Ter viering van Wêreld Moedertaaldag gesels Haidee Muller met Niel le Roux, die hoof van die Stigting van Bemagtiging Deur Afrikaans, oor sy nuwe boekprojek wat in verskeie tale gepubliseer is
'n Sogenaamde “groen boek” verskaf waardevolle inligting en praktiese wenke aan van Suid-Afrika se mees kwesbare menslike nedersettings in die stryd teen klimaatsverandering. Lizma van Zyl gesels met projekbestuurder Willemien van Niekerk oor die innoverende en uiters belangrike projek deur die Wetenskaplike en Nywerheidsnavorsingsraad en vennote, waarby sowat 18 miljoen mense reeds baat.
Mariska Spoormaker gesels met 'n man in Port Elizabeth wat jare gelede toevallig in die toekomstige werkmodel , 'n kantoor sonder grense, beland het. Sy hoor hoe dit gebeur het, en hoe dit in sy daaglikse lewe uitspeel.
Opvoedkundige sielkundige Jacques Viljoen vertel vir Johan Rademan van die belangrikheid om sagte vaardighede te ontwikkel om jou werk teen die toekoms te beskerm.
Carin de Beer, 'n beligtingskonsultant van New York, vertel hoe sirkadiese beligting in 'n nuwe kantoorgebou gebruik word om mense se natuurlike ritmes te volg.
Frankford en Cindy Williams is die eerste siggestremde paartjie wat onlangs tydens die massatroue op Robbeneiland getrou het. Frankford is sedert die die ouderdom van agt heeltemal blind, en Cindy beskik net oor 2% sig. Die paartjie is reeds 13 jaar saam nadat hulle by die Athlone Skool vir Blindes ontmoet het. Haidee Muller het tydens die paartjie se wittebrood by hulle gastehuis gaan inloer om meer van hulle liefdesverhaal te hoor.
Wêreld Biddag vir Vroue word elke jaar al langer as 130 jaar gehou. Vroue in Afrika beplan, werk en bid saam om 'n tema wat deur een van die lande se vroue geskep word. Jacqui January gesels met Rinel Hugo van die Suid-Afrikaanse komitee oor die dag.
8 min
About Driesestig
From the publisher's feed
Jou blik op die wêreld om jou - ons praat met mense wat ‘n impak maak, hou jou op hoogte van sake, hoor jou menings en loer in by mense met interessante verhale.