အခုနားဆင်ရမှာကတော့ DNA ရဲ့ 7 PM Podcast အစီစဉ်ပဲဖြစ်ပါတယ်။ 

ဒီကနေ့ ဇန်နဝါရီလ (၃၁) ရက်နေ့ ရဲ့  Podcast အသံလွှင့်အစီအစဉ်မှာတော့

စတဲ့သတင်းများ ကိုနားဆင်ရမှာဖြစ်ပါတယ်။  

အခုနားဆင်ရမှာကတော့ DNA ရဲ့ 7 PM Podcast အစီစဉ်ပဲဖြစ်ပါတယ်။ 

ဒီကနေ့ ဇန်နဝါရီလ (၃၀) ရက်နေ့ ရဲ့  Podcast အသံလွှင့်အစီအစဉ်မှာတော့

စတဲ့သတင်းများ ကိုနားဆင်ရမှာဖြစ်ပါတယ်။  

ဈေးရောင်းသွားတဲ့မိခင်ကိုမျှော်သောသား

စစ်ဆိုတာနဲ့ အနိဌာရုံမျိုးစုံ လိုက်ပါလာတတ်တာ သဘာဝပါ။ စည်းစိမ်ဥစ္စာ ပျက်စီးဆုံးရှုံးရရုံမက လူတွေ သေကွဲ၊ ရှင်ကွဲ ကွဲရတဲ့အဖြစ်တွေ များစွာကြုံရပါတယ်။ စစ်ကြောင့် အမိမဲ့သား၊ အဖမဲ့သားများစွာလည်း လူ့ဘဝထဲမှာကျန်ရစ်ခဲ့ ကြရပါတယ်။ ဒုတိယကမ္ဘာစစ်အတွင်းက ဧရာဝတီတိုင်း၊ ငဝန်မြစ်ကမ်းနံဘေးက ရွာကလေးတရွာမှာ ဈေးရောင်းသွားတဲ့မိခင် ပြန်မလာလို့ မျှော်ရရှာတဲ့ သားတယောက်ရှိခဲ့ဘူးပါတယ်။ 

အခုနားဆင်ရမှာကတော့ DNA ရဲ့ 7 PM Podcast အစီစဉ်ပဲဖြစ်ပါတယ်။ 

ဒီကနေ့ ဇန်နဝါရီလ (၂၉) ရက်နေ့ ရဲ့  Podcast အသံလွှင့်အစီအစဉ်မှာတော့

စတဲ့သတင်းများ ကိုနားဆင်ရမှာဖြစ်ပါတယ်။ 

နွေဦးထဲက ကဗျာ၊ ကဗျာထဲက နွေဦး (၁၁၁)

ဗညားမော်

ဒီလို အချိန်မျိုးမှာရော ဒီလို အချိန်မတိုင်ခင်ကတည်းကပါ ကဗျာတွေ အရေးအသားတွေထဲမှာရော နိုင်ငံရေးသုံးသပ်ချက်လို အပြောအဆိုတွေထဲမှာပါ ကျွန်တော်တို့ရဲ့ နိုင်ငံကို ရည်ညွှန်းတဲ့အခါ ကျရှုံးနိုင်ငံဆိုတဲ့ အသုံးအနှုံးမျိုးကို သုံးနှုန်းလာခဲ့ကြတာပေါ့ခင်ဗျာ။ တချို့သူတွေက ခံစားချက်တွေနဲ့ သွားကြပြီး တချို့သူတွေကတော့ အချက်အလက်တွေ ယုတ္တိတွေနဲ့ တည်ဆောက်ကြတာပေါ့။ လူပြိန်းပြောပြောကြရင်တော့ နိုင်ငံပျက်သွားပြီ နိုင်ငံပျက်ဖို့ ဦးတည်နေပြီပေါ့။ မတရားမှုတွေကလည်း စိုးမိုးလို့။ နိုင်ငံသားတွေရဲ့ ဘေးကင်းလုံခြုံမှုကလည်း စိုးရိမ်ရေမှတ်အထက် အတော်ကြီးကို ကျော်လွန်နေ။ စစ်မက်တွေကလည်း ဖျက်ဆီးထားလို့ ရွာတွေ မြို့တွေပျက် လူတွေဟာ စစ်ပြေးနေကြရ၊ နိုင်ငံပြေးနေကြရ။ နိုင်ငံအရာဝင်ရုံဆိုတဲ့ အချက်အလက်တချို့ကလည်း မထင်မရှား၊ ဘယ်ရှင်လူ ဘယ်နိုင်ငံကမှ မရိုသေ။ နိုင်ငံရဲ့ အစိုးရအဖွဲ့က အာဏာလုစစ်ဂိုဏ်အုပ်စုလား၊ ရုန်းကန်တိုက်ခိုက်နေဆဲ ပြည်သူလူထုရဲ့ ရှေ့က အဲန်ယူဂျီနဲ့ အီးအာရ်အိုတွေလား။ သီအိုရီတွေ သတ်မှတ်ချက်တွေနဲ့ ပြောကြဆိုကြမယ် ဆိုရင်ဖြင့် နိုင်ငံက ကျရှုံးနိုင်ငံ ဖြစ်နေပြီ နိုင်ငံပျက်ဖြစ်နေပြီ လို့ စာရင်းသွင်းကြမှာပဲ။ 

