Repaso anual das novas mais inverosímiles. Dende política, deportes ata ciencia. Dende as acrobáticas historias do rei emérito ata a inxeñería inventicia do narcotráfico e o furtivismo. Todas dan para un bo guión de cine.

Clásica tertulia de noiteboa, un chisco á galega.

-Papatorias e trucos para sobrelevalas (sair a camiñar para abrir apetito).

-Panxoliñas moi divertidas e actuais con Mamá Cabra.

-O Apalpador e as historias sobre a natureza contadas por Anxo Moure.

-Con contos radiofónicos de nadal na SER (El amor en los tiempos del cólera) e en Carne cruda (Poema universal).

- E outro conto de nadal, versión cinematográfica " Tokio Godfathers", sobre a familia e deixarse axudar.

Despois da aprobación da reforma do Plan Especial da Reforma do Casco Vello, que aproba o uso público dotacional da Panificadora, buscamos insipiración sobre o usos que se lle poidan dar a estas instalacións na cidade. Conversamos con Diego Garulo do proxecto Harinera ZGZ, que nos fala do seu modelo de cogobernanza participativo. Tamén intercambiamos impresións con Uxío Reinoso de Vigo Industrial para coñecer a historia e posibilidades de acción en Vigo.

E con moita retranca escoitamos unhas coplas sobre a Panificadora. A regueifa está de festa. Esta fin de semana en Valladares celébrase o certame internacional. Xa van mais de 20 edicións.

E non nos tocou o Gordo. Quedamos sen o pincho de bogavante que tiñamos reservado.

Dende Canido ata Teis hai un mundo arredor da pesca. As guías de Vigo Pesqueiro nolo contan moi ben!

No Museo Liste expoñen algúns dos beléns que fan en México, Polonia e noutras partes do mundo.

As pedras do mosteiro de Celanova, onde se rodou o último éxito de Netflix, "El desorden que dejas", teñen moita historia que contar.

Neste día de solsticio, baixa o apalpador das montañas. Vimos navideños! Moita panxoliña e un chisco de pensamento crítico. Este Nadal consume menos, crea máis. Con Greenpeace Galicia conversamos de #REinventa_Vigo, reinventar as cidades e que sexan amables para a xente.

Con esta choiva de hoxe ímonos perder o evento do ano no ceo: o “biquiño” de Xúpiter e Saturno. Un sinal, se vivíramos nos tempos dos astrónomos da Biblia. Hai 2000 anos. Lembrades cousas "raras" vistas no firmamento? Nesta primavera o carrusel de luces dos satélites de Elon Musk, Starlink, colleu por sorpresa a moitos. Escoitamos algunha testemuña.

A raiz da alarma xerada ó redor da ocupación, buscamos a realidade desta problemática. Atopamos que a vivenda é un problema complexo e a activista da PAH, María Álvarez, axúdanos a comprendelo.

Da precariedade laboral da sanidade na área de Vigo falamos con Enfermeiras Eventuais en Loita. Tamén imos ata Verín, saber se a tendencia a eleminar os paritorios en hospitais comarcais segue sobrevoando como hai exactamente un ano. Conversamos coa Plataforma en defensa da sanidade pública da comarca de Monterrey.

No cine vai unha de espías, "El topo", e outras adaptacións de Le Carré á gran pantalla.

Historietas Xacobeas. Na Biblioteca Nacional de España teñen algo moi interesante: “Carteles para un Camino, 100 años de ilustración jacobea”.

José Tono, o comisario da expo, contounos unha chea de cousas curiosas e interesantes. Sabíades que Lorca deseñou un? E Castelao, tamén.

Coa ollada cara o futuro, ilustráronse estes carteis e historietas. Conversamos con algúns dos ilustradores.

https://consejojacobeox21.es/historietas-jacobeas/

Descubrir o xardín e as súas posibilidades. Isto pasoulle a moita xente durante o confinamento. E ó sair, acudiu a vivieros como Adoa. Cantos coidados precisa o césped? Conversamos sobre as plantas e o manto verde.

Moitos lle coñecen os remedios naturais ó sabugueiro, que abonda polos prados galegos. Pero quen prepara delicias gastronómicas con eles? Na zona de Allariz, en Vilar de Santos, Carabuñas crea un universo de cervexas, infusións, marmeladas, incluso, bombóns.

O túnel da Porta do Sol. Escoitamos o parecer da Asociación Vigo Histórico sobre a obra do túnel.

Xa que andamos polo Casco Vello, aproveitamos para coñecer a que anda a asociación de veciños. E falamos con Fiz Axeitos sobre os pisos turísticos, as actividades da asociación e a Panificadora.

E por último, conversamos con Ancoradoiro Cohousing. Unha proposta cooperativa para vivir en comunidade, unha alternativa ós modelos privados e públicos das residencias de maiores.