1 ліпеня ў эфіры Еўрарадыё — старшыня партыі “Грамада” Сяргей Чэрачэнь.

Беларусы, як і любая іншая нацыя-сям’я, мараць пабудаваць сабе такую дзяржаву-дом, дзе было б утульна жыць, адкуль не хацелася б нікуды пераязджаць і дзе можна спакойна гадаваць дзяцей. Наш народ ідзе да гэтай мары не адно стагоддзе, і сёння мы мусім зрабіць усё, каб мара нашых продкаў нарэшце ажыццявілася, перакананы Сяргей Чэрачэнь.

Пра тое, якой мусіць быць гэта дзяржава-дом беларусаў, мы і разважаем у праграме “Ідэя Х” з Сяргеем Чэрачнем.

На мінулым тыдні беларусам расказалі пра чарговы тэрарыстычны акт, своечасова выкрыты спецслужбамі. Праўда, гэтым разам ахвярай мусіў стаць не Аляксандр Лукашэнка і яго дзеці, а… ордэнаносец Рыгор Азаронак. Праўда, і гэтым разам не абышлося без схованак у Гомельскай вобласці, зброі з Украіны і тэрарыстычных ячэек. Да ўзмацнення эфекту дадалася расійская ваенная база ў Вілейцы, якую нібыта планавалі падарваць.

Што не так з замахам на Азаронка і яго язык? Ці магчыма падарваць базу ў Вілейцы і адкуль у мірнай Беларусі дзясяткі “спячых тэрарыстычных ячэек”? Ці паедзе Лукашэнка ў Крым? На гэтыя ды іншыя пытанні адказвае ваенны эксперт Ягор Лебядок.

210702 - PETARDA WEEKLY - Супраць Анжалікі Агурбаш у Беларусі ўзбудзілі 2 крымінальные справы by Euroradio

210702 - PETARDA - Выпускніца юрфаку Кацярына Віннікава асуджана на 15 сутак арышту by Euroradio

210702 - ZOOM - Ці хопіць у Мінска сіл супрацьстаяць Захаду? Меркаванне эксперта by Euroradio

Апошні тыдзень прайшоў у спробах аналітыкаў падлічыць, колькі Беларусі будуць каштаваць новыя еўрапейскія санкцыі, і спробах уладаў Беларусі даць на іх "сіметрычны адказ". Рэпрэсіі ў дачыненні да грамадзянскай супольнасці працягнуліся. Тым часам расчахліліся заходнія лабісты Лукашэнкі, іх меседж: санкцыі не спрацуюць.

Сам жа Лукашэнка сёння параўнаў сябе і сваіх прыхільнікаў з савецкімі салдатамі Другой сусветнай вайны, а сваіх праціўнікаў — з ракавай пухлінай. І так фактычна "пазычыў" метафару ў тых, хто параўноўвае санкцыі з хіміятэрапіяй.

Што ўсё гэта азначае і ў які бок хіліцца сітуацыя? Расшыфроўваем галоўныя падзеі, заявы і сэнсы тыдня з незалежным аналітыкам Сяргеем Чалым.

У сярэдзіне ліпеня ў Бералусі стартуюць здымкі мастацкага фільма "Лета 1989". Рэжысёрам выступае расійскі пісьменнік беларускага паходжання Уладзімір Казлоў.

Дзеянне стужкі будзе адбывацца ў летам 89-га. Пяцёра сямнаццацігадовых сяброў ідуць паход у Магілёве. Але паход стане не толькі магчымасцю адпачыць, як думаюць спачатку героі, а яшчэ і іспытам на спеласць напярэдадні дарослага жыцця.

Пра асаблівасці стужкі, здымках і ўвогуле пра беларускае кіно ў 2021 годзе гутарым з супрадзюсарам фільма і дырэктарам цэнтра "Бягучая чарапаха" Леанідам Каліценям.

"Свядома без смецця" — модны экалагічны лозунг. Але сказаць прасцей, чым зрабіць. Шмат хто марыць жыць без смецця, але няшмат хто нешта для гэтага робіць. А ператварыць zero waste у стартап — гэта ўжо задача наступнага парадку.

Пра гэта паразмаўляем з Марыяй Яроцкай, якая набралася смеласці і адкрыла "Банку" — першую "краму без смецця" ў Адэсе. Шкляная банка, якая дала назву праекту — гэта якраз такая тара, якую можна выкарыстоўваць шмат разоў. У zero waste краму прыходзяць з торбачкамі і скрыначкамі, плацяць толькі за прадукт, пасля ўжывання якога не назапашваюцц адкіды.

Міжнародны тыдзень беларускай культуры пройдзе з 5 да 11 ліпеня. Ініцыятарам правядзення шэрагу імпрэзаў па ўсім свеце як ў анлайн-, так і ў афлайн-фармаце выступае Беларуская рада культуры.

Чаму Дзень беларускай культуры вырашылі ператварыць у Тыдзень культуры і зрабіць святкаванне міжнародным? У якім фармаце і як шырока будзе праходзіць святкаванне? На гэтыя ды іншыя пытанні адказвае кіраўнік Беларускай рады культуры Сяргей Будкін.

210701 - PETARDA - Да маці Паўла Севярынца прыйшлі з ператрусам by Euroradio