Conversamos con María Xosé Porteiro sobre o seu ensaio 'As benfaladas', que rememora o longo camiño das mulleres para poder usar a súa voz no espazo público.

Pablo Sánchez Quinteiro repasa os primeiros concertos do ano da Real Filharmonía e a Sinfónica de Galicia.

Lembramos a Trinidad Falcés, activista coruñesa finada en 2022, tras unha vida marcada pola represión da ditadura ás persoas LGBTQ+. A exposición 'Relembrando a Trini', pode visitarse na Biblioteca Durán Loriga da Coruña ata o 15 de xaneiro. Comisariouna a artista Sergio Marey, autora tamén do libro 'É mellor loitar que morrer de fame'.

Eva Mejuto trae ao seu Faro de lecturas LIX a tradución ao galego de 'Invisible', de Eloy Moreno e mais de 'Quero escribir literatura' de Manuel Veiga Taboada.

O actor e escritor Manuel Cortés presenta 'O último home', unha comedia poética unipersoal construída como un recital de poesía acompañado pola música da dj Russ. O espectáculo, dirixido por Borja Fernández e producido por Ainé, estréase os días 11 e 12 de xaneiro na Sala Ártika de Santiago.

Tito Lesende reivindica as salas de concertos galegas e pon o foco no calendario da Sala Capitol de Santiago, a que máis concertos ofrece. Soa música de Ortiga, Baiuca, Loita Amada e Tarque.

A actriz Mónica Camaño e o músico Xurxo Varela forman parte do amplo elenco de 'Frágua de amor', unha coprodución do clásico do dramaturgo portugués Gil Vicente na que participa o Centro Dramático Galego. O Salón Teatro acolle a única función en Galicia o 10 de xaneiro.

Manel Cráneo recorda o décimo aniversario do atentado contra a revista satírica francesa 'Charlie Hebdo'

A banda estradense Os John Deeres presenta o seu cuarto disco, 'O círculo das formigas', un disco conceptual que retrata a sociedade contemporánea a través de dúas longas cancións divididas en catro partes: 'Pulso' e 'Inercia'.

Na sección de arte contemporánea de Mónica Maneiro, conversamos sobre arte téxtil coa artista, deseñadora e investigadora Sara Coleman pola súa publicación 'Espacios textiles_habitando la interfaz'.

Ana Romaní achéganos á exposición "Fío do norte" conversando co seu comisario, Juan Luis Toboso. O presidente da Asociación Galega de Editoras, Henrique Alvarellos, fálanos da celebración dos cen anos da fundación da editorial Lar. Ademáis contabos coa colaboración da nosa especialista en "Metal" galego, Patty Castro.

Rosalía Rodríguez, da agrupación dos Chichisos, e Alba Amoedo, do Rancho de Reis das Cortellas, veñen a demostrar que esta tradición de Nadal segue viva.

Eva Mejuto déixanos un par de recomendacións literarias por se os máis pequenos aínda queren pedir algo máis ós Reis Magos

Conversamos con Paula Cabaleiro e Rosario Sarmiento, comisarias de artes, para que nos recomendaran distintas actividades de ocio cultural que facer cos máis pequenos da casa.

Tito Lesende achéganos adiantos de grupos e cantantes galegos e galegas que van sacar disco nos primeiros meses deste acabado de chegar 2025.

'A profundidade esencial da terra' explora a influencia do surrealismo nos artistas Manuel Colmeiro e Benjamín Palencia nos anos trinta do século pasado.

Mónica Maneiro comenta a exposición 'Lanzarote' do fotógrafo Jesús Madriñán, que pode visitarse na galería Trinta de Santiago ata o 31 de xaneiro.

Conversamos con José Manuel López, a primeira pesoa en conseguir un título de máster en interpretación musical polo itinerario de gaita.

Patty Castro resume o percorrido que fixemos en 2024 pola historia do metal en Galicia e Pablo Sánchez Quinteiro escolle os principais acontecementos da clásica no país este ano.