Talan er um eina heilt serstaka náttaruppliving í vøkru náttúruni á Heygsvatni í Hvalba leygarkvøldið 3. juli kl. 22.50 saman við føroyskum lista- og mentafólkum.

Byrjað verður á sandinum í Hvalba, har Guðrun & Guðrun fara at vísa teirra nýggjastu kollektión til tónarnar hjá Brynjálvi á Heygum.

Síðani fylgjast øll eftir Mýruvegnum vestur á Heygsvatn, har borðreitt verður við tónleiki á einum flótandi flaka.

Fólk í árabátum samlast runt um tónleikapallin, ið flýtur á vatninum, meðan horntónleikur, stjórnaður av Tróndi Enni, blandast við náttúrunar kvøldarljóð.