Насуперак чаканням, беларускі рэжым не адмовіўся ад ідэі правядзення рэферэндуму па зменах у Канстытуцыю. А ў тым, што правядуць яго гэтаксама, як праводзілі ўсе электаральныя кампаніі апошніх амаль 30 гадоў, сумнявацца не даводзіцца. Хоць апазіцыя і не губляе надзею мабілізаваць беларусаў на кампанію супраціву фальсіфікацыі вынікаў галасавання.

Якім чынам плануецца супрацьдзейнічаць рэферэндуму? Ці пагодзяцца беларусы з прапанаваным дэмсіламі планам? Ці ёсць план на выпадак правалу першага плана? На гэтыя ды іншыя пытанні адказвае ўдзельнік працоўнай групы дэмакратычных сіл па рэферэндуме, каардынатар знешняй камунікацыі Народнага антыкрызіснага ўпраўлення Максім Паршута.

Пад канец 2021 года нечаканы рэзананс атрымалі развагі наконт неабходнасці пачатку перамоў з беларускім рэжымам. Сам рэжым паказвае гатоўнасць да перамоў працягам рэпрэсій, вялікімі прысудамі сваім апанентам і дэманстрацыяй гатоўнасці “выразаць усіх”. На Захадзе найлепшым фарматам перамоў з Лукашэнкам па-ранейшаму лічаць фармат санкцый, а з Масквы ў Мінск накіроўваюць новага амбасадара.

Ці магчымыя сёння перамовы, ці пойдзе на іх Лукашэнка і з кім ён пагодзіцца перамаўляцца? Ці гарантуе гэта спыненне рэпрэсій і вяртанне ў 2019 год? Кім для Беларусі стане новы расійскі амбасадар? Што сказаў Пуцін пра Беларусь і ці дойдзе справа да вайны? На гэтыя ды іншыя пытанні адказвае палітычны аналітык Арцём Шрайбман.

Увосень 2021 года ў Варшаве запрацаваў Ū-Hub. Праект пазіцыянуе сябе як кам'юніці беларускіх стартапаў у Польшчы. Сёння ў "Стартапніцы" заснавальніца Ū-Hub кансультантка па маркетынгу Вераніка Ліндарэнка распавядзе, з чаго складаецца гэты праект і якія праблемы ён вырашае, хто ўдзельнічае ў яго працы і як беларускія стартаперы адаптуюцца ва ўмовах польскага рынку.

Ідэя перамоваў з беларускім рэжымам для ўратавання і вызвалення палітвязняў і спынення рэпрэсій знаходзіць усё больш прыхільнікаў. Маўляў, сёння найперш трэба думаць пра людзей, а потым падумаем пра новыя выбары. І, здавалася б, гэта гучыць вельмі па-хрысціянску: любы мір лепшы за вайну.

Ці азначаюць перамовы з рэжымам, што беларусы пагаджаюцца прабачыць тым, хто іх пераследаваў і катаваў? Ці сапраўды гэта будзе па-хрысціянску і ворагу трэба прабачаць? Ці дапаможа гэта спыніць рэпрэсіі? На гэтыя ды іншыя пытанні адказвае ксёндз Вячаслаў Барок.

211223 - PETARDA - Германія зняла абмежаванні па выдачы гуманітарных віз для беларусаў by Euroradio

211223 - ZOOM - Рэцэсія і фінансавы крызіс: пагрозы для эканомікі на 2022 год by Euroradio

23 снежня ў эфіры Еўрарадыё — кандыдатка філалагічных навук у галіне фалькларыстыкі Алена Ляшкевіч.

У Беларусі вельмі багатая нематэрыяльная спадчына. Гэта і фальклор з паданнямі, і традыцыйныя народныя строі, святы і яшчэ шмат чаго. У тым ліку і гісторыя нашых продкаў. Вось толькі шмат што з пералічанага — забыта, парасло травой у прамым і пераносным сэнсе. І ўсё гэта нам неабходна адкапаць і вярнуць да жыцця, перакананая Алена Ляшкевіч.

Пра тое, навошта нам у светлую будучыню цягнуць народны фальклор і чаму без пашаны да свайго немагчыма рухацца наперад, мы і разважаем у праграме “Ідэя Х” з Аленай Ляшкевіч.

2021 год стаўся для беларускай музыкі складаным: адныя музыкі атрымлівалі турэмныя тэрміны, іншыя працягвалі пакідаць краіну, многія з-за псіхалагічнага стану, выкліканага сітуацыяй у краіне, не маглі пісаць песні і браць у рукі інструмент альбо не маглі граць канцэртаў з-за "чорных спісаў". Але пры гэтым усё ж ствараліся крутыя альбомы, нечаканыя калабарацыі і цікавыя кліпы.

Пра спрэчны 2021-ы ў 12:00 размаўляем з кіраўніком Беларускай рады культуры, стваральнікам Tuzinfm.by Сяргеем Будкіным.

211222 - PETARDA - Анарха-партызанаў асудзілі на тэрміны — ад 18 да 20 гадоў by Euroradio

211222 - ZOOM - Валер Булгакаў. Прызнаць паразу: неабходнасць ці здрада? by Euroradio