Пад рэпрэсіі ў сучаснай Беларусі трапляюць не толькі людзі, СМІ, грамадскія арганізацыі, сацыяльныя сеткі і нацыянальная сімволіка, але нават і беларуская мова. Яе выкарыстанне можа стаць доказам нелаяльнасці да беларускага рэжыму. Але ў краіне па-ранейшаму застаюцца людзі, якія насуперак усяму працягваюць змагацца за пашырэнне ўжывання беларускай мовы.

Як за апошні год змянілася стаўленне да беларускай мовы ў грамадстве і сярод чыноўнікаў? Як яны рэагуюць на ініцыятывы па пашырэнні ўжывання матчынай мовы ў розных сферах? І дзе сёння найбольш актуальна прасоўваць беларускую мову? На гэтыя ды іншыя пытанні адказвае аўтарка кнігі “Мова 404” Аліна Нагорная.

30 снежня ў эфіры Еўрарадыё — прадстаўніца па адукацыі і навуцы Офіса Святланы Ціханоўскай, прафесарка Еўрапейскага гуманітарнага ўніверсітэта, доктарка філасофскіх навук Таццяна Шчытцова.

Праз паўтара года пасля падзеяў жніўня 2020-га пытанне нацыянальнай самасвядомасці, нацыянальнай ідэнтычнасці ўспрымаецца і ўсведамляецца зусім інакш, чым раней. Адбылася філасофская, інтэлектуальная мабілізацыя і перазагрузка нацыянальнага парадку дня. З’явілася разуменне таго, што сёння мы мусім размаўляць пра нацыю так, каб падтрымліваць мабілізацыю грамадства, разважаць пра Беларусь, але пры гэтым не трапляць у пастку супрацьпастаўлення этнічнага і грамадзянскага нацыяналізму, перакананая Таццяна Шчытцова.

Пра тое, як нам, разважаючы пра нацыю, не трапіць у пастку этнічнага нацыяналізму, чаму варта гаварыць не пра “этнас”, а пра “этас” і на якой мове мусяць гучаць навагоднія віншаванні кіраўніка Беларусі, мы і разважаем у праграме “Ідэя Х” з Таццянай Шчытцовай.

У 2020-м беларусы з усяго свету сабралі мільёны долараў на дапамогу рэпрэсаваным. Але супрацьстаянне пратэстоўцаў і ўладаў не скончылася ні за паўгода, ні за год. Ці прайшла беларуская салідарнасць праверку часам?

Ці ператварыліся "данаты" з "аднаразовых" у "рэгулярныя"? Ці атрымалася ва ўладаў рэпрэсіямі і наватарскімі законамі спыніць плынь дапамогі? Як справы ў фондаў, створаных, каб каардынаваць гэтую дапамогу? Ці была ідэя пра аднаўленне ініцыятывы ByCOVID падчас чацвёртай хвалі пандэміі?

На гэтыя ды іншыя пытанні Еўрарадыё адказвае заснавальнік фонду дапамогі рэпрэсаваным Андрэй Стрыжак

У 2021 годзе незалежныя беларускія рэжысёры фактычна былі пазбаўленыя магчымасці здымаць на радзіме і фіксаваць тое, што цяпер у ёй адбываецца. Многія творцы з'ехалі ў вымушаную эміграцыю, іншыя застаюцца ў краіне і пішуць сцэнары ў доўгую шуфляду.

Пры гэтым беларускае кіно засвяцілася на буйных міжнародных кінафестывалях, тым самым прыкаваўшы позіркі гледачоў ва ўсім свеце да падзей у нашай краіне.

Яшчэ — нам так і не паказалі "Купалу" і фактычна адабралі кінафестываль "Лістапад": замест еўрапейскага кінафоруму гледачы атрымалі постсавецкі кінафэст.

Пра добрае і кепскае ў беларускім кіно 2021 года гаворым з кінакрытыкам Тарасам Тарналіцкім

211229 - PETARDA - Сыну Бабарыкі пагражае да 20 гадоў зняволення by Euroradio

211229 - ZOOM - “Кансервацыя” Лукашэнкі: адкрыць пасля 2035 года: Павел Усаў пра новую Канстытуцыю by Euroradio

У канцы 2021 года гурт "Зніч" святкуе сваё 25-годдзе. Каманда, якая грае паган-метал, за сваё жыццё сыграла безліч канцэртаў і ўзяла ўдзел у мностве фестываляў.

Ці ўзяўся б лідар гурта Алесь Таболіч за музыку, калі б можна было адматаць час назад? За што б уручыў сваёй камандзе Нацыянальную прэмію і ці не шкадуе пра тое, што "пайшоў у прэзідэнты", а цяпер вымушаны святкаваць юбілей гурта ў эміграцыі? Пра гэта ды іншае гаворым у жывым эфіры Еўрарадыё

На працягу ўсяго 2021 года (на самай справе не толькі) ад Лукашэнкі гучала, што калі беларусы так хочуць перамен, то ім іх дадуць. У выглядзе рэформы Канстытуцыі. Маўляў, новаму прэзідэнту цяперашнюю ўладу пакідаць нельга — занадта шмат паўнамоцтваў. Такім чынам нам нібыта намякалі на “транзіт улады”. Хаця на працягу апошняга года беларусам шмат чаго гаварылі і абяцалі.

Рэфармацыю ці кансервацыю прынясе Беларусі канстытуцыйная рэформа? Ці не час Захаду і дэмсілам распачынаць дыялог з рэжымам? Ці быў вынік ад санкцый, контрсанкцый і міграцыйнага хаосу? На гэтыя ды іншыя пытанні адказвае кіраўнік варшаўскага Цэнтра палітычнага аналізу і прагнозу, доктар палітычных навук, палітычны аналітык Павел Усаў.

211228 - PETARDA - Польшча прыняла з жніўня 2020-га 23 тысячы беларускіх уцекачоў by Euroradio

211228 - ZOOM - Сысці не сыходзячы: каму і што гарантуе новая Канстытуцыя? by Euroradio