        တကယ်တမ်းမှာတော့ နိုင်ငံသားတွေရှိနေတယ်။ ဆယ်စုတွေချီပြီး ရာစုရဲ့ တဝက်ကျော်အထိ ဗားရှင်းအမျိုးမျိုးနဲ့ ဖိနင်းထားတဲ့ စစ်အာဏာကို ထမ်းပိုးလှန်ချဖို့ ရုန်းကန်နေတဲ့ တော်လှန်ရေးသမားတွေ ရှိနေတယ်။ တူမီးက စပြီး ဒရုန်းအထိ တိုးတက်ဖွံ့ဖြိုးမှုတွေရှိတယ်။ လေလှိုင်းအစိုးရကနေ နိုင်ငံနဲ့ ဒေသဆိုင်ရာ အဖွဲ့အစည်းတွေ၊ နိုင်ငံတကာအဖွဲ့အစည်းတွေက တိုးတိုးတမျိုးကျယ်ကျယ်တဖုံ အရာသွင်းဆက်ဆံလာရတဲ့ နွေဦးအစိုးရ ရှိတယ်။ စခန်းသိမ်း မြို့သိမ်းတွေနဲ့ ပိုင်နက်နယ်မြေကို တစ တစ ခိုင်မာအောင် ချဲ့ထွင်တည်ဆောက်လာနိုင်တဲ့ တိုင်းရင်းသား တော်လှန်ရေးအင်အားစုတွေ ရှိတယ်။ ဒုက္ခဆင်းရဲမှန်သမျှ မပြေလည်မှု မှန်သမျှ ကြေကွဲဝမ်းနည်းရမှု မှန်သမျှ မရပ်စဲသေးပေမဲ့ ခါးစည်းခံ ရုန်းကန်နေတဲ့ ပြည်သူလူထုကြီးရဲ့ နွေဦးနဲ့ နိုင်ငံသစ်အပေါ် ယုံကြည်မျှော်လင့်ချက်တွေဟာ ခိုင်ခိုင်မာမာ ရှိနေသေးတယ်။ အချက်အလက်အရပဲဖြစ်ဖြစ် ခံစားချက်အရပဲ ဖြစ်ဖြစ် ကျရှုံးနိုင်ငံလို မပြောမိလိုက်ပါစေနဲ့။ နိုင်ငံတော်ဆိုတဲ့ စကားရပ်ဟာ ဘုရားသခင်ဆိုတဲ့ စကားရပ်လိုပဲ ယုံကြည်သူတွေရဲ့ အမွန်အမြတ်ထားအပ်တဲ့ အရာ ဖြစ်ပါတယ်။ တိုက်ခိုက်ရုန်းကန်နေကြသူတွေအတွက် စိတ်အားတင်း ရည်မှန်းရာ အလံတံခွန် ဖြစ်ပါတယ်။ ဒီအလံ တလူလူ လွင့်ရမယ် ဆိုတဲ့ တစုတစည်း ယုံကြည်မျှော်လင့်ချက် ရှိနေသမျှ ဒီနိုင်ငံဟာ မပျက်သေးပါဘူး ဒီကမ္ဘာဟာ မပျက်သေးပါဘူး ဒီလောကဟာ မပျက်သေးပါဘူး။ 

