Haidee Muller-Isaacs gesels met Chrisben February oor die eerste fase van die Jamestown Museum in die 100 jaar oue Rynse Ou Skoolsaal. Sy het gaan loer hoe die planne vir die museum vorder. Die eerste fase is in September bekendgestel.

Heuningsommelier Natasha Lyon praat oor heuning se kleur, aroma en voorkoms.

In China moet honde en katte met CV’s aansoek doen vir werk by dierekafees. Mense betaal toegang tot die kafees om interaksie met die diere te hê. Vir die diere is daar kos, maar dit is ook ‘n plek waar diere opgepas word, terwyl hulle eienaars by die werk is.

Dr. Hanneline Smit-Robinson van Birdlife SA vertel vir Martelize Brink van die moets en moenies om voëls en ander voëlkykers in ag te neem.

Wie het al gehoor van neo-ruralism, direk vertaal as neo-landelikheid? In leketaal opgesom kom dit neer op ‘n sogenaamde slim dorpie in ’n landelike gebied, wat al die voordele van ’n stad bied. In ander lande het sulke soort neo-landelike ontwikkelings al jare gelede begin posvat, maar in Suid-Afrika het dit eers later ingeskop danksy die grendelperiodes en mense wat van die huis af begin werk het. Een so ’n slimdorpie is die Crossways Farm Village buite Gqeberha. Mariska Spoormaker het met dr. Chris Mulder, skepper van die dorpie, gepraat.

Heuningsommelier Natasha Lyon praat oor heuning se kleur, aroma en voorkoms.

Crocs stel later vandeesmaand skoene vir honde bekend. Dit sal in twee kleure beskikbaar wees, en vir die eienaars sal daar ook skoene in daardie kleure beskikbaar wees.

Op die eerste dag van die Tjokka-voetslaanuitdaging tussen Kaap St. Francis en Oesterbaai, het Mariska Spoormaker vir tannie Anna raakgeloop. Haar pa het in 1956 ’n gedeelte van sy melkplaas verkoop sodat die kusdorpie, Oesterbaai, ontwikkel kon word.