Fin de semana da Reconquista de Vigo. O 28 de marzo cadra xoves. Ideal para unha ponte primaveral. Asique facemos un percorrido polos 40 bosques galegos mais bonitos que recolleu o xornalista e montañeiro Anxo Rial no seu novo libro.

E para a Reconquista, imos escoitar á costureira de traxes tradicionais Patricia González sobre como se vestía no 1809 e damos unha voltiña polo ARDÁN curioseando nas empresas da comarca que exportan a Francia.

Axenda cultural, of course.

MEL... puajjj ou mmmm?? Que gustos tan contradictorios. Xente que a adora e xente que lle repugna.

Na Feira do Mel de Porriño levan mais de 30 anos divulgando o a labor das abellas, dos apicultores... e tamén podemos catar os distintos meles que se producen en Galicia. Conversamos con Jose María Seijo, presidente da Asociación Apícola de Galicia.

A Reconquista de Vigo xa chama á porta!!! 25 anos van desta festa argallada por uns mozos para darlle valor ó Casco Vello. Un deles, Fiz Axeitos, segue a estar na coordinación de todo este programa festeiro.

Visitar as Cíes no inverno. Deberíamos deixalas descansar? O turismo masivo obrigou a pechar durante meses outras illas paradisíacas en Tailanda, México e Filipinas. Sobre isto reflexionamos hoxe.

A cornella, cornezuelo, dentón, caruncho, cornello, cornecho... é un fungo que sae no centeo. Ten efectos alucinóxenos e chegou a provocar unha febre económica no rural galego. Falamos coa productora Illa Bufarda que está a preparar un documental sobre todo isto.

Que outras cousas se recollían nos campos ó labrar? Ferros, goma das zapatillas... Diso tamén falamos cun veciño de Valladares.

Nova polémica: os letreiros de "hospital público". Precisamos carteis para as cousas obvias? Arredor diso xira o noso tema do día.

Ademáis, música co grupo de folk vigués Meiró, arte con tecidos co Gabriela Ladrero e un repasiño á axenda cultural da finde.

Clubes. Sodes dalgún? Moitos do da galega, do Xabarín club. Outros tantos dalgún deportivo... os hai moi raros, algúns secretos e outros selectos.

De clubes falamos hoxe. Conversamos co de lectura do Centro Cultural de Valladares. Cantos son? Que andan a ler? Cando se reúnen?

E contamos algunha curiosidade sobre as árbores co motivo do día dos bosques.

Oficialmente entra hoxe a primavera. De toda esta explosión da natureza imos falar ó inicio do programa para continuar conversando co escritor Xabier Paz sobre a súa escrita, os seus gustos literarios...

Imos dedicarlle parte do Esperta ós pais no seu día.

Os cativos do colexio Monte do Alba viñeron no día da radio en febreiro recitar unhas poesías e uns contos. Esa voceciña que de cando os cativos son cativos é o agasallo que vos facemos dende aquí. Graciñas á clase das ras, dos botóns, dos hipos e mais dos tigres.

Na parte musical, dous grupos que van estar este martes no auditorio de valladares dentro da homenaxe ó gaiteiro

Moxenas:

- Comando curuxás dende terras de Melide cuns musicazos

-Gonzalo Caride Banda, dende Vigo… outros grandes con moitas historias arredor dos vellos maestros gaiteiros (Moxenas, Enrique Otero e mais Ricardo Portela).

Separades a basura na vosa casa?

Hoxe é15M. FridaysforFuture. Folga dos estudiantes contra o cambio climático.

Imos falar de plásticos nos nosos ríos e mares e de reutilizar os envases con Javier Zamuz na súa tenda en Vigo de deterxentes ecolóxicos a granel.

Na música, a violinista Begoña Riobó, que vai estar xunto co zanfonista Anxo Pintos este domingo en Valladares.

Pensástedes como queredes morrer? Igual non. Pero seguro que tedes claro esta outra cuestión: INCINERADO vs. ENTERRADO

Pero antes de morrer, hai que vivir a morte. E de vivir unha boa morte imos conversar con Lucía González, da Fundación Eomaia.

Tamén recomendamos algunhas pelis para entendela.

Ademáis, esta semana hai cine xaponés no Multicines Norte. Cóntanolo Suevia Sobral do Departamento de Xaponés da Escola de Idiomas de Vigo.

Imos de ruta antropolóxica pola Galicia dos anos 20 coas imaxes de Ruth Matilda Anderson, que fixo un retrato das mulleres galegas do rural.

Un deses retratos é o dunha muller con orixes en Camos. E en Nigrán andan á pista. Falamos coa responsable de comunicación do concello de Nigrán, María Villar.

Hoxe tamén estamos folkies. A parte musical ven con Atlantic Folk Trío dende Valladolid e Cans de Palleiro, dende Bembrive.