“I feel good…” que música escoitades para sentivos mellor? De música, do seu valor terapéutico falamos con Afundación e o seu proxecto “Música a flor de pel”, que se está a desenvolver nos Centros de Educación Especial da contorna. Fundación Igual Arte foi un dos que acolleu o proxecto. Marcos Estévez, o seu director, cóntanos que tal foi.

Pero non só de música se alimenta a nosa alma, tamén de libros. Hai toda una sección adicada á biblioterapia na Biblioteca Pública de Vigo Juan Compañel.

https://rbgalicia.xunta.gal/sites/default/files/documents/aviso/guia_libros_recomendados_gal.pdf

Na volta polo patrimonio dos martes, imos ata Allariz coñecer Santa Mariña de Augas Santas.

Agora xa non se ven moitos burros pero vós, recordades telos na casa? Dende Allariz, Asociación ANDREA traballa na súa conservación. Tamén terapia cos enfermos de Alzheimer.

E se levantamos a vista cara ao ceo, o investigador galego Pablo Lemos cóntanos en que está a traballar dende a Universidade de Sussex e falamos da situación do observatorio de Forcarei coa Fundacion Ceo Ciencia e Cultura.

O Xapón está na outra punta do mundo, ou non? Das conexións que se dan entre Galicia e o país do Sol Naciente, dende o mundo cultural ao empresarial, conversamos con:

Suevia Sobral, profesora no Departamento de Xaponés - EOIVigo, co Obradoiro de Gaitas Gil en Pontareas e coa empresa Wadakyu Europe, afincada no Porriño.

Noemí García, profesora de lingua galega que puxo en marcha no seu instituto (Leiras Pulpeiro, Lugo) o proxecto Galego para Boomers… Mais que un xeito de traer o galego ao século XXI, definirémolo como un xeito de traer aos boomers ao século XXI.

Malala Ricoy ven coa compañía Cirkompacto ao CVCV para amenizar a Camiñada Guiada Pasiño a Pasiño que se vai celebrar o domingo.

E para rematar o programa, música con Trilitrate e cine, unha peli de suspense, un lugar tranquilo.

É mércores… así que falamos de deportes e centrámonos no mundo do pádel. Un deporte que en Vigo non deixa de crecer. De feito, están a piques de inaugurar un novo centro en Sárdoma, Twelve Pádel. De cales son os seus beneficios para a saúde, do seu boom, de palas e pelotas… aprendemos moito porque conversamos cun adestrador.

Nos últimos tempos os ximnasios cambiaron moito. De como acondicionar as instalacións deportivas cóntanos Luís Piña, socio de Puntodeporte.com.

E outro cambiamento. Cando hai lesións, despois do fisio toca fortalecer. A iso se adica Naza Tilve. Exercicio físico e saúde, especialmente despois de enfermidades coma os cancros de mama ou de próstata.

En 20metros cadrados pode facerse unha hortiña urbana? Cé Rodríguez comezou así en 2013 nun anaco fronte o torreiro de Bembrive. Cando saían os cherries sacaba foto e contaba unha pequena historia. E así foi crecendo ata convertirse en agrotuber. E hai mais: a huertina de Toni, en Asturias, Cosas del jardín dun arxentino...

Sabemos que non se lle dan ben as berenxenas e sí, os tomates e as fabas… E sorpresa, tamén se dan moi ben os jalapeños! Primos hermanos dos pementos de padrón.

De Bembrive ó monte Alba podemos pasar un par de horiñas divertidas con Humor Amarillo. Un sinfín de xogos para rir: a loita dos sumos, os rodillos, paint ball... Andan preparando un escape aventura de 4000m… e unha tirolina! Ademáis, dunha zona para concertos con vistas á cidade.

Noutro alto, en Campo Lameiro, hai plans para todo un día de lecer. 8 estacións para contemplar os petróglifos, un baño nas aguas do río Almofrei... Esta é a proposta dos martes en patrimonio.

Leandro Lamas ten moitas historias que contar, desas que lle serven de inspiración para os seus debuxos. Andivo esta finde pintado “viñetas do camiño” no Camiño Inglés, en Narón e non deu rematado o cadro porque os cativos que por alí andaban non paraban de lle pedir un debuxo. E el facíalles un paxariño. A Leandro gústalle moito a bici e recoméndanos a serra do Forgoselo, que lembra a paixase de Escocia onde tamén hai turbeiras.

A finais de maio do 2020 pasou unha onda de Rossby por Galicia que deixou temperaturas de 34 grados na zona Quiroga. O vigués Iago Pérez explícanos en modo dummies, que son e a súa importancia para a predicción meteorolóxica dende o Uruguay, onde a vida científica o levo agora.

Propoñemos plan para esta semana, un deses que dan puntos no carnet de viguismo, ir de brunch ao Lola & Lía Espacio Gastronómico. Acaban de cumplir 6 meses nun local con moito potencial na estrada dos muíños en San Andrés. Se vos gustan os cócteles, atentos!

Buscando a Wally. Alguén atopou a mini nova sobre a concentración “Eólicas así, non” da finde pasada no Obradoiro nos principais xornais de cabeceira galegos?

De xornalismo e de novas que importan e hai que buscar con lupa conversamos con Reporteros Sin Fronteras. O seu director en España, Alfonso Armada, rescata do esquecemento a sección de cartas ó director. Ten a súa importancia. E tamén recomenda unha lectura “Mi hogar es cualquier parte”. Unha lectura para pensar en quen somos nos xornalistas para falar en nome de… Criticando a actitude paternalista cando falamos dos refuxiados.

De postre música. Tanxugueiras. Sábado actúan aquí, na nosa casa, en Valladares. Pechan a xira "Contrapunto".

2004 entraron as velutinas en Francia e no 2014, en Galicia. Temos problema medioambiental. Non só para os apicultores, que lles comen as abellas. É que estas fan o 80% da polinización. Así que nos cambiaría moito a paisaxe. Suso Asorey da Asociación Galega de Apicultura - "AGA" cóntanos isto e moito mais.

E aquí unha charla que fixeron en marzo en Freixo.

https://www.youtube.com/watch?v=PWx8Phm32XA&feature=youtu.be

O grupo Os Alicornios, estudantes do último ano da ETRAD, estiveron na programación das Letras Galegas do CVC Valladares a finde pasada. E esta continúa a programación coa homenaxe ós primeiros fundadores do Teleclube, hai xa 50 anos.

Como xoves que é, proposta de cine: Honeyland. Unha peli-documental de Macedonia sobre a natureza e o convivir con ela.

Facer deporte por facer deporte. Sabedes que Galicia é unha potencia no voleibol? Con Guillermo Touza, presidente do Club Vigo Voleibol, coñecemos xogadores históricos, que as rapazas senior están na primeira liga galega, os xunvenís andan no campionato de España e descubrimos tamén outros lugares onde se practica Boiro, San Sadurnino e Lugo.

Coma sempre o verán chega de golpe e píllanos coa crema solar no fondo do bolso da praia… e o parasol no brazo.

Está con nós a xente de Ezpeleta Rain. Desta volta, desenvolveron uns parasois que axudan a reducir a contaminación. Nanotecnoloxia con óxido de titanio imitando o proceso natural das follas das plantas. Algo mais? Creado por xente galega en Galicia.

Paseando polo Progreso, descubrimos a Pablo Rosendo, un ilustrador vigués que leva ao cómic as nosas fotos e recordos. Garda un bo recordo de “Sendas de Ons” porque o pintaron alí camiñando pola illa pintando cada rincón e “O can Gastón” ilustra a historia do que era o seu can.