210709 - PETARDA WEEKLY - Літва збіраецца будаваць сцяну на мяжы з Беларуссю by Euroradio

210709 - PETARDA - Журналісту і гульцу "Крумкачоў" Аляксандру Івуліну выстаўлена абвінавачванне by Euroradio

210709 - ZOOM - Улады Беларусі працягваюць знішчаць грамадзянскую супольнасць by Euroradio

Улады Беларусі адказваюць на сектаральныя санкцыі татальным праполваннем грамадзянскай супольнасці. Прадстаўнік КДБ Канстанцін Бычак назваў гэты працэс "зачысткай ад радыкальна настроеных асобаў". У тым, што адбываецца, складана не пачуць рэха слоў, сказаных яшчэ ў красавіку Уладзімірам Макеем: "Усякае далейшае ўзмацненне жорсткасці санкцый прывядзе да таго, што грамадзянская супольнасць перастане існаваць".

Які сігнал улады Беларусі пасылаюць на Захад, свядома паглыбляючы крызіс: знішчаючы незалежныя медыя і затрымліваючы актывістаў? Наколькі наогул свядома гэта адбываецца? Адкуль у іх упэўненасць у тым, што яны гатовыя да зацяжнога супрацьстаяння? Чым можа адказаць Еўропа акрамя не вельмі пераканаўчага "мы рыхтуем пяты пакет санкцый"? Абмяркоўваем гэта ў чацвёртым выпуску праграмы "Чалы на канікулах".

Ці будзе праведзены рэферэндум па змене Канстытуцыі, яшчэ дакладна не вядома. Але ў любым выпадку беларускі рэжым прапануе беларусам выбар з дзвюх варыянтаў Канстытуцыі. І абодва — напісаныя пад аднаго канкрэтнага чалавека. Апаненты рэжыму вырашылі даць свой адказ і пачалі распрацоўваць свае варыянты Новай Канстытуцыі. Адзін ужо мае штаб Святланы Ціханоўскай, пра яшчэ адзін загаварылі ў офісе Паўла Латушкі. Нават кампанію распачалі з гучнай назвай “Народная Канстытуцыя”.

Чаму ўзнікла патрэба ў яшчэ адным варыянце Канстытуцыі? У НАУ разлічваюць, што і іх варыянт будзе вынесены на рэферэндум, ухвалены Лукашэнкам? Якое дачыненне да праекта мае спявачка Агурбаш і ці бяспечна браць удзел у кампаніі? На гэтыя ды іншыя пытанні адказвае каардынатарка Народнага антыкрызіснага ўпраўлення і заснавальніца некамерцыйнай арганізацыі “Сумленныя людзі” Алена Жываглод.

Беларускі стартап Cropfleet займаецца апырскваннем раслін з дронаў. Гэта значыць прыносіць новыя тэхналогіі ў вельмі кансерватыўную сферу сельскай гаспадаркі. Дроны, якія лунаюць над полем, — ці гэта не тая будучыня, якую гадоў 50 таму малявалі фантасты ў сваіх раманах?

Cropfleet запатрабаваны, пастаянна знаходзіць новых кліентаў. Стартап выйграў усе конкурсы, у якіх удзельнічаў за апошнія пару месяцаў: Startup Great Challenge, Агра 3.0 і Tibo-2021. Сёння ў "Стартапніцы" мы стрымім з топам Cropfleet Андрэем Шыманскім. Яго досвед не будзе лішнім для вас.

210708 - ZOOM - Беспрэцэдэнтны наезд уладаў на медыі і грамадзянскую супольнасць by Euroradio

210708 - PETARDA - Кантрабандныя беларускія цыгарэты везлі праз Літву пад выглядам шкла by Euroradio

8 ліпеня ў эфіры Еўрарадыё — анестэзіёлаг-рэаніматолаг, былы галоўны доктар 3-й гарадской дзіцячай клінічнай бальніцы Мінска Максім Ачарэтні.

Нацыянальная ідэя калі і патрэбная, то яна мусіць быць як мага менш “ідэалагізаваная”. Калі праз нацыянальную ідэю навязваць нейкую ідэалогію, то можна нарабіць шмат бяды. А людзі хочуць жыць спакойна і заможна, займацца сваёй справай ды гадаваць дзяцей у краіне, якую могуць называць “сваёй”. І таму самае галоўнае для нас усіх — жыць самому і не перашкаджаць жыць іншым, перакананы Максім Ачарэтні.

Пра тое, ці патрэбная нам усё ж нацыянальная ідэя, якая краіна нам патрэбная і колькі ў той краіне мусіць быць “нацыянальнага”, мы і разважаем у праграме “Ідэя Х” з Максімам Ачарэтнім.

210707 - ZOOM - Транзіт і продаж якіх нямецкіх тавараў можа забараніць Беларусь? by Euroradio