Estamos de volta!!!!!! E de estrea, "nouvelle cuisine", ou antiga, segundo se mire. Aprobaron a utilización de vermes como alimento... así que: que foi o máis raro que comíchedes? O verme da fariña, Tenebrio Molitor, vaise producir en Pontareas por Galinset. Seica ten moita proteína!

Ademáis, como estamos no mes de maio, imos ata Redondela coñecer a expo sobre os maios que atopamos polo paseo da Xunqueira. Hai fotos dos anos 50.

Unha historia de vida extraordinaria. Juan Dual practica escalada, running e bicicleta. O que fai especial a vida deste deportista e que vive sen colon, sen recto, sen estómago nen vesícula. Fascinante.

Dende Comuna Nutritiva, Rebe, fai apuntes na parte nutricional.

Con Estivel Martínez conversamos sobre as carreiras de montaña en Galicia e de como prepararse físicamente para elas.

Arrancar o día. Para moitos comeza coa rutina de ler a prensa. Coa choiva dagora mesmo, agradable non é ir pasando as follas do faro nas terrazas molladas. Ademáis, o café enfría axiña. Entón, propoñémosvos a esta xente que elabora newsletters: Letras Corsarias e Kloshletter. Unha sobre libros e outra sobre as novas dos xornais.

Dende unha prespectiva pausada, reflexiva e teórica conversamos sobre o plan de urbanismo e o movemento okupa.

Miguel Martínez, profesor de socioloxía, desenvolveu a súa investigación en moitas universidades. Dende Vigo ata Hong Kong, agora na de Upsala en Suecia. Na súa labor en Vigo estivo moi involucrado na participación cidadá e no desenvolvemento do PXOM de inicios do 2000.

Con el falamos do PXOM dende unha perpectiva mais teórica para entender en que consiste e porque é necesario.

Tamén, da falsa alarma en relación á okupación que se xerou no verán e chega ata os nosos días. Miguel Martínez está moi interesado nos movementos sociais e a súa investigación céntrase actualmente nisto.

Canto coñeces a túa parroquia? Vives nela? Vívela?

O proxecto DoBarrio está percorrendo as parroquias de Vigo para chequear como está o movemento veciñal. https://www.youtube.com/watch?v=QeqcozN-7PA

E isto por que? Por outras iniciativas que impactan e chaman a revisar o propio.

Gracias ó movemento veciñal o barrio de Santa Lucía, na segunda cidade de República Dominicana, foi mellorando a calidade de vida. Xurdiu de xeito informal ó redor dun vertedoiro. Hoxe teñen auga, luz, comezouse coa construcción de beirarrúas, algún pabillón deportivo... E parello á construcción das "cousas", tamén se foron construindo as persoas. Ó vivir anos e anos nun vertedoiro, ese concepto de ser persoa, nin se contemplaba.

edusantalucia.org

Inda que no poidamos viaxar, imos dar unha volta coa imaxinación ata San Esteban de Ribas de Sil para coñecer os aneis dos bispos, a Ribeira Sacra, San Pedro de Rocas…

E sen movernos do KM. 0, facemos a compra dos productos frescos nas plazas de abastos con Kibus.online. Conversamos con Eduardo, o "ideólogo" desta iniciativa, e con Fernando, o "personal shopper" no mercado Calvario.

Un chisco de deporte, que estamos moi anquilosados co teletraballo e mais cos repetidos confinamentos.

Os fisios andan desbordados nestes tempos descontracturándonos das malas posturas. Natalia, fisio en Equilibrarte, recomenda sempre a educación postural e a conciencia corporal como prevención de lesións.

O adestador persoal, figura habitual noutros lugares do mundo (en EEUU o 80% da xente tivo algún na súa vida), axuda asentar ben as bases dunha práctica deportiva. Conversamos con David Gómez Oterino sobre estes catro pilares: a actividade do corpo, a nutrición, o descanso e a mente positiva.

E para rematar, unha historia deportiva. A da pontevedresa Lydia Pérez. Ós 9 anos unha exhibición de loita libre no seu cole xeroulle a inquietude por este deporte. Hoxe prepárase para as Olimpiadas.

O lobo na nosa cultura.

Do seu culto recollido en lendas e mais cantares. Do patrimonio dos foxos dos lobos, reflexo da súa influencia na economía durante séculos... de todo isto conversamos con Jose Antonio de la Riera, na serra do Suído.

Nos contos infantís clásicos o lobo mete medo e nos modernos, é divertido. As libreiras de Libros para Soñar teñen un escaparate cheíño de contos infantís co lobo como prota.

E no cine, Wind River. Paisaxes nevados de Wyoming, en Estados Unidos, para relatar silencio e a violencia nunha comunidade.

Asistimos a homenaxe pola morte de Mustafá, unha persoa que morreu na rúa durante a ola de frío. Ademáis, hoxe queremos tratar as carencias do modelo asistencial, o problema do racismo en Galicia.

Conversamos con Esther Lora de Sos Racismo Galicia e Antón Bouzas de Os Ninguéns.

Para no quedar enterridos co frío, que tal se botamos uns bailes? Claqué e swing, a linguaxe de comunicación dos negros en América. Sen sair da cidade (moito xa non nos deixan) podemos probar estes días a dar uns pasiños cos mestres de Swing On Vigo e Mayeuswing.