Probador de videoxogos, testador de colchóns, vixilante dunha illa deserta, garda dunha villa de luxo na que non vive niguén… hai traballos que non o parecen… e os vosos? Seguro que sodes máis como as abellas que non parades. Elas fan un mel delicioso, e que ten Indicación Xeográfica Protexida Mel De Galicia. E agora tamén cosmética: Belacosmética.

Ademáis, o grupo vigués BATEA estrea disco: "Tampoco somos los Rolling" un formato moi peculiar.

E de traballadores incansable seguimos falando co luthier Luis Martins, que trouxo da pedra á realidade os instrumentos da portada de San Martiño de Noia. Escoitádelos no "O uniforme movemento divino".

A identidade cultural das Letras Galegas.

Este ano todos descubrimos a Xela Arias, aínda que, non somos quen de nomear a outras mulleres homenaxeadas polas Letras Galegas. Sobre as causas da súa ausencia imos falar con Maria Xose Porteiro, coordinadora do Centro de Documentación en Igualdade e Feminismos do Consello da Cultura Galega.

A banda da Loba deulle o seu toque musical aos poemas de Xela… seguro que nos sorprenden.

Ademais, traémosvos unha nova versión do tradicional xogo da oca, desta volta inspirado na actualidade e deseñado por Jorge Alonso. http://www.jorgealonsodibujos.com/juegos-de-mesa.html

Hai tesouros que se esconden en caixiñas humildes. Damos voz a Rogelio Santos Queiruga, un pescador de Porto do Son que dende as redes sociais levou os nosos mares e os nosos peixes por todo o mundo.

Ademáis, falamos con Sheila García do obradoiro que vai impartir, dentro da programación do CVC Valladares polas Letras Galegas, titulado “De Hexeria a Xela Arias”.

E sobre os gustos musicais dos vigueses preguntamos en Discos Elepé. Que música mercamos en galego?

Sin Chan sempre dixo “cuíño, cuíño”, que en castelán non soa igual de ben. Ademais, nos últimos anos o sector audiovisual volveu poñer en valor os acentos e series como Fariña ou Néboa non so estaban ambientadas en Galicia, senón que falaban coma nós… Disto conversamos coa actriz Sabela Arán.

Neste repaso tamén nos achegamos ao cine coa peli sobre Eurovisión e, porque non á ópera. María Soliña de Nacho Mañá. E xa que o domingo hai asamblea do CVCV darémoslle voz a súa presidenta, Ana Pérez.

Cal foi o último libro en galego que líchedes? A novela negra viguesa xa é un xénero de seu. Na biblioteca Juan Compañel crearon un catálogo a petición dos lectores e, por iso, dende A Movida lanzaron un proxecto para que 10 deses escritores fagan un relato conxunto. De que irá?

Rosalía de Castro é unha estrela. Sabíades que podemos ler tamén parte da nosa historia no ceo? Hai outras 88 constelacións co seu novo nome en galego.

Na parte deportiva, conversamos con Jacobo Ucha, Boko, un dos novos directores deportivos da Federación Galega de Ciclismo.

A bendita retranca galega que temos que explicar cando pasamos da Canda e o Padornelo… tocouvos algunha vez facelo? Entenden as vosas camisetas favoritas? As do Reizentolo con mais tirón seguen a ser as dos "pementos" e, a rebufo, vaille a de "toxiño".

Un pouco máis formais, pero sen perder o sorriso, falamos coa asociación Anedia Galicia (nenos con diabetes) e da súa labor de acompañamento ás familias e divulgativa nos coles.

Tamén, das propostas de moda de Juanmariabylolola e o seu proxecto integrador.

Despexaremos a mente achegándonos ata O Incio coñecer a iglesia San Pedro Fiz de Hospital e a ruta do mamut.

No Centro Cultural, co gallo das Letras Galegas, hai unha chea de actividades programadas durante todo o mes de maio. Esta finde temos a actuación de Zeltia, representación do Teatro Escoitade e poemas de Xela Arias nas voces de poetas locais.

Confesade, se falamos de bandas sonoras... lembrades algunha? Os grandes clásicos pode, pero de cine máis actual, cal vos gusta?

No Esperta falamos de musicar cine clásico, recomendamos "Guardianes de la noche: tren infinito". Tamén de novos traballos, como o último disco de Dioivo, e dos proxectos musicais do clarinetista Tonio Comesaña, veciño de Freixo.

Botamos unha partida? A que? Sodes mais de billar ou de futbolín? Ou de xogar aos dardos? Mentres nos decidimos aproveitamos para falar do CD Valladares, que nos contan como está a ser esta atípica tempada.

Con IXO Ingeniería descubrimos a fibra de carbono e das súas aplicacións tamén no mundo do ocio.

E, se non vos mareades, subimos coa xornalista Laura Juárez, do Instituto Español de Oceanografía - IEO, ao Vizconde de Eza.

A Idade Media, época complexa. Pero seguro que mais limpa do que todos pensabamos. Sabedes que Isabel A Católica utilizaba auga de murta como desodorante? Diso falamos hoxe. Aproveitamos para dar unha volta pola música medieval da man de Xoán Curiel.

E tamén imos de roteiro con Alfonso X, o rei Sabio, con quen chegaremos ata Soutomaior... http://roteiros.culturagalega.gal/roteiros