Royzanne M. Kampher praat oor beligting wat beïndruk as huisontwerpneigings in 2022.

Prof. Erik Holm praat oor die rol van vlieë.

Haidee Muller-Isaacs gesels met Hendriena Pieterse, 'n oudioloog van Johannesburg, oor die tekens van gehoorverlies by kinders en volwassenes, en wanneer jy wel vir 'n gehoortoets moet gaan. Wanneer moet jy werklik bekommerd wees? Op watter ouderdom kan jy 'n kind se ore toets, en wat van jongmense en oorfone?

Nic Barrow vertel vir Martelize Brink van sy betrokkenheid by klassieke musiek oor die jare.

Dink net… vir 365 dae ry jy elke dag 100 km plus op jou fiets. Dit word deur die Strava-toep op jou foon gemeet, dus is daar geen gekroekery nie. Dit klink ongelooflik, maar nie vir Johan Oosthuizen van Kariega nie. Trouens, dit lyk nou asof hy ‘n wêreldrekord opgestel het. Mariska Spoormaker het Johan by die Baaise strandfront aangetref, en hom gevra om haar meer van sy fietsry te vertel.

Dr. Wim de Beer praat oor tandekners en hoe dit meer gereeld voorkom sedert die pandemie ons getref het.

Hierdie is die storie van ‘n hardwerkende matriekseun, ‘n joernalis, en ‘n weldoener in Amerika. Dylon Baartman, verlede jaar se hoofseun van die Hillside Technical High School in die Baai, staan in die hoofrol. Skaars het ‘n berig oor hom in die koerant en aanlynweergawe daarvan verskyn, of ‘n expat in Amerika besluit om betrokke te raak. Roslyn Klaasen, ‘n vryskutjoernalis wat die storie oor Dylon gedoen het, gee meer agtergrond aan Mariska Spoormaker.

Dr. Martie de Wet vertel vir Martelize Brink van die rol wat DNS-analise in voeding speel.

Jacqui January gesles met die laaste van die Kaapse Impressioniste, wie se gesogte meestertukke pryk in museums en korporatiewe- en privaatversamelings, hier en internasionaal. Die Namakwalander, Conrad Theys, het sy verfkwasse nou “gedeeltelik” neergelê.

Mardré Meyer praat oor groter bewegings wat ons leefstylneigings bepaal.