        နွေဦးကဗျာဆရာတယောက်က အတည်ပြုတယ် ကမ္ဘာ မပျက်သေးပါဘူး။ နွေဦး ကဗျာတွေနဲ့ နွေဦးကဗျာဆရာတွေဟာ တခါတရံ လာရာလမ်းကို မှန်းဆဖို့ ကျွန်တော်တို့အတွက် ခက်ခဲပါတယ်။ အဆင့်ဆင့် ရောက်လာတယ်။ မူရင်းထွက်ပေါ်ရာကို မှန်းဆဖို့ အတည်ပြုဖို့ ချက်ချင်းမရနိုင်တာမျိုး ရှိတတ်ပါတယ်။ ဇာတ်ပေါင်းခန်း ရောက်ရင်တော့ ကျွန်တော်တို့ဟာ ဥစ္စာရင်းပိုင်ရှင် ကဗျာဆရာတွေကို ရှာဖွေ တွေ့ရှိနိုင်မယ် ထင်ပါတယ်။ နွေဦးဆီ လွင့်ပျံလာပြီး နွေဦးထဲ အားတင်းရွတ်ဖတ်ဖွယ် နွေဦးကဗျာတပုဒ်ဖြစ်တဲ့အတွက် ကျွန်တော်တို့ ကဗျာ ဖတ်ကြရအောင်။ ကဗျာဆရာ ကြယ်ငေးရဲ့ ကဗျာဖြစ်ပါတယ်။ 

ဒီကနေ့ ဇန်နဝါရီလ (၂၆) ရက်နေ့ ရဲ့  Podcast အသံလွှင့်အစီအစဉ်မှာတော့

စတဲ့သတင်းများ ကိုနားဆင်ရမှာဖြစ်ပါတယ်။  

နွေဦးထဲက ကဗျာ ကဗျာထဲက နွေဦး ၁၁၀

ဗညားမော်

နွေဦး တော်လှန်ရေး သုံးနှစ်ပြည့်ဖို့ နီးကပ်လာတဲ့အချိန်။ တနည်းပြောရရင် စစ်ဂိုဏ်းအုပ်စုကမြန်မာစစ်တပ်ကို လက်ကိုင်ပြုပြီး အာဏာကို လုဖို့ ကြိုးစားတာကို ဆန့်ကျင်ဖယ်ရှားနေရတဲ့ တိုက်ပွဲ သုံးနှစ်ပြည့်ဖို့ နီးကပ်လာတဲ့အချိန်။ ဒီတော်လှန်ရေးမှာ ထဘီကို အလံထူထွက်ခဲ့တဲ့ အမျိုးသမီးထုရဲ့ ပုံရိပ်တွေကို သတိရမိတယ်။ တကယ်တမ်း တော်လှန်ရေးတို့ တိုက်ပွဲတို့ ဆိုတာ အစဉ်အလာ ဓလေ့ထဲမှာ ငြိတွယ်ကျန်ရစ်နေဆဲဖြစ်တဲ့ ကျားမခွဲခြားတဲ့ ဓလေ့တွေကိုလည်း ကိုင်လှုပ်ပစ်လေ့ ရှိတယ်။ ကိုလိုနီကို တိုက်ခဲ့တဲ့ ခေတ်ဟောင်း ပဒေသရာဇ်မြန်မာလူထုထဲမှာကို ချွန်ထွက်ခဲ့တဲ့ မိန်းမ သူရဲကောင်းတွေ ရှိခဲ့တာပဲ။ လွတ်လပ်ရေးတိုက်ပွဲ နဲ့ ဖက်ဆစ်တော်လှန်ရေးတိုက်ပွဲမှာလဲ ထွက်ပေါ်ခဲ့တာပဲ။ ပုံမှန်အခြေအနေမှာ ကျားနဲ့ မကို ဓလေ့အရ ခွဲခြားမှုတွေနဲ့ သူ့နေရာနဲ့ သူ ခွဲခြားရပ်တည်ရတာတွေဟာ ရေထဲ မိုးထဲ အချိန်ကျ စွမ်းတဲ့သူက ရှေ့ကနေ ထွက်ကြရတာပဲ။ စွန့်နိုင်တဲ့ သွေး ဆိုတာ အရေးထဲကျတော့ ကျားမ မဟူပဲ၊ နီတဲ့သွေးက နီရဲပြီး ဖြူယော်နောက်ဆုတ်သူက ဆုတ်သွားကြတာပဲ မဟုတ်လား။ ခန္ဓာဗေဒအရ အားနည်းချက်နဲ့ ဖြေရှင်းရတဲ့ ပုံမှန် ပြဿနာတွေဟာ ကျားတွေလို မဟုတ်ဘဲ ရင်ဆိုင်ကြရတဲ့ မတွေဟာလည်း တော်လှန်ရေးနဲ့ စစ်ပွဲမှာ ကျတော့ ဒါတွေကို မမှုဘဲ ရင်ဆိုင်ကျော်ဖြတ်ပြီး သူတို့တာ သူတို့ လုံအောင်၊ သူတို့ငန်း သူတို့မီအောင် လုပ်ကြတာပဲ။ 

