Ata o 18 de maio pódese visitar en Vigo, no Museo do Mar, a mostra 'Nicolás Muller en Galicia'. A exposición reúne 50 imaxes tiradas na Galicia dos 60 deste fotógrafo documental nado en Hungría. 

Tito Lesende pica novas cancións de Mondra, Pamela Rodríguez e Pablo Lesuit, e avanza concertos de De Ninghures e Eris Mackenzie.

Comeza a vixésima edición da Mostra Internacional de Cinema Etnográfico, impulsada polo Museo do Pobo Galego. Conversamos coa directora da MICE, Ana Estévez Lavandeira, e co guionista e historiador do cinema Pepe Coira, que comentará a película 'O carro e o home', coguionizada polo etnógrafo Xaquín Lorenzo 'Xocas' en 1940.

Manel Cráneo preséntanos a Paula Mayor, que acaba de publicar coa editorial Galaxia a súa BD 'Rosalía oculta'.

Vituco Neira fala con M.ª Xosé Bravo, da AC Alexandre Bóveda, a propósito de ‘A Coruña das mulleres’, unha exposición e un roteiro sobre o fondo documental, gráfico e audiovisual que compilaron coa fin de recuperar a memoria feminina da historia da cidade.

A lista de reprodución de Pablo Sánchez Quinteiro

‘Galegas na música’, de Isabel Blanco con ilustracións de María Lapido.. Vituco Neira conversa coa autora.

Eva Mejuto recomenda lecturas para o 8-M.

Aaron Valle preséntanos 'Escándalo no escuro', o segundo LP de Amoebo, un dobre álbum cunha cara máis hedonista e urbana e outra máis rockeira e introspectiva.

No día da publicación de 'III', Tito Lesende guíanos polo terceiro álbum de Grande Amore. Escoitamos tamén a nova canción de Alana e música de Víctor Aneiros, que celebra 25 anos de carreira.

'Bibiano. Cambiar para ser un mesmo' , unha biografía escrita por Carlos Rego que repasa a traxectoria musical do mozo compostelán que tocaba en grupos 'yeyé' e que despois foi membro de Voces Ceibes, publicou tres discos en solitario e enlazou a súa xeración coa da Movida viguesa. 

Manel Cráneo dedica o seu espazo semanal de BD ao arousán Jaime Asensi, un destacado ilustrador, deseñador gráfico e autor de cómic, que faleceu o mes pasado.

Chega aos teatros a montaxe 'As desterradas', baseada na peza do mesmo título coa que Carme Varela gañou o premio Álvaro Cunqueiro. A historia das monxas rebeldes de San Salvador de Albeos está dirixida por Quico Cadaval e interpretada por Belén Constenla, Melania Cruz, Rocío González, Rebeca Montero, Patricia Vázquez e Víctor Mosqueira.

Mónica Maneiro avánzanos a presenza galega en ARCO e noutras feiras de arte contemporánea que se desenvolven esta semana en Madrid.

Susana Rodríguez Barcia e Bosco Gil preséntannos 'Cantos do mar', unha compilación de cantigas mariñeiras de tradición anglosaxoa traducidas ao galego.

Patty Castro pica dúas bandas galegas de death metal, os composteláns Absorbed e os lugueses Barbarian Prophecies.

Chega aos cines a segunda película da directora luguesa Olga Osorio. 'El secreto del orfebre' está baseada nunha novela de Elia Barceló e protagonizada por Mario Casas e Michele Jenner.

E Eva Mejuto propón lecturas de dúas editoras galegas de LIX creadas por mulleres, Patas de Peixe e Verme Editora.