تعب الراحة العاطفية مو واضح دائمًا… بس تحسّينه لما تطلعين من عند ناس وإنتِ مستنزفة أكثر من قبل ما تقابلينهم، أو لما تحسين إنك دايم “تعدّلين” مشاعرك عشان تناسب اللي حولك.

في هالحلقة نكمل سلسلة أنواع الراحة السبع، ونتكلم عن الراحة العاطفية (Emotional Rest).

هذا النوع من التعب يصير لما نكبت مشاعرنا، أو نحس إن ما لنا مساحة نعبر، أو نكون دايم نحمل مشاعر غيرنا أكثر من مشاعرنا. ومع الوقت، هالشي ما يختفي… ينخزن، ويطلع على شكل توتر، غضب مفاجئ، أو إرهاق عاطفي بدون سبب واضح.

الراحة العاطفية تعني إنك تقدر تكون صادق مع مشاعرك بدون خوف، بدون تمثيل، وبدون ما تحس إنك لازم تكون “اللطيف دائمًا”.

في هالحلقة نفتح موضوع:
 كيف نرجع نعطي نفسنا مساحة نحس… بدل ما نكتم ونكمل؟

تابعونا على: http://www.linktr.ee/arawithmthayel