          တော်လှန်ရေးနဲ့ စစ်ပွဲဆိုရင် အဓိက ဇာတ်ဆောင်တွေဟာ ကျားတွေချည်း မဟုတ်တာကို သတိရနိုင်ဖို့လား၊ ကဗျာဆရာ ပါပ ကတော့ နွေဦး ညီမလေးသို့ ဆိုပြီး ကဗျာတပုဒ် ရေးလိုက်ပါတယ်။  ကဗျာက အဆန်းတကြယ် မဖွဲ့ပါဘူး။ နွေဦးတော်လှန်ရေးထဲ လိုက်သွားတဲ့ ညီမလေးအကြောင်း ရိုးရိုးနဲ့ ဖြောင့်ဖြောင့်ပဲ ရောက်အောင် ရေးထားပါတယ်။ မိသားစု သံယောဇဉ်ဖွဲ့နဲ့ ချစ်စရာ အားတက်စရာ ရေးထားတယ်။ ဒရမ်မာတွေလည်း မချိုးပါဘူး။ လမ်းပေါ်ဆန္ဒပြပွဲတွေမျာ အော်ဟစ်ခုန်ပေါက်ခဲ့တဲ့ မိန်းမငယ်လေးဟာ လက်နက်ကိုင်ဖို့ တောထဲ ရောက်တော့လည်း သတိ သက်သာ အေးစေ အခြေခံ စစ်ရေးပြ စစ်ပညာကို သေသေဝပ်ဝပ် သင်တန်း ယူလို့ပေါ့။ မိန်းမတွေဟာ လောက တဝက်ပါပဲ။ အားနွဲ့တယ် အဆိုခံရပြီး မျိုးဆက်သွေးကို လွယ်ရတဲ့ ဒုက္ခ မွေးရတဲ့ ဒုက္ခ ကျတော့လည်း ဒီမိန်းမတွေရဲ့ သဘာဝ တာဝန်။ လူ့အဖွဲ့အစည်းမှာ ဒီလို အရေးကြီးတဲ့ အပြောင်းအလှည့်တွေနဲ့ ကြုံတော့လည်း မိန်းမတွေဟာ နောက်မှာ မနေကြပါဘူး။ ယဉ်ကျေးမှု ဓလေ့အရ ပုံမှန်အခြေအနေမှာ ကျား မ ခွဲခြားဆက်ဆံခံကြရနိုင်ပေမဲ့ စစ်အာဏာရှင်ရဲ့ အောက်မှာ မိန်းမတွေဆိုပြီး ဖမ်းတဲ့ နေရာ၊ အကြမ်းဖက်တဲ့ နေရာ၊ နှိပ်စက် စစ်ကြောတဲ့နေရာမှာ မိန်းမဆိုတဲ့ ဇီဝလိင်နဲ့ ခန္ဒာဗေဒအပေါ် ထောက်ရှုသတိထားဆက်ဆံတာမျိုး မျှော်လင့်လို့ မရနိုင်ပါ။ ဒါပေမဲ့ တကယ်တမ်း အရေးကြုံတဲ့အခါ သံမဏိသားကျ မာကြောကြတဲ့အခါ မိန်းမတွေဟာလည်း ယောကျ်ားတွေ နည်းတူ ကြံခိုင်အံခဲ ကျော်ဖြတ်ကြရတာပါပဲ။ ကျွန်တော်တို့ရဲ့ နှမတွေ အစ်မတွေ တူမတွေ သမီးတွေဟာ တသက်တကျွန်းလို ထောင်ဒဏ်ကျခံရသူတွေ၊ စစ်ရှောင်စခန်းမှာ ရင်စီးခံနေရသူတွေ၊ တိုက်ပွဲဒေသမှာ ကူညီကယ်ဆယ်ရေး ပညာရေး ကျန်းမာစောင့်ရှောက်ရေး လုပ်ပေးနေသူတွေ၊ စစ်မြေပြင်မှာ မောင်းပြန်လွယ်ပြီး ပါဝင်တိုက်ခိုက်နေသူတွေ များစွာ များစွာ ရှိကြတာကို ကျွန်တော်တို့ ဘယ်ခါမှ မေ့လျော့လို့ မဖြစ်စကောင်းပါ။ ကဗျာထဲက အသက် ၆၀ နားကပ်သွားတာ နာတယ်ဆိုပြီး မိခင်နဲ့ အိမ်မှာ ကျန်နေခဲ့တဲ့ ဒီအစ်ကိုကြီး ဆိုသူက သူ့ရဲ့ နွေဦးညီမလေးရဲ့ အိမ်အပြန်ကို မျှော်နေသလို ကျွန်တော်တို့အားလုံးဟာလည်း နွေဦး သူရဲကောင်းမလေးတွေရဲ့ အောင်ပွဲအပြန် အိမ်အပြန်ကို မေတ္တာပို့သရင်း၊ သူတို့ရဲ့ ကောင်းကင်တဝက် ထမ်းရွက်မှုကို အလေးအမြတ်ပြုရင်း မျှော်လင့်ကြရအောင်ပါ ခင်ဗျား။ 

