Ar an gclár seo bhí agallamh speisialta a rinne mé i gConnecticut na Stát Aontaithe le Pól Ferris as Nua-Gheirsí agus muid ag Lá Gaeilge sa Gaelic-American Club CT cúpla seachtain ó shin! Chomh maith leis sin bhí Príomhaoire agus Aire Stáit Joe McHugh TD linn le labhairt faoin maoiniú a thabharfar le tacú le teagasc agus foghlaim na Gaeilge i Meiriceá Thuaidh go luath.

Ar an gclár seo labhair Eithne Dunbarra linn faoi thuras a ghlac sí timpeall ar Thalamh an Éisc Ceanada le déanaí le grúpa Gael, ansin bhí John Prendergast linn le hinsint dúinn faoina scoláireacht Fulbright agus an bhliain a chaithfidh sé in Ollscoil Notre Dame.

Ar an gclár seo bhí Niall Comer, Uachtarán Chonradh na Gaeilge ag labhairt linn faoin oíche chéiliúrtha a bhí ar siúl in Áras Ambasadóir na Stát Aontaithe le déanaí. Chomh maith leis sin cloisfimid ó Jill Mc Mahon as Fiacail Co an Chláir agus í ag labhairt faoin scoláireacht Fulbright a bronnadh uirthi le déanaí le dul chun na Stáit Aontaithe mí Lúnasa.

Ar an gclár seo labhair Emer Nic Labhraí linn faoina seal ar scoláireacht ICUF i Montreal, Ceanada go dtí seo agus faoin mbliain eile atá amach roimpi sall. Chomh maith leis sin chualamar ó Peter Kavanagh urlabhraí Gaeilge le Green Party Ireland maidir le rialacha nua an Choimisiúin Eorpaigh i dtaobh úsáid plaistigh agus seasamh an Chomhaontais ar an ábhar, agus faoi chúrsaí Gaeilge sa Chomhaontas Glas.

Ar an gclár seo labhair Paula Melvin ó Choimisiún Fulbright na hÉireann linn faoi fhógairt scoláirí nua Fulbright agus faoi iarratas do chainteoirí TEDxFulbright t.co/yMzuK2xqbX. Chomh maith leis sin bhí Éamon Ó Neachtain ó Chumann Gaeilge na hAstráile linn ag caint faoina gcomóradh 25 Bliana le déanaí

Ar an gclár seo bhí Colmcille Ó Monacháin ó Aonad Aistriúcháin Gaeilge an Choimisiúin Eorpaigh ag labhairt linn faoi fholúntais d'aistritheoirí leis an Aonad agus comórtas d'Aistritheoirí Óga. Chomh maith leis sin bhí Alswyn Ní Aonghusa Ní Dhúill ó Chonradh na Gaeilge ag labhairt linn faoin seó bóthair a rinne sí féin timpeall ar ollscoileanna na tíre le gairid chun eolas a roinnt maidir le deiseanna fostaíochta do dhaoine le Gaeilge.

Ar an gclár seo labhair Niamh Ní Chróinín ó Chonradh na Gaeilge linn faoi amhrán Gaeilge Wheatus agus eile ar Ceol 2018 a eiseofar níos déanaí sa bhliain. Chomh maith leis sin bhí Evin Ó Dunaigh ag labhairt linn ó Ghlaschú na hAlban faoin bhfeachtas atá athosaithe chun Gàidhlig a chur ar Duolingo agus faoi Chonradh Na Gaeilge Glaschú.

Ar an gclár seo labhair Noelle O'Connell, Stiúrthóir European Movement Ireland linn faoi Chomhrá Saoránach a bheidh ag EMI i gCo na Mí an tseachtain seo ar #FutureofEurope. Chomh maith leis sin bhí Deirdre Donnelly ag labhairt faoi thuras a ghlac sí go dtí na Stáit Aontaithe le déanaí chun cuairt a thabhairt ar Bhalla Cuimhneacháin Iarshaighdiúirí Vietnam ar a bhfuil ainm a huncaile Bernard Freyne agus eile.

Ar an gclár seo labhair Seáinín Mac Conraoi linn faoi chúrsaí Gaeilge i mBrattleboro, Vermont na SAM. Chomh maith leis sin bhí Brent Ó Caiside ag labhairt ó Oulu na Fionlainne faoi cheiliúradh a bhí ansin do Lá le Pádraig is eile mí Márta.

Ar an gclár seo labhair Caitríona Weafer linn ó Chathair na n-Aingeal, California faoi dheireadh seachtaine Gaeilge a bheas ar siúl ansin mí Bealtaine lagaeilge.wordpress.com/. Chomh maith leis sin chualamar ó Chuan Ó Seireadáin a bhí thall in Heidelberg na Gearmáine ag casadh ceoil leis an Irish Chamber Orchestra le déanaí.