‘മനുഷ്യനും മതങ്ങളും ദൈവങ്ങളും കൂടി മണ്ണും മനസ്സും പങ്കുവെക്കുന്ന' കാലത്ത് വയലാറിന്റെ പ്രസക്തി ഏറിവരികയാണ്. ‘സത്യധർമങ്ങൾ മുറിവേറ്റുവീഴുന്ന യുദ്ധപ്പറമ്പിലെ ശരശയ്യയിൽ വിശ്വപ്രകൃതിയെ കീഴടക്കാനുള്ള വിപ്ലവം' തുടരാൻ ഇന്നാരുണ്ട് എന്ന ചോദ്യമുയരുകയാണ്. മനുഷ്യസ്നേഹം തന്നെയാണ് ദൈവസ്നേഹം എന്ന തിരിച്ചറിവ് നശിച്ചുകൊണ്ടിരിക്കുമ്പോൾ നിശ്ചയമായും വയലാർ വീണ്ടും ഓർക്കപ്പെടേണ്ടതുണ്ട്.