Выбарчая кампанія сёлета багатая на сюрпрызы. Так, мітынгі Святланы Ціханоўскай і альтэрнатыўнага штаба па ўсёй краіне збіраюць тысячы людзей. Сілавікі затрымліваюць “баевікоў” прыватнай ваеннай кампаніі “Вагнера”, якія нібыта прыехалі ў Беларусь, каб “дэстабілізаваць сітуацыю падчас выбараў”. Па ўсёй краіне адбываюцца затрыманні актывістаў. Спіс можна працягваць.

Ці можна, гледзячы на мітынгі Ціханоўскай, казаць, што беларускае грамадства прачнулася, і разважаць пра магчымасць яе электаральнай перамогі? Гісторыя з “вагнераўцамі” — прыкмета “канчатковага разрыву з Масквой” ці паліттэхналогіі?

На гэтыя ды іншыя пытанні ў жывым эфіры Еўрарадыё адказвае паліттэхнолаг Аляксандр Фядута.

Месяц таму беларускія працаўнікі сферы культуры абвясцілі #культпратэст. Яны запісалі смелы відэазварот з патрабаваннем вызваліць беларускіх палітвязняў.

"Мы пратэстуем супраць таго, што на вуліцах нашых гарадоў невядомыя выкрадаюць і збіваюць нашых суграмадзян, а органы, закліканыя нас абараняць, пры гэтым бяздзейнічаюць або нават садзейнічаюць гэтаму, — дэкларавалі стваральнікі ініцыятывы. — Мы пратэстуем супраць арыштаў кандыдатаў у прэзідэнты па смехатворных прычынах. Наш #культпратэст супраць татальнага беззаконня, калі да арыштаваных не пускаюць нават адвакатаў і прымяняюць катаванні.

Сярод нас — таленавітыя, смелыя і моцныя жанчыны, і мы пратэстуем супраць таго, што яны — "небаракі", няздольныя кіраваць дзяржавай. Наш #культпратэст супраць абсалютнай непавагі да сваіх грамадзян і супраць пагроз расстрэлам; супраць арыштаў аднарукіх за апладысменты, а нямых — за выкрыкванне лозунгаў".

Чым працягнуўся і чым скончыўся гэты #культпратэст. На сувязі з Еўрарадыё яго ўдзельніцы Наста Шпакоўская і Паліна Дабравольская.

200731 - PETARDA WEEKLY - Лукашэнка расказаў спецназаўцам, што бачыў, як АМАП білі нагамі by Euroradio

200731 - PETARDA - МЗС Украіны: Беларусь перадала даныя пра расійскіх наймітаў by Euroradio

200731 - ZOOM - На мітынг Святланы Ціханоўскай у Мінску прыйшло 63 тысячы чалавек by Euroradio

Гісторыя музыкі гуртоў TonqiXod і Subtonans Максіма Субача не незвычайная для цяперашняй Беларусі: Максім прапаў, потым знайшоўся ў РУУС, затым патрапіў у ізалятар на Акрэсціна. А ўсё таму, што маляваў палітычнае графіці на асфальце ля прыпынку грамадскага транспарта. А яшчэ праваахоўнікі апублікавалі з Максімам відэа. Дыялог там такі:

— Я добрапрыстойны грамадзянін.

— А навошта пісалі, калі вы добрапрыстойны грамадзянін, прабачце...

— А хіба тут ёсць супярэчнасць? Хацеў выразіць сваю думку.

— У палову трэцяй на асфальце?

— Ну, па-іншаму не атрымліваецца.

Пасля "дзесяці згубленых сутак" Максіма адпусцілі. Як быць "палітычным" на Акрэсціна і не ведаць, што адбываецца на волі? У 16:00 у жывым эфіры Еўрарадыё Максім распавядае пра свае прыгоды. Далучайцеся і задавайце пытанні музыку!

Адмена выступленняў, пошукі заробкаў — выжыванне ў літаральным сэнсе гэтага слова. Каранавірус у Беларусі ўдарыў па розных сферах занятасці, але асабліва балюча дасталася работнікам тэатральнага цэха. І калі некаторыя акцёры дзяржаўных тэатраў атрымлівалі зарплаты, наведваючы рэпетыцыі, прыватнікам давялося зацягнуць паясы тужэй.

Як тэатралы перажываюць крызіс COVID-19? Што натхняе заставацца ў прафесіі і не апускаць рукі?

На гэтыя і іншыя пытанні адказваюць удзельнікі эксперыментальнага фрык-тэатра T(e)=Art — галоўны памочнік кіраўніка Марыя Дзяменцьева, кампазітар Максім Валодзін.

Гісторыя з затрыманымі “расійскімі баевікамі з прыватнай ваеннай кампаніі Вагнера” яшчэ не стала нагодай для дыпламатычнага скандалу паміж Беларуссю і Расіяй, але пэўнае напружанне ў адносінах паміж краінамі відавочнае. Пасол Расіі ў Беларусі Дзмітрый Мезенцаў заявіў, што расіян вінавацяць беспадстаўна, а ўся сітуацыя “шкодзіць двухбаковым адносінам”.

Ці зацікаўленыя ўлады Расіі ў “дэстабілізацыі сітуацыі ў Беларусі” і змене ўлады ў нашай краіне? Якая імавернасць таго, што затрыманне расіян —“дэманстрацыя ЕС расійскай пагрозы Беларусі”? Ці сапраўды гэта гісторыя — прыкмета “канчатковага разрыву з Масквой”?

На гэтыя ды іншыя пытанні ў жывым эфіры Еўрарадыё адказвае дацэнт кафедры палітычнай тэорыі Маскоўскага дзяржаўнага інстытута міжнародных адносін кандыдат палітычных навук Кірыл Коктыш.

200730 - PETARDA - Наталля Эйсмант: мы прызнаём, што сёлета вясной рэйтынг кіраўніка дзяржавы ўпаў by Euroradio

200730 - ZOOM - Ці падобныя справы “расійскіх баевікоў” і “Белага легіёна”? by Euroradio