Пандэмія каранавіруса ўдарыла па ўсіх сферах дзейнасці, нават нягледзячы на тое, што каранціну ў Беларусі не было і няма. Самыя вялікія фінансавыя цяжкасці адчуваюць тыя, чый заробак залежыць ад кліентаў і гледачоў.

"Альтэрнатыўная культура загібаецца, усе найбліжэйшыя калегі, як і я сама, засталіся цалкам без заробку", — расказвае кіраўнік тэатральнай кампаніі "МюзікЛэнд" менеджар Тэатра HomoCosmos Вольга Нікалаеўская ў студыі Еўрарадыё.

Разам з ёй і дырэктарам фестывалю "Тэатральны куфар" прадзюсарам незалежнай тэатральнай кампаніі HomoCosmos Кацярынай Саладухай абмяркоўваем, з якімі праблемамі сутыкнуліся ўдзельнікі альтэрнатыўных тэатральных праектаў, і шукаем магчымасці іх вырашэння.

28 траўня госць Еўрарадыё — пісьменнік, сустаршыня аргкамітэта па стварэнні партыі "Беларуская хрысціянская дэмакратыя" Павел Севярынец.

Сёння менавіта царква больш і эфектыўней за ўсіх астатніх беларусізуе народ Беларусі. А дзякуючы такой беларусізацыі мы, выкарыстоўваючы хрысціянскія каштоўнасці, зможам пабудаваць сапраўды незалежную і дэмакратычную краіну, перакананы Павел Севярынец.

Пра тое, як нам, абапіраючыся на царкву, пабудаваць дэмакратычные грамадства і не скаціцца ў царкоўнае цемрашальства, мы і разважаем у чарговым выпуску "Ідэі Х" з Паўлам Севярынцам.

Па назіраннях экспертаў, пандэмія каранавіруса дзіўным чынам паўплывала на расійскую прапаганду — яна стала яшчэ больш актыўнай і агрэсіўнай. Менавіта тое, як краіны змагаюцца з COVID-19, стала адной з галоўных тэм гэтай прапаганды.

Якім чынам сітуацыю з каранавірусам расійская прапаганда выкарыстоўвае на карысць Крамля? На каго гэта прапаганда найперш скіраваная і якія мэты пераследуе? Як ёй супрацьстаяць?

На гэтыя ды іншыя пытанні ў жывым эфіры Еўрарадыё адказвае супрацоўнік аддзела барацьбы з дэзынфармацыяй пры Знешняй службе ЕС Пэр Энеруд.

200527 - PETARDA - Савет ЕС зацвердзіў візавае пагадненне з Беларуссю: шэнгенская віза за 35 еўра by Euroradio

200527 - ZOOM - Сусветны банк вылучае Беларусі 90 млн еўра і папярэджвае пра рэкорднае падзенне ВУП by Euroradio

Лідар ЛДПБ і дэпутат Палаты прадстаўнікоў Алег Гайдукевіч, які неаднаразова заяўляў, што яго ўдзел у прэзідэнцкіх выбарах 2020 года будзе “да перамогі”, нечакана зняўся з дыстанцыі. Больш за тое, заклікаў сваіх прыхільнікаў галасаваць за іншага прэтэндэнта ў кандыдаты — Аляксандра Лукашэнку.

Што папраўдзе прымусіла Алега Гайдукевіча датэрмінова зняцца з выбараў? Ці не стане такое зняцце доказам таго, што ЛДПБ і ён асабіста адпачатку былі не больш чым спарынг-партнёрам дзейнага кіраўніка краіны? Як гэта рашэнне паўплывае на палітычны імідж Алега Гайдукевіча?

На гэтыя ды іншыя пытанні ў жывым эфіры Еўрарадыё адказвае старшыня Ліберальна-дэмакратычнай партыі Беларусі Алег Гайдукевіч.

Днямі dream-band "Агатка" прадставіў новы альбом "Капялюш" на вершы Андрэя Хадановіча. Яго аўтаркі — мама Аляксандра Грахоўская (ўдзельніца BY CRY і "Госціцы") і яе васьмігадовая дачка Агата. Гэты "хатні" праект стварае песні для дзяцей. І цяпер беларускія дзеткі маюць магчымасць паслухаць і вывучыць восем класных сучасных песень. У музычнай рубрыцы "Такога вы не чулі" Аляксандра і Агата прадставяць нажыва некалькі песень з альбома. Далучайцеся!

200526 - PETARDA - У Беларусі падтрымаюць бюджэтнікаў, але не ўсіх by Euroradio

200526 - ZOOM - Выбух каранавіруса на будоўлі Беларускай АЭС by Euroradio

Дырэктар кампаніі Symbal.by Павел Белавус звярнуўся да калег-прадпрымальнікаў з эмацыйным заклікам. Пералічваючы, колькі за гады працы ён заплаціў падаткаў і колькі зрабіў для развіцця краіны, Белавус з сумам канстатуе: ад дзяржавы ён і такія, як ён, не атрымалі нічога, апроч перашкод у працы і знявагі. І падсумоўвае: “Хопіць маўчаць і баяцца — час рабіць учынкі!” Такога ж меркавання ўжо даўно прытрымліваецца і кіраўнік грамадскага аб’яднання “Перспектыва” Анатоль Шумчанка.

Чаму менавіта цяпер прыйшоў той час, калі прадпрымальнікі (дый усе астатнія беларусы) мусяць пачаць “рабіць учынкі”? Што гэта за ўчынкі могуць быць? Якога выніку ад гэтых учынкаў варта чакаць і ці не стане яшчэ горш аўтарам тых “учынкаў”?

На гэтыя ды іншыя пытанні ў жывым эфіры Еўрарадыё адказваюць дырэктар кампаніі Symbal.by Павел Белавус і кіраўнік аб’яднання “Перспектыва” Анатоль Шумчанка.