"Ужо сёння можна сказаць — мы перамаглі", — гаворыць Аляксандр Лукашэнка пра каранавірус. Але тады чаму дагэтуль уезд для беларусаў у большасць краін свету закрыты?

Як пандэмія ахапіла сферу турызму? Як перажываюць крызіс работнікі турыстычных кампаній? Куды ўжо можна паехаць, а дзе і чаму нас не чакаюць?

29 ліпеня ў праграме "Вірусны эфект" мы шукаем адказы на гэтыя і іншыя пытанні разам з рэдактарам сайта Рэспубліканскага саюза турыстычных арганізацый Ліліяй Кобзік.

У беларускім грамадстве віруюць спрэчкі пра форму і сутнасць прэзідэнцкай кампаніі. Пры гэтым часцяком усё, што адбываецца вакол, суадносяць з умоўным перыядам "агітацыя — галасаванне — пратэсты". Але час ад часу чутно меркаванне, што ў краіне адбыліся нашмат больш глыбокія працэсы, якія будуць аказваць уплыў на перафарматаванне дзяржавы незалежна ад рэальных і абвешчаных ЦВК вынікаў галасавання.

Што гэта за “глыбокія працэсы” і наколькі яны незваротныя? Ці здолее падзеленае беларускае грамадства нарэшце аб’яднацца? Як улада рэагуе на змены ў грамадстве, ці заўважае іх увогуле?

На гэтыя ды іншыя пытанні ў жывым эфіры Еўрарадыё адказвае аналітык Украінскага інстытута будучыні Ігар Тышкевіч.

200728 - PETARDA - У Мінску затрымалі чаргу, якая стаяла ў КДБ з паручальніцтвамі за Бабарыку by Euroradio

200728 - ZOOM - Лукашэнка наведаў спецназ, а пазней каля КДБ затрымлівалі журналістаў by Euroradio

Легітымізацыя анексіі Крыма і вайны на ўсходзе Украіны ўжо сёмы год з'яўляецца адным з ключавых напрамкаў расійскай прапаганды. Аднак пасля прыняцця паправак у Канстытуцыю РФ і так званага рэферэндуму, які абнуліў тэрміны прэзідэнцтва Уладзіміра Пуціна, афіцыйная рыторыка Крамля стала нашмат больш адкрытай. Напярэдадні плебісцыту Уладзімір Пуцін, у прыватнасці, заявіў пра "падарункі рускага народа" былым савецкім рэспублікам, што фактычна з'яўляецца адкрытай пагрозай наступнымі тэрытарыяльнымі прэтэнзіямі, перакананыя эксперты.

Каму найперш скіраваныя згаданыя меседжы расійскай прапаганды і пры чым тут Беларусь? Навошта Крамлю апрацоўваць “украінскім пытаннем” беларускую аўдыторыю? Як супрацьстаяць расійскай прапагандзе?

На гэтыя ды іншыя пытанні ў жывым эфіры Еўрарадыё адказваюць дырэктар па даследаваннях міжнароднай бяспекі Еўрапейскай экспертнай асацыяцыі эксперт iSANS Марыя Аўдзеева і медыяэксперт і палітычны аналітык Паўлюк Быкоўскі.

Ніколі такога не было — і вось ізноў: моўнае пытанне падзяліла прыхільнікаў перамен. Адныя наракаюць на недастатковасць беларускасці ў аб’яднанага штаба, другі бок абураецца такімі прэтэнзіямі, бо “цяпер для моўных разборак не час”.

Чаму неакрэсленасць пазіцыі па асобных пытаннях галоўнага саперніка на выбарах дзейнага кіраўніка краіны ў адных выклікае абурэнне, а ў іншых — разуменне? Ці не падзеліць грамадства чарговы раз выразнасць пазіцыі па ўсіх пытаннях? Што страціць (альбо выйграе) аб’яднаны штаб, калі яго не падтрымае частка нацыянальна арыентаваных беларусаў?

На гэтыя ды іншыя пытанні ў жывым эфіры Еўрарадыё адказваюць пісьменнік і публіцыст Усевалад Сцебурака і гісторык Аляксандр Пашкевіч.

“Пытаннечкі” са Змітром Лукашуком — гэта шчырая размова з кандыдатамі ў прэзідэнты і ўдзельнікамі выбарчай кампаніі 2020 года. У пятым выпуску праграмы — незалежная кандыдатка Святлана Ціханоўская.

Ці гатовая яна “ісці да канца” і што ў яе разуменні можа быць гэтым самым “канцом”? Што чакае Лукашэнку ў выпадку яе перамогі на выбарах? Ці дапускае магчымасць таго, што і па заканчэнні гэтай выбарчай кампаніі застанецца ў палітыцы? Святлана Ціханоўская да выбараў і Святлана Ціханоўская сёння — чым яны адрозніваюцца? Адказы ў размове з рэдактарам Еўрарадыё Змітром Лукашуком у 19:00.

200727 - PETARDA - 30 гадоў таму ў Беларусі прынялі Дэкларацыю аб суверэнітэце by Euroradio

200727 - ZOOM - Ці гатовае грамадства да перамен і што будзе з Беларуссю? by Euroradio

Шматтысячныя мітынгі ў падтрымку Святланы Ціханоўскай не толькі ў Мінску, але і ў рэгіёнах прымушаюць верыць у тое, што ў беларускім грамадстве сапраўды існуе патрэба ў зменах.

Ці сапраўды ўзровень гэтай патрэбы змен на ўзроўні 97%? Ці здольныя альтэрнатыўныя кандыдаты на гэтых выбарах атрымаць “электаральную перамогу” над Лукашэнкам? На што гатовая пайсці ўлада дзеля самазахавання? На чыім баку сімпатыі масонаў падчас сёлетніх выбараў?

На гэтыя ды іншыя пытанні ў жывым эфіры Еўрарадыё адказвае пісьменнік, журналіст, вялікі майстр Вялікай ложы Беларусі Сяргей Дубавец.