A mostra 'Humor para mundo. Que graza!' recolle 50 viñetas de Pepe Carreiro publicadas por 'Xornal de Galicia' na primeira década deste século. Política, lingua, xudicatura, condicións laborais... son algúns dos temas tratados nesta selección, que incorpora cor, unha singularidade dentro da longa traxectoria de Carreiro como humorista gráfico.

Pablo Sánchez Quinteiro destaca a entrada da violinista tudense Raquel Areal na Orquestra Filharmónica de Berlín. Escoitamos ademais música de Bizet e Debussy.

O grupo muradán de rock Terbutalina despídense do público despois de 15 anos de traxectoria, 9 discos e centos de concertos. Lembramos a súa pegada na música galega con grupos influídos por eles como Grande Amore e The Rapants e compañeiros de xeración como Familia Caamagno.

Eva Mejuto propón hoxe lecturas para os pequerrechos: 'Números', premiado en Boloña, e 'Dona Carme', un conto acumulativo de tradición oral levado ao papel por Manuel Bragado.

Isabel Risco preséntanos 'As aventuras de Nabiza Girl. O estraño caso da Cultura Minguante', un espectáculo no que esta superheroína do país se enfronta ao esmorecemento da cultura galega. Estréase o 23 de febreiro na Casa da Cultura Pintor Lloréns de Sada.

Tito Lesende pica música de Budiño, Marián, Heredeiros da Crus e Ruxe Ruxe.

'Sol Fuerza' é o novo espectáculo da compañía aAntena, no que tres historias trenzan unha comedia sobre o futuro do planeta.

Lucía Veiga, Manu Fernández e Virxinia Bermúdez forman o elenco do espectáculo, dirixido por Xosé Leis, que se estrea o sábado 22 en Vimianzo. 

Manel Cráneo trae ás nosas conversas comiqueiras o debuxante e humorista gráfico Santy Gutiérrez, desta volta para falar de banda deseñada divulgativa.

'Galegas' é a terceiro xogo de cartas que promove o proxecto 'Feminismos no tempo'. De Ana Kiro a Mercedes Peón, de Juana de Vega a Carmen Avendaño, das mulleres espontaneadas ás cigarreiras coruñesas , 55 cartas para coñecer máis protagonistas da nosa Historia.

Patty Castro mergúllanos nos comezos do metal extremo no país a través do libro 'Historia del metal extremo en Galicia' de Jorge Fernández Taboada.

Helena Egea presenta 'Flares of life', o seu primeiro EP.

Debut da compañía Bengala Teatro Físico

Estrean en Lugo o espectáculo 'En carne viva

O colectivo artístico Resaca emocional preséntanos o seu primeiro disco, 'De amor', que publican o día de San Valentín. Berto Mira e Ash Diz explícanos a ética e a estética destas cancións que falan do amor "desde a intimidade e a vulnerabilidade".

Tito Lesende pica novas cancións de Amoebo, Agoraphobia, o proxecto Gala i Ovidio, que comparten Aida Tarrío e Raül Refree e mais a colaboración de Guadi Galego e Tanxugueiras.