O grupo Luar na Lubre vai pedirlle á RAG que inclúa 'lubre' no seu Dicionario. Bieito Romero explica como escolleu o nome para a banda e Manuel González, director do Dicionario, debulla os criterios da Academia para incorporar novas palabras. 

Mónica Maneiro comenta a exposición de Carlos Fernández- Pello 'Alguien nos entenderá cuando estemos muertos', na Galería Nordés,

A mostra inclúe pezas creadas polo artista canda un artesán queixeiro e tamén pinturas acrílicas a partir de follas de táboas de datos.

Conversamos co arquitecto Fernando Blanco co gallo da exposición sobre a súa obra que acolle a Fundación Luís Seoane da Coruña. A mostra 'Fernando Blanco' inclúe proxectos arquitectónicos, pintura e escultura e compleméntase cunha publicación do mesmo título.

Pablo Sánchez Quinteiro proponnos hoxe unha peza de Rogelio Groba, un concerto de piano de Mozart e música de cámara a cargo do Cuarteto Hana.

O novo espectáculo de Ibuprofeno Teatro aborda a reconversión industrial na ría de Vigo a partir da experiencia persoal do pai do autor e director do texto, Santiago Cortegoso. En escena, oito intérpretes forman unha charanga que nos guía pola historia recente. Trala estrea na Coruña, a montaxe emprende xira por Galicia.

Eva Mejuto proponnos lecturas sobre mulleres creadoras de cultura. 'Canta, miña compañeira' de María Lado, aborda o legado das cantareiras conectándoo coa música do presente. 'Galegas nas artes' de Isabel Blanco, recolle as biografías de 21 artistas plásticas e visuais.

Repasamos as candidaturas dos premios Mestre Mateo, que acaparan a serie 'Rapa' e as películas 'As Neves', 'Honeymoon' e '+Cuñados'. A gala de entrega realizarase en Lalín o 15 de marzo, e será retransmitida pola TVG.

Tito Lesende pica novas cancións de De Ninghures e Rhome e avanza concertos en Galicia de León Benavente e Virginia Maestro.

Celanova acolle a estrea da montaxe teatral 'O proceso', de Malasombra Producións, escrita e dirixida por Cándido Pazó. A peza relata en ton de sainete cómico o proceso xudicial contra Curros Enríquez, tras ser denunciado por herexía polo bispo de Ourense.

Manel Cráneo analiza a última edición do festival de BD da cidade francesa de Angoulême, que este ano tivo a España como país convidado.

Celebramos os 25 anos de Sumrrá, o trío de jazz formado polo pianista Manuel Gutiérrez, o contrabaixista Xacobe Martínez Antelo e o batería LAR Legido. Escoitamos os integrantes do grupo e algúns dos seus seareiros e seareiras.

Mónica Maneiro comenta a exposición 'Ollos de vidro' comisariada por Germán Labrador, que pode visitarse no Auditorio de Galicia de Santiago ata o 25 de maio.

Conversamos con algúns dos premiados na oitava edicion de Youtubeiras+: o videopodcast Exército Mekemeke, a creadora de contido Prado Rúa, a tiktokeira Sara Seco e a revista dixital sobre cultura tradicional Rebelico.

Bea Lema, Alba Chan e Ene son tres das autoras galegas que participan no Festival de BD de Angoulême, un dos encontros de cómic máis importantes do mundo. España é o País Foco desta edición do festival francés.

Eva Mejuto propón lecturas que recordan a barbarie dos campos de exterminio nazis, na semana do 80 aniversario da liberación de Auschwitz.

O día da Ilustración homenaxea a Xosé Vizoso.

A playlist de Tito Lesende

A banda da Loba entrégase ao 'Lovismo'

O quinto disco do grupo ten o amor como fío condutor. Presentarase en directo na sala Capitol de Santiago o 1 de febreiro.

O último mércores de cada mes Manel Cráneo convida un lector de banda deseñada para que comparta coa audiencia os gustos e recomendacións comiqueiras.

Desta volta é arqueólogo coruñés Antón Malde