အခုနားဆင်ရမှာကတော့ DNA ရဲ့ 7 PM Podcast အစီစဉ်ပဲဖြစ်ပါတယ်။ 

ဒီကနေ့ ဇန်နဝါရီလ (၂၅) ရက်နေ့ ရဲ့  Podcast အသံလွှင့်အစီအစဉ်မှာတော့

စတဲ့သတင်းများ ကိုနားဆင်ရမှာဖြစ်ပါတယ်။  

အခုနားဆင်ရမှာကတော့ DNA ရဲ့ 7 PM Podcast အစီစဉ်ပဲဖြစ်ပါတယ်။ 

ဒီကနေ့ ဇန်နဝါရီလ (၂၄) ရက်နေ့ ရဲ့  Podcast အသံလွှင့်အစီအစဉ်မှာတော့

စတဲ့သတင်းများ ကိုနားဆင်ရမှာဖြစ်ပါတယ်။  

အခုနားဆင်ရမှာကတော့ DNA ရဲ့ 7 PM Podcast အစီစဉ်ပဲဖြစ်ပါတယ်။ 

ဒီကနေ့ ဇန်နဝါရီလ (၂၃) ရက်နေ့ ရဲ့  Podcast အသံလွှင့်အစီအစဉ်မှာတော့

စတဲ့သတင်းများ ကိုနားဆင်ရမှာဖြစ်ပါတယ်။