Elzaan Smith vertel vir Sue Pyler hoe sy haar linnefabriek in 'n gesigmaskerfabriek omskep het.

As daar nou een gemeenskapsprojek is wat nie deur die Covid19-inperking gesneuwel sal word nie, dan is dit Uitenhage se Mulla-projek waar nagenoeg 290 weerlose kinders herwinbare rommel kan ruil vir onder meer kos en klere. Quinette Goosen, afgetrede onderwyser en voorsitter van die projek, het aan Mariska Spoormaker gesê hulle is nou baie bekommerd oor die kinders.

Ná twee jaar waarin Die Kwik Styg op klimaatsverandering gefokus het, is dit tyd om te groet. Lizma van Zyl gesels in die laaste program met dr. Ilse Trautmann van die Wes-Kaapse Department van Landbou, wie se breinkind die reeks was. Hulle bespreek die uitdagings wat deur die uiteenlopende groep kundiges oor die afgelope twee jaar uitgelig is, asook die pad vorentoe.

Michelle Holtzhausen vertel vir Sue Pyler van die waarde van kreatiwiteit, en die Creative Hobbies Hub wat daagliks 'n gratis aanlyn kunsvlytwerkswinkel aanbied.

Dr. Jan Botha praat met Martelize Brink oor die uitdaging om midde in die Coronaviruskrisis hoop te skep. Hulle kyk na drie fokusareas - leer, afleer en spesiaal herleer.

Hierdie storie gaan nou oor 'n vrou van Despatch wat verlede jaar begin het om feitlik haar hele tuin in 'n groentetuin te omskep. Haar naam is Maro Swanepoel, en haar grootste beweegrede vir die reuse groentetuin was om deur 'n persoonlike krisis te werk. En net toe Maro 'n groot oes van haar dorpserf gehaal het, is die Covid-19 staat van inperking aangekondig. Mariska Spoormaker wou by haar weet hoe sy nou oor alles voel.

Maritza Muller vertel vir Sue Pyler hoe mense met demensie, en die mense wat na hulle omsien, die Covid-19 aanslag behoort te hanteer.

Maryke Musson van die Twee Oseane Akwarium bring ons op hoogte oor ons verkenner, Yoshi die seeskilpad.

Dieetkundige Irene Labuschagne gesels met Martelize Brink oor die rol van vitamiene C en D in immuniteit.

Arbeidsterapeut Cecile Niewoudt vertel vir Sue Pyler van die belangrikheid van stimulasie vir klein kindertjies weg van die kleuterskool.