos da UVigo e da recuperación dos cadáveres das persoas represaliadas durante o franquismo.

A nosa experta en literatura xuvenil e infantil céntrase hoxe na tradición oral. Tráenos o conto 'A botella de lentellas' (Premio Merlín de Literatura Infantil), de Leticia Barbadillo; e o canto 'Pequena fauna do Cantigueiro de Cotobade', de David Carballal.

No musical, Dios Ke Te Crew celebra este 2 de decembro os seus 20 anos na industria musical. Falamos da festa con MOU.