Separades a basura na vosa casa?

Hoxe é15M. FridaysforFuture. Folga dos estudiantes contra o cambio climático.

Imos falar de plásticos nos nosos ríos e mares e de reutilizar os envases con Javier Zamuz na súa tenda en Vigo de deterxentes ecolóxicos a granel.

Na música, a violinista Begoña Riobó, que vai estar xunto co zanfonista Anxo Pintos este domingo en Valladares.

Pensástedes como queredes morrer? Igual non. Pero seguro que tedes claro esta outra cuestión: INCINERADO vs. ENTERRADO

Pero antes de morrer, hai que vivir a morte. E de vivir unha boa morte imos conversar con Lucía González, da Fundación Eomaia.

Tamén recomendamos algunhas pelis para entendela.

Ademáis, esta semana hai cine xaponés no Multicines Norte. Cóntanolo Suevia Sobral do Departamento de Xaponés da Escola de Idiomas de Vigo.

Imos de ruta antropolóxica pola Galicia dos anos 20 coas imaxes de Ruth Matilda Anderson, que fixo un retrato das mulleres galegas do rural.

Un deses retratos é o dunha muller con orixes en Camos. E en Nigrán andan á pista. Falamos coa responsable de comunicación do concello de Nigrán, María Villar.

Hoxe tamén estamos folkies. A parte musical ven con Atlantic Folk Trío dende Valladolid e Cans de Palleiro, dende Bembrive.

"Teatro, lo tuyo es puro teatro...". Estreamos sección sobre as artes escénicas con Fabián Bastos. Imos darlle unha voltiña á axenda teatral de marzo por Vigo e arredores.

Aproveitamos para saber se sodes asiduos ó teatro. A maioría da xente non pisa mais dunha vez ó ano un auditorio.

E doutro teatro tamén falamos. O que montaron os de Son Da Rúa no seu último videoclip "A voz da resistencia", onde representan un xuízo polas letras das súas cancións. Podería ser o xuízo do rapeiro Valtonyc ou o de Pablo Hasél.

Comezamos a semana cunha escolma de frases recollidas das pancartas nas manifestacións do 8M, Día da muller.

Viaxamos ata as portas do Sahara co BNomad, I Festival de Permacultura Nómada no Sahara, que se vai celebrar do 27 ó 31 de marzo. É unha actividade mais dentro dun proxecto que arrincou hai 5 anos coa creación dun bosque comestible, por parte dos galegos Ecolectivo, no complexo dunar fronteira con Arxelia para asentar á poboación nómada.

Co entroido xa rematado, pregúntamosvos canto amades disfrazarvos. A próxima cita é a Reconquista.

Folga das mulleres nos ámbitos educativo, laboral, de coidados e de consumo.

Conversamos con:

- Anaír Rodríguez, sobre Pioneiras II. Un libro sobre mulleres galegas que abriron camiño nos inicios do s. XX.

-unha coidadora nun centro xeriátrico.

E propoñemos 10 películas que invitan á reflexión nesta xornada.

80 anos van xa dende aquela primeira xeración que irrumpiu no Valmiñor e que lle valeu o alcume de “Os Terribles”. O actual quinteto de música tradicional ven presentar o seu novo disco Alcoucer, que é o barrio onde viviron os fundadores, un lugar que representa as raíces do grupo. E temos aquí no estudio os dous "terribles vellos", Manolo e Suso.

A Plataforma Auga de Mos propón para este domingo unha andaina didáctica para areciar todo o valor que aporta o monte á vida. 8km polos terreos onde está proxectada a cidade deportiva e mais o centro comercial do Celta.

Despedimos ó Entroido ata o ano que ven. Ides acompañar o cortexo fúnebre? Ou pensades aquelo de que a chorar, a Cangas. Repasamos os distintos actos fúnebres do Entroido no sur de Pontevedra: enterro da sardiña, da lamprea, do bacallau, do berete...

Descubrimos o temazcal, unha medina ancestral. Unha especie de sauna de vapor que se ven utlizando en mexico dende tempos memoriais. En Sárdoma preparan unha para este sábado organizada polo Ecolectivo.

Tamén temos unha historia de superación, moi local. A de Preciosa, unha veciña de Valladares, que sendo toda a vida costureira, agora adícase a artesanía e vai expoñer este sábado e mailo domingo as súas pezas aquí no Centro Cultural.

Entroido!!! Disfrazádesvos? Tapades a cara coa careta ou pintádela un chisco e andando? Das máscaras falamos hoxe no programa.

Imos ir ata Matamá para falar co colectivo malaherba. Este sábado celebran unha xornada conxunta Freixo-Matamá pola recuperación do monte.

E na parte musical, o mes de marzo en Valladares ríndeselle homenaxe ó gaiteiro Moxenas. Falamos con Tanxedoras, 3 mulleres que veñen presentar o seu último disco, unha homenaxe ó antropólogo Alan Lomax, acompañadas do acordeonista Roberto Comesaña.

Saimos de furanchos!!! Imos ata San Blas a un furancho moi enxebre.

O ENDULZA TU VIDA é un cortello o resto do ano... pero en xaneiro engalánase: concertos case todas as noites, first dates, bo viño e cocido por encarga. Un fervedeiro de xente nova!!!

E como é o San Blas a ollos dun estranxeiro? Falamos cun italiano, asiduo nos últimos 5 anos a esta romería.